المنافسة بين شركات المحمول تضاعف مبيعات الهواتف الصينية ذات «الشريحتين»

**elassar2010** · 07-06-2009 02:19 PM

رصد عدد من وكلاء وموزعى المحمول زيادة فى أعداد عملاء المحمول المتعاقدين مع أكثر من شركة محمول فى آن واحد.
وأوضح محمد فارس، مسؤول قطاع التوزيع بشركة راية، أن سياسة الإغراق التى انتهجتها الشركات المنتجة للهواتف الصينية التى تتيح استخدام شريحتين كان لها أثر كبير فى زيادة أعداد المشتركين مع أكثر من مزود للخدمة فى مصر.
وأشار إلى أن الهواتف الصينية تستحوذ الآن على ١٠% من مبيعات الأجهزة المحمول مع الأخذ فى الاعتبار أن عدد الهواتف التى تدخل مصر سنويا يصل إلى ١٢ مليون هاتف غير أنه لا يوجد إحصاء دقيق لأعداد المشتركين الذين يستخدمون أكثر من خط.
وتابع: امتلاك فرد واحد لخطين لا يعنى أنه يمتلك هاتفين، فقد يحتفظ العميل بأحد الخطين لاستخدامه فى وقت ما للاستفادة من العروض التنافسية التى تقدمها شركات المحمول يوميا.
من جانبه أكد المهندس حمدى الليثى، المسؤول بشركة فودافون أنه لا يشعر بأى قلق من تزايد أعداد عملاء الشركة المتعاقدين مع إحدى شركتى موبينيل أو اتصالات، مشيرا إلى أنه لا توجد أرقام واضحة ودقيقة عن هؤلاء المشتركين.

**ahmedelzeeny** · 08-06-2009 01:07 AM

فعلا انتشرت جدا الاجهزه الصينى بسبب رخصها طبعا

**TaoTao** · 08-06-2009 01:42 AM

شكرا ع الخبر .. ممكن المصدر بعد إذنك؟

**amir** · 08-06-2009 02:10 AM

هي المشكله من عندهم اساسا
كل يوم ده ينزل بأعلانات و مهرجانات و التاني يحصله ان مكنش في نفس اليوم
لو يعاملونا كناس كبار و يحطو عروض محدده واضحه
مش موبينيل تقولك احسن ناس و الدقيقه ب15 قرش و باليل ببلاش
و اجي اشترك الاقي 5 جنيه في الشهر مصاريف اشتراك
معرفش بقي فودافون نظامهم ايه
بس اتصالات واضحه و صريحه الدقيقه ب 19 قرش كل الوقت لأي حد
طب ما ده من احسن العروض دلوقتي
ايه بقي مستكفوش نصب و ضحك علي الناس؟
المفروض قطاع الاتصالات يرخص الدقيقه لأقل من كده و ده المعمول بيه بره
ماهو النهارده عنده كام مشترك؟
ازيد من الشهر اللي فات بعدد كبير
طيب لو نزل سعر الدقيقه اكيد هيكسب برضو نفس المبلغ ان مكنش اكتر علشان الاعداد الجديده من المشتركين
و بعدين ليه المحاسبه مش بالثانيه
ياما مكالمات ضروريه بتخلص في اقل من 30 ثانيه
اعوذ بالله من ده جشع و نصب
لنا الله

**elassar2010** · 08-06-2009 09:38 AM

المشاركة الأصلية كتبت بواسطة ahmedelzeeny

فعلا انتشرت جدا الاجهزه الصينى بسبب رخصها طبعا

وبسبب انهم شعب بيعرف يفكر لما لاقوا العروض بين الشركات فى مصر طحن استفادوا من الموقف دة ونزلوا موبايل بشريحتين علشان حضرتك تستفيد بالمنافسة بين الشركات وهما يستفيدوا بالارباح المحصلة من تسويق وبيع الهواتف
شعب بيفكر

**askoda** · 08-06-2009 09:40 AM

المشاركة الأصلية كتبت بواسطة amir

هي المشكله من عندهم اساسا
كل يوم ده ينزل بأعلانات و مهرجانات و التاني يحصله ان مكنش في نفس اليوم
لو يعاملونا كناس كبار و يحطو عروض محدده واضحه
مش موبينيل تقولك احسن ناس و الدقيقه ب15 قرش و باليل ببلاش
و اجي اشترك الاقي 5 جنيه في الشهر مصاريف اشتراك
معرفش بقي فودافون نظامهم ايه
بس اتصالات واضحه و صريحه الدقيقه ب 19 قرش كل الوقت لأي حد
طب ما ده من احسن العروض دلوقتي
ايه بقي مستكفوش نصب و ضحك علي الناس؟
المفروض قطاع الاتصالات يرخص الدقيقه لأقل من كده و ده المعمول بيه بره
ماهو النهارده عنده كام مشترك؟
ازيد من الشهر اللي فات بعدد كبير
طيب لو نزل سعر الدقيقه اكيد هيكسب برضو نفس المبلغ ان مكنش اكتر علشان الاعداد الجديده من المشتركين
و بعدين ليه المحاسبه مش بالثانيه
ياما مكالمات ضروريه بتخلص في اقل من 30 ثانيه
اعوذ بالله من ده جشع و نصب
لنا الله

الموضوع بتاع المحاسبة بالثانية دة مش في أيد أي شركة من التلاتة
دة الجهاز المركزي إلي بيحدد الحد الادنى لسعر الدقيقة وكمان بيحدد المحاسبة بتم ازاي