الكروز مش سيئة أبدا ...
ياريت حضرتك توضح وجهة نظرك لمساعدة صاحب الموضوع ....
يعني زي ما شفت دلوقتي في عضو جايب مقتطفات من شكاوى مالكي سيراتو في استراليا مثلا
انما نقول على عربية سيئة كده و خلاص ...يبقى كلام مرسل و ما يساعدش
عرض للطباعة
العربيتين قريبين من بعض فعلا
و حضرتك مش اول واحد تحتار بينهم
و كل واحدة بتتفوق عن التانية في شوية اشيا
مع تفوق تام للسيراتو من ناحية السعر
شوف حضرتك شو اولوياتك و اختار علي هاالاساس
انا شخصيا بختار السيراتو لانه اعجاب شخصي بالعربية بغض النظر عن اي مقومات
الاتنين قريبين من بعض ولكن السيراتو يميزها التوكيل المحترم ولك حرية الاختيار وبالنسبة للاخوة اللي بيقولو هوندا سيتي بصراحة دي تايلندي وكمان الشكل القديم منجحش منها وبعدين هوندا عاملها للتتسويق لاسمهل علشان السيفيك غالية هي والاكوورد لكن برده هوندا شركة محترمة
ياباشا انا ركبت العربية ,بجد خسارة فيها اى مبلغ يدفع فيها اخرها معايا 70 الف جنية ماتساويش اكتر من كدة ,انا ماسوقتهاش ,بس ركبتها وشوفت خاماتها ,شوف هى كمنظر جامد واشد من السيراتو بكتير تحسسك انك راكب عربية كبيرة,لكن ادخل جوة العربية هيجيلك صدمة بجد من سوء الخامات,وضعية الجلوس فى العربية سواء فى كرسى السائق ,او الكنبة الخلفية ,دة غير ان تصميم الدركسيون بيخلى رجليك معدية الدركسيون يعنى بكل الاحوال لو هاتفكر تجيبها مانيوال يبقى ماتقعدش حد وراك,دة غير ان قعدتها واطية جدا جدا كانك فعلا قاعد فى الارض بجد ,وعلى فكرة كل الجمهور اللى ركبوا العربية استاءوا منها جدا ومعجبتش حد خالص بسبب فقر خاماتها ,وصالونها المبنى بطريقة غبية جدا ,يعنى انا ركبت الاوبترا والله احسن منها فى القعدة ,وشوف كدة حد راح المعرض وركب العربية شوف رأية اية
انا اسف على التاخير فى الرد
لكن انا برجح السيتى زى ماقولتلك لانى بصراحه من عشاق الهوندا
ولو ان السيفك عيبها الوحد هو ارتفاعها عن الارض لكن القصه دى مش موجوده فى السيتى مع وجود حمل فى الخلف
وكون ان العربيه تايلاندى فده تجميع فقط ولو صناعه هتكون فى الفرش فقط او فى الحاجات البسيطه المشابهه
لكن المكن من الماتور حتى زجاج الكهرباء اكيد يابانى
وخلى بالك التويوتا جنوب افريقى
شوف بقى انهى احسن الجنوب افريقى ولا التايلاندى
وفى واحد فى المنتدى عامل موضوع عن السيتى بتاعته 2009 والراجل بصراحه بيقول عليها شعر
ملحوظة للعلم الكروز اللون التانى الى فى الطابلوة من مادة عملا زى القماش وبشيل تراب كتيير واعتقد انو هيفقد نظافتو بسرعة ومن الصعب جدآ تنظيفو لانو علية مادة اشبة بلشبكة ودا فنظرى عييب خطيير الجزء الثانى ان اول فئة فى الاتوماتك عاملة 125 وبتنزل 2 ازاز كهربة فقط ودى حاجة تنقط طبعآ لانى استحالة اركب عربية بلمبلغ دااا وتكون بأزاز يدوى ابدآ مهما كن نوعهااا