يا جماعه انا بدور العربيه عشان اسخنها بلاحظ انها بتسخن بسرعه كبيره او عداد الحراره بيكون فى المنتصف فى وقت قليل وبعدين بسمع صوت كركره جايه من الموتور بس مش دايما ارجو الرد بسرعه وشكرا
عرض للطباعة
يا جماعه انا بدور العربيه عشان اسخنها بلاحظ انها بتسخن بسرعه كبيره او عداد الحراره بيكون فى المنتصف فى وقت قليل وبعدين بسمع صوت كركره جايه من الموتور بس مش دايما ارجو الرد بسرعه وشكرا
بصراحه صوت الموتور لما تغمزه شويه بتلاقيه عامل زى موتور كبير او موتور الميكروباص التويوتا 2008 بالظبط صوت جامد قوى بصراحه بتكيف منه بس الحراره بترفع بسرعه دا يبقى ايه
الحراره بترتفع بسرعه ازاى يعنى؟؟؟؟؟؟
انا العربيه بقالها سنه معايا والحمد لله عمرها ما سخنت او حتى المؤشر وصل للمنتصف والعربيه موتورها زى الفل لو بترتفع عندك اكتر من النص يبقى فى حاجه غلط ولازم تروح التوكيل فورا
ميدو
انت من قبل ما تجيب العربيه و مالي القسم اسئله
منها ما يخص واحد بيشتري و الاخر حبه كده عن حاجات بتتغير كل عقد من الزمان
و بعد ما استلمت العربيه برضو عملتلك كام موضوع عن حاجات مختلفه و الناس و منهم انا تجاوبت معاك
و حتي موضوع الاستبن عملت عليه هيصه ملهاش لازمه و حسست الناس ان انت اتنصب عليك
بص بقي
هل شايف ان صوت موتور النيسان صني عامل زي صوت ميكروباص؟ ولا حتي موتور كبير؟؟؟
ده 1600 سي سي ( انت كنت راكب ايه قبل الصني دي؟)
و حراره ايه بس اللي بترفع بسرعه انت بتمشي بالعربيه بارده و المؤشر علي الصفر و بتستغرب لما يروح علي المنتصف تدريجيا؟؟( ماهو ده الطبيعي اساسا)
بص يا ميدو رحم الله امريء عرف قدر نفسه
و انا عارف و متأكد اني وصلت لدرجه مش هقدر افيدك فيها مادامت اسئلتك و استفساراتك علي المنوال ده
مبقولش حاجه ليك كده او كده انت حر يا سيدي تسئل زي مانت عايز انت عضو معانا و من حقك تسئل علي اي حاجه في قسم النيسان او اي قسم تاني
بس اللي عايز اقوله ليك متستناش مني اي اجابه علي اسئلتك الا لو كان سؤال بجد و موجهه ليا شخصيا و احس كده انه مشكله بجد او حاجه عويصه (لا قدر الله طبعا)
لأني بزعل لما امر علي القسم هنا و تحسسني ان العربيه اضحك عليك و جيبتها و كل شويه يطلع منها عفاريت
اتمني ان كلامي يكون خفيف علي قلبك و متزعلش مني بس زي ما قلتلك
رحم الله امرئ عرف قدر نفسه
يا دكتور شكرا اولا على ردك تمام وانا والله بقدر ردك جدا ومزعلش ابدا بس بسال عن حاجات صغيره عشان متبقاش كبيره بعد كدا بس هوا دا قصدى اسال سؤال ممكن اعضاء كتير غيرى يسالوه بس خلاص هما مش هيسالوه لانه اتسال هيدخلو بس يشوفو اجابات بس انا كنت خايف من ارتفاع الحراره بالشكل دا ولما حضرتك جاوبت انا اطمن لانك معاك نيسان من قبلى ومجرب ........... ومتشكر قوى يا دكتور على متابعتك وردودك على مواضيعى شكراااااااااااااااااا