موقف أثبت لي أكثر أهمية وجود كمبروسور في العربية

كنت قد كتبت من قبل على صفحات Nile Motors موضوع بعنوان المعدات والأدوات الواجب توافرها عامة وفي سيارات النساء خاصة

واليوم وجدت زميله بالعمل تشتكي لي من أنها في موقف بايخ جدا من المحتمل ان يفقدها فردة الكاوتش الأماميه لأنها أتت من المنزل إلى العمل وهي تسير على الفرده وهيه "نايمه" وسوف تعود إلى المنزل بنفس المشكلة لأنها عند وصولها أرسلت عامل النظافه إلى الباركنج ليقوم بتغير فردة الكاوتش النايمه بالأستبن ولكنه عندما ذهب إلى سيارتها وجد الأستبن نايم هو الأخر

وهنا قلت لها ولماذا لا تحتفظي بكومبرسر كما كنت أنصحك دائما قالت لي أنها دائما لا تجد وقت لتنفيذ أيا من الأفكار

المهم

قلت لها طيب وإللي يحل لكي المشكله دي وينقذ الفرده النايمه من التلف ؟
قالت أزاي ؟
قلت لها :- لأني معايا كومبرسر وهازودلك العجله على 33 عشان تقدري تمشي بيها مسافه معقوله لحد ما تلاقي محطة بنزين أو ورشة لأصلاح الكاوتش يصلحلك الفرده

وفعلا روحنا للباركنج وزودت العجله النايمه إلى 33 وكمان كنت هالحمهلها لاني معايا خوابير والأدوات اللازمه ولكن للأسف لقيت إن زجاجة المياه المخلوطه بالصابون السايل غير موجوده في شنطة عربيتي فاكتفينا بتزويد العجله إلى أن تجد زميلتي ورشة أصلاح كاوتش أو محطة بنزين وهي راجعه

وطبعا أنتهذت الفرصه وفضلت أكلمها عن موقع Nile Motors والدور الكبير إللي الناس بتقوم به في النصح والأرشاد وإن أي متابع للنصائح دي مش ممكن يتعرض لموقف زي ده أبدا

--------------
تم تعديل العنوان من
" موقف أثبت لي أكثر أهميه هذا الموضوع " الي "موقف أثبت لي أكثر أهمية وجود كمبروسور في العربية "
ABONORA 03:08AM 19057

المهم يا هانى ماتكونش إنتهذت الفرصة أكثر من كده :) هههههههه طبعا بهرج :)

هو الكومبريسور مهم جدا طب هاقولك أنا موقف يدل على أهميته أكثر من زميلتك إللى كان لو فكرت حبه كانت بعتت عامل النظافة بأى تاكسى لأقرب محطة بنزين كان صلحلها الفاردة النايمة أو نفخ الإستبن و رجع بتاكسى تانى لكن تقول إيه فى واحد إبن ستين فى سبعين نايم العجلتين إللى قدام ؟؟

أنا والدى كان راكن فى مكان ما عند عمارات و مش قافل على حد ولا لاغى مدخل جراج ولا أى حاجة و نزل يشترى حبة حاجات و رجع إتفاجئ بالعجلتين الأماميتين نايمين على الأرض ...............طبعا واحد مفيش عنده دم ولا مخ هو إللى عمل كده لآن مخه على أده و حاسس إن عمارته مينفعش حد يركن أمامها غيره (عبيط) المهم كان فيه بنزينه على بعد حوالى 100 متر راح والدى و طلب من عامل الكاوتش يجى معاه ياخد الفردتين و يملاهم و يجيبهم تانى ............... :!:

تخيل الصدمة التانية ؟؟؟؟؟ العامل قاله الكهرباء قاطعه من الصبح فى مشكله و لس مجتش .......

والدى رجع بنفسه رفع العربية (الحمد لله معاه كوريك تمساح محترم) و فك العجلتين و فى تاكس لحد أقرب واحد بتاع كاوتش و راجع طبعا على عينه من المجهود و الحر و قالى ياربتنى سمعت كلامك و جيبت الكومبريسور ...... أصل لما قولتله قالى مالوش لازمه و صعب أحتاجله ...........أه ظهر لازمته

Good morning Payoo

Can you please tell me where to get a good compresor

اقتباس:

---

المشاركة الأصلية كتبت بواسطة Hossam Hassan

Good morning Payoo

Can you please tell me where to get a good compresor

---

في شارع الجمهوريه عند أبو الجوخ أو المحل إللي جانبه على طول

ممكن اعرف سعره كام و في منه انواع ولا هو نوع واحد

يا جماعة أنا عرفت قيمة الكومبريسور بجد إمبارح

نزلت إمبارح أركب العربيه لقيت عجله نايمه على الأرض تمام والعربيه في الجراج . طبعا البواب قالي نفك العجله ونوديها تتصلح عند واحد بتاع عجل قريب مننا

أنا طبعا علشان أول مره أفك العجله من العربيه ( ده أول موقف عجل يحصل للعربيه من ساعة ما جبتها ) قلت مستحيل أفكها إلا عند شخص متخصص وبصراح أنا أول مركز جه في دماغي هو المركز بتاع Bridgestone اللي موجود في محطة كالتكس في عباس العقاد

المهم طلعت الكومبريسور ونفخت العجله لغاية 30 في 5 دقائق ورحت بالعربيه للمركز ده .

الراجل طبعا فك العجله وكشف عليها لقى حتة أزازه مدببه دخله برسها في العجله وقعدتها بره :twisted: :twisted: :twisted:

طبعا لو كان مسمار كان الوضع كان أفضل بس حتة الزجاجه ده عاملت قطع طولي قي الكاوتش

الناس هناك في المركز ناس محترمه ولحموا الكاوتش بإحتراف . اللحام اللي لحموا بيه كان لحام ألماني وليه شكل معين أول مره أشوفه

المهم بعد ما لحم الكاوتس ونفخت العجل كله نيتروجين عنده ركب العجله وربطها

اللي عجبني بجد أنه أستخدم العدة الخاصه بالترك علشان يترك على الصواميل وعاجبني الموضوع ده بشده لأن نادرا لما تلاقي حد بيعمل كده

بس بصراح هو مركز رائع وساعتها حسيت بأهمية وجود الكومبريسور في العربيه

اقتباس:

---

المشاركة الأصلية كتبت بواسطة mbluethunder7000

اللي عجبني بجد أنه أستخدم العدة الخاصه بالترك علشان يترك على الصواميل وعاجبني الموضوع ده بشده لأن نادرا لما تلاقي حد بيعمل كده

بس بصراح هو مركز رائع

---

ايه هيا العده الخاصة بالترك ديه ؟؟؟!!!!!!!!!

يمكن تقصد ( يحرّق على الصواميل) ؟؟؟

يا إما نرجع لقاموس "طبلت" هنلاقيها فيه...

وايه يحرق علي الصواميل ديه كمان يا دكتور هو انا كنت فهمت الاولانيه :cry:

اقتباس:

---

المشاركة الأصلية كتبت بواسطة Abonora

اقتباس:

---

المشاركة الأصلية كتبت بواسطة mbluethunder7000

اللي عجبني بجد أنه أستخدم العدة الخاصه بالترك علشان يترك على الصواميل وعاجبني الموضوع ده بشده لأن نادرا لما تلاقي حد بيعمل كده

بس بصراح هو مركز رائع

---

ايه هيا العده الخاصة بالترك ديه ؟؟؟!!!!!!!!!

---

ال Torque ده هو عدة خاصه لتثبيت الصواميل والمسامير بعزم خاص يكون مكتوب لكل حاجه في العربيه في الكتالوج الخاص بيها

وده طبعا مهم جدا لو أنت بتتكلم على حاجه بتتعمل صح ( مش أي حاجه والسلام ) لأنك لما تترك على الصواميل بالعزم الخاص بيها والواضح في كتالوج السياره ده هايحافظ على السنون الخاصه بالصواميل غير التثبيت الفعلي لها

مهم جدا جدا الموضوع ده

شغل امريكاني يعني :D

لأ ده شغل إحتراف والشغل الصح اللي مفروض يتعمل في أي حته

اقتباس:

---

لناس هناك في المركز ناس محترمه ولحموا الكاوتش بإحتراف . اللحام اللي لحموا بيه كان لحام ألماني وليه شكل معين أول مره أشوفه

---

اول مرة اعرف انهم بيلحموا الكاوتش كنت فاكرهم بيبيعوا بس دول غير البهايم الشغالين فالبنزبنة العند المخرج وكل مروح يقلي 3 اخرام ولازم تغير البلف كل مرة لحد مفهمت انهم بيشتغلولي وبقيت اروح عند واحد بتاع كاوتش عند الحديقة الدولية.

اقتباس:

---

المهم بعد ما لحم الكاوتس ونفخت العجل كله نيتروجين عنده ركب العجله وربطها

---

هم عندهم نيتروجين فالبنزينة :shock: لو عندهم ياريت تقولي بكام

انا عارف طبعا ان ده الصح بس انا بقول شغل امريكاني بناء علي نظرية كان قالهالي صديقي " العقيد اسماعيل عبد المعطي " الله يرحمة وده كان ظابط مهندس ميكانيكا وكان شغال معايا في ابوغالي زمان

المهم الراجل ده درس علي ايد الروس ايام الخبراء في الستينات والسبعينيات ولحق الامريكان

فكان بيقولي فيه فرق كبير اوي بين طريقه استخدام الامريكان لمعدات الصيانة وطريقة الروس

الروس في الغالب صناعتهم بتعتمد علي صلابة المنتج ومتانتة وتوافقة مع كل ظروف التشغيل فتلاقي الفني الروسي زي المصري تمام بيهبد ويرزع ويفك الصواميل باي مفتاح ياكش تكون ذرادية

اما الامريكان فبيظفوا الخامة للاستخدام وبالتالي تلاقي لكل معده ادوات التعامل الموصي بها وكمان لازم اتباع كتيبات الارشادات

ده الفرق بين الفكرين بس انا افضل الفكر الروسي :lol:

ومتنساش تقولنا ملو النيتروجين ده بكام ؟؟

اقتباس:

---

المشاركة الأصلية كتبت بواسطة Nader

اقتباس:

---

لناس هناك في المركز ناس محترمه ولحموا الكاوتش بإحتراف . اللحام اللي لحموا بيه كان لحام ألماني وليه شكل معين أول مره أشوفه

---

اول مرة اعرف انهم بيلحموا الكاوتش كنت فاكرهم بيبيعوا بس دول غير البهايم الشغالين فالبنزبنة العند المخرج وكل مروح يقلي 3 اخرام ولازم تغير البلف كل مرة لحد مفهمت انهم بيشتغلولي وبقيت اروح عند واحد بتاع كاوتش عند الحديقة الدولية.

اقتباس:

---

المهم بعد ما لحم الكاوتس ونفخت العجل كله نيتروجين عنده ركب العجله وربطها

---

هم عندهم نيتروجين فالبنزينة :shock: لو عندهم ياريت تقولي بكام

---

أنا أول مره أعرف انهم بيلحموا الكاوتش بس أنا قلت لازم أسأل علشان أطمن . والأخوه البهايم اللي حضرتك قلت عليهم فأنا أحب أقولك أني مابافضلشي أعمل أي شغل في العجل أو الكاوتش عند الأخوه اللي في محطات البنزين بتاتا .

بالنسبه لموضوع النيتروجين . انا بالصدفه البحته لقيت عربيه وقفت ورايا ولقيت الفني هناك شد خرطوم هواء بمقياس غريب . فسألت الراجل بقله ( أده أده ده أنا أول مره أشوف المقاس ده خاصة في الهواء المضغوط ) قالي ده المقاس بتاع النيتروجين .

المهم الراجل أغراني بصراحه وقالي تملى نيتروجين قلتله بكام ( الواحد لازم يسأل قبل ما يدبس :D ) . قالي العجله هاتكلف 5 جنيه . أنا سمعت كده قلتله أشتغل على العجل كله ودفعت 20 جنيه للأربع فرد ( بس الله أعلم هل السعر ده لكل المقاسات أو لأ ) فممكن أي واحد يروح يسألهم .

بالنسبه للحام الألماني فهو رائع وأنا أول مره أشوفه أو أجربه بس بصراحه من شكله ومن طريقة تركيبه أحب أقول أنه بيسد الفاتحه اللي في الكاوتش ويثبت فيه جامد والناس هناك بيعملوه بطريقه محترمه جدا ولو مافيش حد جربه قبل كده أنا أنصحه أن يروح يجربه

بجد أنا من ساعة المركز ده ما فتح من زمان وأنا كنت عايز أجربه في أي حاجه والحمد لله جربته :lol:

اقتباس:

---

المشاركة الأصلية كتبت بواسطة Abonora

انا عارف طبعا ان ده الصح بس انا بقول شغل امريكاني بناء علي نظرية كان قالهالي صديقي " العقيد اسماعيل عبد المعطي " الله يرحمة وده كان ظابط مهندس ميكانيكا وكان شغال معايا في ابوغالي زمان

المهم الراجل ده درس علي ايد الروس ايام الخبراء في الستينات والسبعينيات ولحق الامريكان

فكان بيقولي فيه فرق كبير اوي بين طريقه استخدام الامريكان لمعدات الصيانة وطريقة الروس

الروس في الغالب صناعتهم بتعتمد علي صلابة المنتج ومتانتة وتوافقة مع كل ظروف التشغيل فتلاقي الفني الروسي زي المصري تمام بيهبد ويرزع ويفك الصواميل باي مفتاح ياكش تكون ذرادية

اما الامريكان فبيظفوا الخامة للاستخدام وبالتالي تلاقي لكل معده ادوات التعامل الموصي بها وكمان لازم اتباع كتيبات الارشادات

ده الفرق بين الفكرين بس انا افضل الفكر الروسي :lol:

ومتنساش تقولنا ملو النيتروجين ده بكام ؟؟

---

معاك حق طبعا

اقتباس:

---

العجل كله ودفعت 20 جنيه للأربع فرد

---

تمام كدة زي اشرفكو الفالحي السابع نس انشاء اللة هتعامل معاهم علشان انا ساكن ادام البنزينة وشكراً يا باشا. :P

feen el markaz ely bettkalmo 3leh dh ?


momken a3rf ?

موجود فى محطة بنزين كالتكس فى شارع عباس العقاد فى مدينة نصر قبل الحديقة الدولية

اقتباس:

---

بالنسبه للحام الألماني فهو رائع وأنا أول مره أشوفه أو أجربه بس بصراحه من شكله ومن طريقة تركيبه أحب أقول أنه بيسد الفاتحه اللي في الكاوتش ويثبت فيه جامد والناس هناك بيعملوه بطريقه محترمه جدا ولو مافيش حد جربه قبل كده أنا أنصحه أن يروح يجربه

---

ده خابور يعنى ولا المدور؟