يعنى ربنا يعوض عليا فى الكاوتشتين الجداد دول
طيب اى الحل دلوقتى دا اتركب فى كل وحدة مجموعة خوابير منه لله بتاع البنزينه ربنا ما يكسبة
الف مبروك يا باشا
انت اتنصب عليك
دى اشهر طريقه للحام الكاوتش مع النصب المضمون
و لا تزعل معظمنا"و انا اولكم" تعرضنا لمثل هذا
فرده مافيهاش حاجه
بقدرة قادر الاقى بيقولى 4 اخرام و الاقى ايه الهوا بيطلع فيهم و لا مدفع بعد ما يحط الصابون
على فكرة كان فى موضوع كبير اوى يحكى تلك المواقف
----
حسبنا الله و نعم الوكيل
الموضوع ده حصل معايا أول ماأشتريت العربية وكنت جديد على موضوع العربيات ، كنت رحت لبنزينة أمول بنزين العامل اللى بيحط البنزين قعد يلف حوالين العربية وبعد كده قاللى الفردة الشمال اللى قدام فيها حاجة اكشف عليها ، رحت لعامل البنزينة نفسها كشف على الفردة وحط عليها مياه بالزجاجة وكان فى حوالى 6 أو 7 أخرام رفيعة جدا ، والعامل قاللى عندنا خوابير لحام سريع مستورد ومصرى المستورد ب8 جنيه أو ب 10 مش فاكر ، والمصرى ب 5 جنيه ، وطبعا أنا كنت لسه جديد ومش فاهم حاجة وتم عمل الخوابير فى فردة الكاوتش بتكلفة حوالى 38 جنيه أو 48 جنيها مش فاكر لان الموضوع ده حوالى من سنة .
انا حسيت انى اتضحك عليه ، بعد كده سألت عرفت ان لو حصل خرم فى أى فرده كاوتش تيوبلس المفروض أعمل لحام تيوبلس بان العامل يفك العجلة كلها ويفك الفردة الجوانية ويكشف عليها فى بانيو ملىء بالماء ويعرف مكان الاخرام بالضبط ويلحمها لحام تيوبلس بماكينة مخصوصة للحام الكاوتش التيوبلس .
الخلاصة من الموضوع ده ان هناك عمال البنزينة ماعندهومش ضمير بالمرة ، وبيعملوا أى شغل عشان ياخدوا فلوس وخلاص وعلى فكرة الفلوس الحرام مابتنفعش مابتنفعش مابتنفعش . وخللى الفلوس اللى جايه من نصب تبقى تنفع أى واحد نصاب .
خدوا بالكو من النصابين .
انا قريب نزلت فى حقل الغام ( مسامير )
وتلات كاوتشات اتخرمو
كاوتشين كل واحد مسمارين
وكاوتش مسمار واحد يعنى المحموع خمسة اخرام
انا كنت هديلة 25 على طول فوجئت انة بيقولى 12 جنية ياستاذ
اديتة ال 12 جنية واديت لكل واحد من الصبيان بتوعةجنية
اللى اعرفه ان الكاوتش التيوبلس لو اتخرم خرم بسيط ( حتى لو مسمار , بس ما تطلعش المسمار ) ممكن تمشى بيه وماينامش الا لو ركنت العربية فترة ( وده ميزة التيوبلس عن الكمر العادى )
علشان كده انا لو لقيت الكاوتش نايم , معايا فى العربية منفاخ يعمل على وصلة الولاعة انفخ بيه لغاية ما اروح لبتاع الكاوتش اللى انا متعود عليه وضامنه يصلحه لى وباللحام عل البارد او بالمكوة بس بدون خوابير
اولا ان اكنت عام لموضوع كبير عن النصب دا وكل الاعضاء طلع اضحك عليهم قبل كدا وكان غرضى منه ان مفيش حد تانى يتخم تانى حاجا الازاز مبيخرمش التيوبلس خالص ولو فيه خرم مسمار العجه مبتنمش الا بعد متسيبها لوحدها تالت حاجا لو حد العجله بتاعته نامت فجاه يروح لاقرب بنزينه يخليه يزودهاالو فقططططططططططططططططططططططط ططططططططططططططططططططططططط طططططططططططط حتى لو باس ايدك وقالى هتنام تانى متوفقش يزودهالك وهتمشى بيها لحد متروح لبتاع الكاوتشت المخصوص بتاعك حتى لو كنت على طريق سفر التيوبلس بيستحمل
انا كان رأيي الأفضل ليك هو تركيب شنبر في كل فرده كاوتش و كنت ريحت نفسك بدل ما تدفع 70 جنيه في خوااااااااابير
مع ان كتر الخوابير غلط
شوف يا عزيزي
انا اتعمل معايا نفس الحكاية دي اول ما جبت العربية
كنت يا دوب عامل 2000 كم بالكاوتش بتاعها ودخلت برده بنزينه وربنا ما يكسبه ابدا قعد يقنعني ان الخوابير دي احسن حاجة
يومها ادا كاوتشة 7 خوابير والتانية 9 خوابير تقريبا
بعد كدة عرفت انه غلط طبعا
المهم الكاوتش بتاعي دلوقتي عامل 21000 كم وكسور وتمام الحمد لله
فمتقلقش وامشي بيها لحد ما تجيب اخرها ومتستعملش خوابير تاني وربنا يجازي بتوع الكاوتش معدومي الضمير دول !