الليجانزا.. تتقارن باية يا استاذ ؟؟
عرض للطباعة
الليجانزا.. تتقارن باية يا استاذ ؟؟
مين استاز ده ؟ يمكن قصدك أستاذ
المهم الليجانزا تقارن مع السيدان الفئة الكبيرة مثل:
تويوتا أفنزيس & باسات & هيونداي سوناتا & بيجو 406 & أوكتافيا الكبيرة وغيره ...
ما كنتش لاقى حرف الزال فى الكى بورد بتاعتى خالص .. ياجماعة من فضلكم انتم بتلاقوة فين؟ .. قلت اقرب حرف لة و يؤدى الغرض برضو هوة : زززز لكن مادام احمد احساسة الغوى عالى كدة ماقدرش استنى . انا نازل ادور على كى برد يكون فيهاكزا زال :lol:( بسسس: اللى يعرف مكان زال يقللى بليز ولة الاجر و الصواب ) :roll:
تحت زرار Esc جنب الأرقام أقصى الشمال
احمد باشا , طب لما هى راسها براس الباشاوات المرعبين دول .. لية سعرها تحت اوى كدا؟ :roll:
الذال اول حرف علي اليسار تحت Esc وفوق tab
ااةةة ..لقيتة واهو اول انتاج هالذرار::ذ ذ ذ ذذذذذذذ اف ذذ شكر ذذ :lol:
لندرتها وبالتالي ندرة قطع غيارها
وأنا مش عارف هل هي بتنتج حتى الآن في الخارج أم توقف إنتاجها
لكن لو كما أظن توقف إنتاجها يصبح هذا هو السبب الثاني لرخص ثمنها
:mrgreen:اقتباس:
المشاركة الأصلية كتبت بواسطة pics
الف شكر لاحمد وطارق .. وقد تم العثور على الحرف المفقود , الا انة تلاحظ انة بحالة سية ووجهة تقريبا مالوش ملامح وربما يظهر فى بعض الحفلات( المشاركات) فى ملابس اخوة الرا , او الزال ... وزالك لحين علاجة ( مع هن)ى برى من زنبة وعمرى ف حياتى ما كتبت عربى عالكى الا لما حبيت نابل موتورذ ) الظاهر الواد ابنى هوة الى عمل فية كدا من وراىا لانة بيذرذر كتير.... بسسس : تخيلوا على بال ما كتبت البق دا حرف حرف خدت وقت كد اية؟.. بس برضو احسن من الكتابة البالى بالكو(mesh kedah walla eahh>>>?
kedah tab3an قصدي كدا طبعاً أحسن :D
اللى عايذ اى حاجا عن الليجانذا يقوللى ,دى معايا من 99 لدلوقتى وباحبها اوى
ممكن حضرتك تكتب تقييمك ليها لأنى باحترم السيارة دى جدا و شايف إنها أفضل ما أنتجت دايو على الإطلاق.
اسف على التاخير فى الرد العريه اكتر شىء لا فت هدوءها و اعتماديتها العاليه و موتورها قوى باسافر بيها 5 راكب بشنطهم و بتطير بيهم بخفة الحمامه
بس هى قريبه من الارض قوى ، فى المطبات عايزه سواق شاطر ، و لذلك غيرت الشاكمان مرتين .. فى كامل الحموله + التكيف بتعمل 200 فى الصفيحه مع الالتزام بالسرعه 90-100
تنزل منها بعد سواقه 3 -4 ساعات مرتاح اوى
سرعة 100 الار _ بى _ ام بيبقى 2200
منذ شراؤها التكييف بشحنته و يفوق احتياجك
الساوند سيستم الكلاريون ذو ال6 سماعات اكسلنت
قطع غارها رخيصه جدا حتى لموظف مبتدىء
الاجزاء اجيبها استيراد من ابو هاشم فى ش العشرينى 2 مساعد 500
اكرة باب داخلى 50
فانوس امامى 450
خلفى 150
سير كاتينه من 65 - 80
فلتر زيت 25
فلتر هواء حاجه و تلاتين
عزل الكابينه صح اوى وواسعه اوى
كل ما تجرى كل مل يزيد ثباتها ( 170 ) ممكن اللى جنبك يروح فى النوم ( مع طريق درجه اولى طبعا )
الشنطه ابنى بيخبى فيها صاحبه 100 كيلو لحم و يخش النادى ما يدفعش تذكره
و كذلك خروف العيد جبته من البلد الى القاهره و لم اشم اى روايح تحتاج معطر جو
************
الرضا ده انا باحصل عليه نتيجة التزامى اللى بالكتالوج بالشعره( حتى الكاوتش باغيره كل 40 الف حتى لو ميشلان و اقول رزق غيرى
حاجه خاصه بيه ، لازم على الاقل اشكر نعمتها كل شهر مرة بتوصيل
مريض لطبيب و انتظاره
اعارتها لفقير يزوج ابنته و تزيينها له .... الخ الخ زى ما ربنا يكرمنى باستعمالى فى اى خير
و الحمد لله دايما مخالفاتها 5 جنيه
مره واحدجة كانت 150 ج
واهى ماشيه و الحمد لله
بعد الى حضرتك قولته منصحكش تغيرها
مش هتلائى حاجه فى سعرها ومريحه وعملية زيها
أنا بعشق عربيه أسمها ليجانزا
وكنت بتمنا أنى أشتريها
لكن للأسف ملقيتش منها عربيه بحاله جيده
دى عربيه أسطوره
ربنا يباركلك فيها ويعطيك خيرها ويكفيك شرها يا د\ مدحت
الف شكر استاذ حماده .. باقة ورد لذوقك و اخلاقك الكريمه
دمت بود و سعاده
العربيه دي انا بسميها (ليه جامده ؟؟)
لانها فعلا عربيه محترمه
اتوقف انتاجها في الخارج و بينتج مكانها الشيفورليه ابيكا
بالاسبيرانزا2000
لا يا راجل الليجانزا افخم من الاسبرنزا بالرغم ان الاسبرتزا فيها تقنيات حديثة نوعا ما
الليجانزا دي لما يكون صاحبها مخلي باله منها بتبقا تحفه و اسمع انها قويه موتورها عفي
انا ما قلتش الاسبرانزا احسن
وما قلتش الاسبرانزا ال1600
انا قلت اسبرانزا 2000
وشخصيا افضل الليجانزا طبعا
الليجانزا احسن عربية عملتها دايو علي الاطلاق انا لو هركب دايو هجيب ليجانزا و العربية سعرها و شكلها و ثباتها و سحبها حلو و 2000 سي سي كمان حتي لو كوري هتتحمل برضه عشان الموتور كبير و تتقارن بسوناتا و اسبرنزا 2000 سي سي ان كانت احسن منهم هما الاتنين
بالضبط كده
وصلت المعلومه
عربية ممتازه بجد
وفخمة جدا وسعرها حلو
ربنا يبارك لك فيها
عربيه محترمه
الليجانزا لم يتوقف انتاجها كليا .
في سنة 2000 تم عمل تعديل بسيط عليها و اصبحت اطول 35 مم و اعرض 15 مم و نزلت باسم Daewoo Magnus
و لكنها فضلت تتباع في كوريا جنب الLeganza كأنها موديل مختلف .
لحد لما GM خدت دايوو- قفلوا اللجيانزا الاصغر نسبيا و كملوا بالماجنوس و نزلت باسم Chevrolet Epica و مارالت تنتج الي سنة 2006
الى ان تم تصميمها من الزيرو تماما في 2006 و نزلت باسم Daewoo Tosca
ومازالت تباع تحت علامة دايو في كوريا و Chevrolet Epica في امريكا .
صورة ل Chevrolet/Holden Epica 2007 :
http://upload.wikimedia.org/wikipedi...ica_CDX_01.jpg
-------------------
بالنسبة لشيري و اسبرانزا فهي نسخة طبق الاصل من الدايو ماجنوس مش الليجانزا - مع تعديلات طفيفة في الشكل الخارجي .
و الي بيدهشني ان الموديل الجديد من الاسبرانزا ال A6 او الشيري A6 مازال برده مشابه الي حد كبير للEPICA الحالية بس حينزل في 2009 .
والله انا واد لعيب
قلت الليجانزا اسبرانزا
موضوع ممتاز
الليجانزا محترمة وبالنسبة انها 2000 سى سى ضريبتها كام يا اخ مدحت وتأمينها كام فى السنة ؟؟
يعنى بتدفع فى المرور كام فى السنة ؟؟