منين اجيب الكساحه اللي بتركب تحت الاكصدام؟؟؟؟

انا نويت ان شاء الله اجيب الكساحه الكاوتش اللي بتتركب تحت الكصدام بس مش عارف هي بكام و تتجاب منين....فياريت تقولولي علي اماكن بيعها و اسعارها ...
و هي ممكن تتكسر او تبوظ من المطبات؟؟؟؟

ايه فايدتها ياعمرو؟

دي فايدتها بتقلل كميه الهواء اللي بيدخل تحت العربيه....فيحسن الثبات بتاع العربيه...
بس انا مجربتهاش قبل كده عند حد....بس عايز اجبها ...اصل الثبات عندي فوق 140 موله :lol:

والله موضوع الثبات ده موضوع كبير وانا شخصيا عندى مشكلة فيه

اللى أعرفه ودايما أسمعه هو جنوط أعرض مع عفشة قوية اذا لزم الأمر

حسب مانا شايف عربيتك أكسنت وحسب ماسمعت انها خفيفة فمن فضلك لو عملت حاجة فعلا زودت الثبات عندك قولنا عليها

على فكرة ياعمرو انا سمعت عن حاجة ممكن تنفع أوى فى موضوع الثبات ده
سمعت ان فيه مساعدين بيوطوا لما العربية تكون على سرعة - حاجة كده زى ال ABC فى المرسيدس

بس اكيد المساعدين ديه غاليه :shock:
و انا طبعا مش هيتفع افتح في موضوع تظبيط العربيه...لأني بصراحه لما بحب اعمل حاجه لأعملها بضمير لمعملهاش اصلا
لأنها هتكلفني جااااااااااااامد لأن العربيه عندي من الاخر ارعه خالص ....حتي بالكاسيت الجربان بتاعها الرودستار :cry: ....فا مشهخلص لو فتحت موضوع اني اظبطها...

اما الكساحه ديه فا ديه اعتقد انها مش هتكون غاليه فممكن عادي اجبها في الوقت الحالي

حضرتك بتقول انك عندك مشكله مع الثبات ازااااااااااااي :shock:
دي ما شاء الله الاسترا ثباتها جامد اوي....ولا ممكن يكون عايز تظبط شويه حاجات فيها؟؟؟؟

الأسترا ممتاذة زى مابتقول لحد 140 بعد كده بحس انها خفت وخصوصا لو فيه ملف وببتدى احس بالسرعة وده ضد مفهوم الثبات بالنسبة لى
لدرجة انى غيرت الأربع مساعدين لمجرد شك انهم جايز يوكنزا مش 100% وكمان مواظب على ضبط العفشة

المشكلة ممكن تكون فيا انا كنت سقت كامرى لمدة والكامرى ثباتها ممتاذ ماتحسش انك على سرعة خالص
طبعا ال 140 دى بالنسبة للكامرى ولا حاجة

واحد صاحبى قاللى انه جاب بأسترا 190 وكانت ثابتة جدا عشان كده انى شكيت فى نفسى

عشان كده عملت بحث عن الثبات و المساعدين و السوست و الجنوط و الكاوتش وووو

هو ما فيش حد ناوي يقولي اجيب الكساحه منين :? :?

طيب ممكن اعرف بتعمل ايه بعد 140 يمكن اعرف اساعدك بحاجه ممكن تعملها في العربيه...
حضرتك لو جربت الاكسنت بجد هترجع تحلف بالاسترا :lol:
انا بقي عندي علي اي سرعه بقي خفييييييييييييييييييييفه ...من فوق ال 10 كم بتبقي خفيفه :lol:

مش هقدر أشرحلك لازم تجربها بنفسك

متهيألي انك محتاج الكساحه الكوتش اللي بتركب تحت اكصدام الابيزا من 1994و طالع

ممكن تشوفها في الحرفيين استيراد ماعتقدش انها حاتعدي 80 او 100 جنية بالكتير

بص فية واحد جنب محل الشيخ ناصر بيبيع حاجات جولف و ابيزا استيراد كويس قوي
وانت داخل الحرفيين من ناحية تقسيم عمر بن الخطاب -جسر السويس (مش من ناحية المزرعه)
قبل الجامع هوة عاليمين قبل ماتحصل بتوع المرسيدس اللي عالشمال
حاحاول اشوفلك عنوانة على كارت عندي و اسمة

معلش بقى الزهايمر مش فاكر اسم الراجل خالص

الف شكر يا ادهم باشا.....بس انا مش عايز بتاعت الابيزا....انا شفت مره جولف رابيت مركب واحده جامده موووت لونها اسود ....و محطوطه بالعرض تحت الاكصدام.....
مش عارف بقي لو حضرتك شوفتها قبل كده

الكساحه الكاوتش بتاعه الجولف او الابيزا دي مش حاتتوجد جديد في دمشق و لا التوفيقية متهيألي

انا اعتقد انك لو نزلت الحرفيين و تشوف واحدة استيراد و تشوف شكلها عالعربية قبل ماتشتريها تكون ماشية مع دوران الاكصدام و مناسبة لعرضة و تشتريها على ماتشوفها مناسبة على العربية و على بومبية الاكصدام يبقى احسن

ياريت يا عمرو باشا تحط صورة لعربية مركبها على شان نشوف هيبقا شكلها ايه على العربيات بتاعتنا :-)