طب تفتكر الكلام دة ينطبق برضة ع المونديو و الفوكس
اشمعنا دول ذى برة تمام ؟ّّ!!
كانوا حطوا ماتور الفوكس2009 جميل جدا
ولا هو كمان نفس الموتور دة !
موتور ال استرا ال1600 موديل 2004 اللى قبل النيو شاب ع طول شفتة النهاردة Ecotech
مواصفات العربية بتحدد على حسب السوق اللى نازلاة علشان السعر .. فى بلاد عندها قوانين ومواصفات ومواطنين بتحترمهم وبلاد لأ يبقى لية اساوى بين الاتنين !!!
الامثلة كتير عندك مثلا اللانسر البومة دور على النت هتلاقيهم بيشتموا فى الموتور ال 1.6 وبيقولو انة ضعيف وهنا الناس بتقول فية اشعار وانة موتو رياضى وميسمعوش اصلا عن ال 1.3 , الرينو اللوجان اسمع ان ليها موتو 1.6 16صمام وهنا نازلة 8صمام بتاع الميجان القديمة , البونتو موتور 1.3 8 صمام , الكليو بعد ماكانت 1.4 16 صمام نزلوها 8 صمام علشان السعر , الفكترا لحد 2003 كانت بتنزل 1.6 8 صمام فى المانيوال
بلللاااااش غبور لما كان بيبيع 4 موديلات من نفس العربية والاربعة زيرو محدش قال حاجة لية!!!!
الاكسنت القديمة وبعدها نزل الفرنا وبعدها نزل الفرنا فيفا اللى هى الشكل اللى بين الاكسنت والفرنا وبعدها نزل النيو اكسنت ولسة لحد النهاردة بيبيع 3 موديلات لنفس العربية والتلاتة زيرو !! ومنهم الفرنا 1.5 بنفس موتور الاكسنت القديمة!!!!
لما اللانسر الشارك نزلت البومة لية لسة بتتباع زيرو وسعرها بيغلى بالرغم من ان المفروض العكس وبالرغم من دة كلة الناس بتشترى!!!!!
الامثلة كتيييير اوى ...
الكروز مش هى اول ولا اخر عربية يتعمل فيها الحركات دى فامش لازم نعلقلها المشنقة من قبل لما نجربها ونشوفها
In automac Sales told us the engine is the same as the one in Optra but he think it contains Variable Valve Timing,while i think it's just the optra engine without even the VVT.
كلامك تمام صح
بس انا كان قصدى مثلا
هل ينفع لانسر ال1600 بتاعتنا تتباع فى سوق تانية 1600 بس 8صباب مثلا و الموزع ميقولش و يقولك لا هى ال لانسر ال1600 !
دة قصدى ع الكروز تنزل 1600 برة بتكنولوجيا تانية و تنزل عندنا 1600 برضة بس حاجة تانية و الموزع ميقولش!
يعنى قصدى بردة ينفع انت تشتريها مثلا من السعودية ecotec وتيجى تشتريها هى هى ال 1600 تفتح الكابوت تلاقيها على تيك !
و محدش يديك hint
!!
دة قصدى
بالنسبة لغبور الفيرنا دى بتاعتة اصلا مش بتاعت هيونداى !!!!!!!!! دة بايع منها فى مصر اكتر من كل دول العالم مجتمعة تقريبا !!!!!!!!!!!!!!!!!!
انا ان شاء الله هاروح أبص على كود الموتور ده
بس لو موتورها مطلعش لا بتاع الكروز اللى بتنزل بره ولا بتاع الاوبترا
يطلع مثلا بتاع اوبترا بس متعدل او متطور يبقى ايه الموقف
كلام جميل بس اختلف معاك...
اللوجان برة 16 صمام هنا 8 صمام , الكليو فى اواخرها كانت 8 صمام , البونتو 8 , الفكتر b كانت بتنزل المانيوال 8 صمام....
منصور مضحكش على حد وقال انها ايكوتك هو قال مواصفات عربيتة 1.6 16 صمام والقدرة والعزم .. موضوع اختلاف المواصفات دة تسويق وفى كل الماركات مش شيفرولية بس.. فى بلاد ليها مواصفات يبقوا يعملولها المواصفات بتاعتها وبلا ملهاش مواصفات يبقى نرميلها اى حاجة تسكت الناس وخلاص.
لو الناس معترضة على موتور الكروز مش ايكوتك يبقى نص العربيات اللى بنشوفها هنا دى المفروض تعدم
انا مش بدافع عن العربية ولا منصور ولا يلزمنى اصلا بس هى كلمة حق قبل منعلق المشنقة للعربية وتطلع الاشاعات عليها زيها زى عربيات كتيييير ونمجد عربيات تانية بالرغم من انها اقل جودة ومواصفات . نجرب العربية نشوف مميزاتها وعيوبها مش جايز تطلع احسن من عربيات تانية كتير .
انا ملاحظ ان فى حملات على الكروز من قبل الناس متشوفها ولا تجربها وبيقارنوها بالسيراتو مع ان الاتنين لسة متجربوش (اقدم عربية سيراتو عاملة كام الف كلم!! ) ومحدش يقول تقييمات عالمية لأن الكل عارف ان احنا هنا لينا تقييمات خاصة محدش عارفها!!! ياما عربيات ماتستاهلش طلعنا بيها السما وعربيات محترمة خسفنا بيها الارض
الناس معترضة على الكماليات والسعر طيب واية اللى هنا بكماليات برة وسعرة كويس .. اللانسر البومة اللى مع نص سكان مصر سعرها كويس ومناسب لها !! ولا الياريس ولا الكورولا ولا ....................... الامثلة كتير اوى اوى...
خلونا نجربها الاول ونحكم بعدين
انا من رائيى ان العملية تمشى ارقام ...بمعنى ارقام التسارع و القوة الحصانية و العزم و استهلاك البنزين و فترات الصيانة للموتور ..لو كانت معقولة و متحسنة عن موتور الاوبترا يبقى ماشى حتى لو كان الموتور اللى راكب ده موتور توك توك
على ويكي ذكروا في صفحة السيارة أنها eco-tec و لكن في صفحة محركات gm ذكروا أنها e-tec ..
http://en.wikipedia.org/wiki/Chevrolet_Cruze
http://en.wikipedia.org/wiki/GM_Family_1_engine#LXV
موضوع الموتور ده لا يعيب السيارة
هو يعني موتور الأوبترا ماله ؟؟؟
النقاش ده بس علشان نعرف الموتور اللي فيها ايه
مش ممكن حد يجيبها و يتزنق في قطعة غيار و تكون موجودة بتاعة الأوبترا و هو ما يعرفش ..ده بفرض انه الموتور طلع بتاع اللأوبترا ...
المعلومة و النقاش مش الغرض منه التجريح في العربية قد ما الغرض منه اننا نكون على نور