مشكلة كبيرة عندى ارجو المساعدة

**hillal** · 07-06-2009 02:14 AM

ياجماعة انا عندى اللعربية بتنقص زيت حوالى نصف كيلو زيت كل الف كيلو وفى دخان بس مش دخنة جامدة اوى مع ان سحب العربية بعد الرابع ممتاز ممكن اعرف ايه السبب وايه المطلوب والتكلفة العربية نوبيرا موديل 2001 اتوماتيك ارجو الرد

**samirayad** · 07-06-2009 02:21 AM

أطمن أولا على أن مفيش زيت بيروح للمكنه من خط الفائظ .....لو تمام يبقى مطلوب تغير كاوتش الصباب..........وده ممكن تعرفه بالكشف على البوجيهات ( حتلاقيها بتعرق زيت نازل من عند منطقة التاكيهات ).....وعلشان كده العربيه سحبها بيتحسن معاك على الرابع (لأن الحرق بيزيد وبينشف البوجيهات ).............ده تصورى للعيب عندك

**hillal** · 07-06-2009 12:08 PM

شكرا على الرد يابشمهندس بس انا شوفت خرطوم الفائظ لاقيت حواليه زيت وكمان شلته و دورت العربية لاقيت فى بخرة طالعة من الفائظ لما بزود للعربية جامد هل كده العربيةعايزة شامبر ولا ايه بالضبط وياريت تفيدونى بالتكلفة

**samirayad** · 07-06-2009 02:32 PM

طالما الزيت ده من خلال خط الفائظ .....يبقى فيه نفخ من غرف الحريق للكرتير ...........وكده طقم شنبر فعلا .........ولما حتحل حيبان برضه شكل رأس السلندر ............ويمكن تحتاج تعمل روديه بالمره وتغيير كاوتش الصباب ( ولو على كده التكلفه مش حتكون كتيره أن شاء الله .............أعتقد فى حدود ..........قول 1000 ج مثلا ) وطبعا وضع الحاله اللى حيحدد برضه ...........وصعب الجزم بالتكلفه بالضبط.............

**hillal** · 07-06-2009 05:47 PM

الف شكر يابشمهندس ممكن تفيدنى فى مشكلة عندى فى الفطيس عندى نوبيرا 2001اتوماتيك لما ارجع على المارشدين لازم اعدى حرف (r)بالكامل غير كده العربية ماتخدش غيار المارشدين هل ده طبيعى فى النوبيرا ولا ده بوش فى الفطيس مع ان جميع الغيارات عادى كدا ومافيش اى مشكلة فى الفطبيس غير موضوع المارشدين ده هو المختلف عن باقى الغيارات وشكرا

**samirayad** · 07-06-2009 08:58 PM

الف شكر يابشمهندس ممكن تفيدنى فى مشكلة عندى فى الفطيس عندى نوبيرا 2001اتوماتيك

على أيه يا أخى ..........وربنا يقويك

لما ارجع على المارشدين لازم اعدى حرف (r)بالكامل غير كده العربية ماتخدش غيار المارشدين هل ده طبيعى فى النوبيرا

لا هو كده مش طبيعى طبعا

مع ان جميع الغيارات عادى كدا ومافيش اى مشكلة فى الفطبيس غير موضوع المارشدين ده هو المختلف عن باقى الغيارات وشكرا

لو متأكد من النقطه دى ومفيش معاك مشاكل لما تحط الفتيس على الأوضاع n& P & d يبقى فيه مشكله بسيطه فى ميكانيزم السيلكتور سويتش ( يد أختيار أوضاع التعشيق بالنسبه للوضع r )..............ودى ممكن تعالجها بأعادة رجلاش لينك بيكون جوه السيلكتور ساعة لما بتجيب اليد على الوضع r ...............ومن رأيى لو مش مسببالك مشاكل فى التعشيق مثلا .....والتعشيق سلس وكويس ..........ممكن تسيبها دلوقتى على ماتخلص موضوع المكنه .....وتظبط نفسك تانى ............وأنا كنت قرأت برضه أنم بيبقى فيه رجلاش لواير الأكسراتير بتاع المكنه وبيكون ليه تأثير على آداء الفتيس عامة ...........ممكن تبقى تسأل واحد متخصص على النقطه دى .......وخليك برضه بعد الشنبر وجرب الآداء كده ...........مين عارف .....يمكن ربنا يسهل ويجيب الفرج من عنده .......................وتمنياتى لك بالتوفيق