حد يساعدني

**Shocky** · 22-11-2007 06:51 PM

لا سنة ولا حاجة إن شاء الله هتتباع معاك بسرعة بس ركز جهودك زى ما بيقولوا

يعنى حضرتك ابدأ بالحاجات المجانية

www.contactcars.com
www.cars.com.eg
www.masrawy.com

وخش على الحاجات اللى بفلوس لإنها افضل طبعا

ملحق الأهرام للسيارات - حوالى 180 جنية للأعلان
الوسيط - حوالى 100 جنية الأعلان
www.car100100.com دة ب 50 جنية عن طريق مندوب ييجى يصورها لك

دة بالإضافة للطرق اللى تفضل بيها الاخوة زى الوكيل عن طريق الناس اللى بتاخد كسر زيرو
والمعارض المحيطة بيك , سيبلهم مواصفات العربية عشان لو جة زبون يقولة عليها وكدة مش شرط تسيبها هناك زى معرض الفتح اللى فى مصر الجديدة

واطمئن يا اخى كل حاجة وليها زبونها حتى لو بتبيع إية , إنما المسألة مسألة توفيق من عند الله
فأصبر قليلاً بس وانت بتحاول تبيعها عشان انا حاسس انها مسببة لك ازمة
اعمل بس اللى اخوة وانا قالولك عليك وإن شاء الله تتباع بسرعة

ونصيحتى ليك بقى : متشريش سيارة مغمورة او مش معروفة تانى ابدا مهما كانت الإغراءات

**ahmed_gamal** · 22-11-2007 10:22 PM

متشريش سيارة مغمورة او مش معروفة تانى ابدا مهما كانت الإغراءات

حرمت والله والواحد مابيتعلمش ببلاش ..... غلطة لن تتكرر انا في 3 نقط سودة في حياتي كلية حقوق و نادي الزمالك والعربية دي :bio: :bio:

**zezo13178** · 23-11-2007 06:23 AM

هي العربيه تقيله في بيعها طبعا عشان كده حاول تدخلها في عربيه تانيه ( لانوس او اكسنت ) لو عرفت يعني ولو تعرف حد شغال في العربيات يخلصهالك بس ابعد عن السوق خالص لانك حتسمع ارقام مش حتعجبك

**tutankhamoun** · 23-11-2007 06:25 AM

المشاركة الأصلية كتبت بواسطة TURBBO

متشريش سيارة مغمورة او مش معروفة تانى ابدا مهما كانت الإغراءات

حرمت والله والواحد مابيتعلمش ببلاش ..... غلطة لن تتكرر انا في 3 نقط سودة في حياتي كلية حقوق و نادي الزمالك والعربية دي :bio: :bio:

:D :D :D :D :D :D :D :D :D :D

أنت ضحكتني
بس يارب تعرف تبيعها و تخلص منها إن شاء الله
و أدام العربية مش وحشة إن شاء الله هتلاقي زبونها

**zezo13178** · 23-11-2007 06:26 AM

اهم حاجه انك تبقي هادي وماتستعجلش وهي باذن الله حتتباع خصوصا ان فيه زباين كتير تحب تشتري عربيه موديل عالي بكماليات كتير حتي لو كانت صيني اهم حاجه تكون موديل عالي وسعرها مناسب
حاول تعمل اعلان علي مواقع العربيات ولو العربيه ماشيه معاك كويس ماتستعجلش

**Heshaam** · 23-11-2007 07:49 AM

وكمان لو إنت ناوي تغيرها بالجين تو - ممكن تجرب مع عز العرب لأنهم أحيانا بيبقى عندهم إستبدال بس بأسعار أقل من سعر السوق عشان يعرفوا يسوقوها لنفسهم بعد كده. فممكن تروحلهم وتشوف هيقولولك إيه.

**limo** · 23-11-2007 09:44 AM

اولا قبل اى حاجه انا عايزك تصبر متستعجلش فى بيعها
انا عانيت نفس المعاناه فى بيع عربيت اختى زاز سلافوتا مو2005 كانت ب41.5 وبعتها من شهر ب30 الف
نزلت اعلان فى الوسيط مجبش واشتغلت على النت اعلان ولا اعلان لحد ما اتباعت والحمد الله
انا ابتديت ابيعها ابتداء من شهر 7 وبعتها فى شهر 11
الخلاصه انك متزهقش نزل اعلان وراء اعلان سواء على النت او الوسيط او الاهرام لحد ما يجى نصيبها
اهم حاجه متحبطش من كلام الناس يعنى متخليش كلام الناس يرجعك للخلف -كمان لازم وانت بتبيع تبقى مقتنع وواثق بالعربيه بتاعتك حتة لو فيها ايه -حاول انك تبرز المزايا بتاعه عربيتك زى مودبل 2006 والكماليات الى فيها
كمان حط نفسك مكان المشترى وفكر بدماغه ودماغ السوق وشوف ايه السعر الى يغريه و يكون فى حدود المعقول
اهم حاجه فى الموضوع ده الصبر
بس ليه بس النقطه السوده فى حياتك هيه دخول كليه الحقوق :D انت كده زعلتنى اوى

ربنا يوفقك فى بيعها ان شاء الله

**ahmed_gamal** · 23-11-2007 07:36 PM

انا متشكر يا رجالة علي المساعدة وربنا يكرم و اخلص منها

بس ليه بس النقطه السوده فى حياتك هيه دخول كليه الحقوق انت كده زعلتنى اوى

ليه يا باشا ربنا ما يجيب زعل بس فعلا غلطة انا باخد السنة في سنتين والمفروض اكون خلصت وانا لسة في تالتة وحاسس اني مش هخرج منها

**limo** · 23-11-2007 07:41 PM

المشاركة الأصلية كتبت بواسطة TURBBO

انا متشكر يا رجالة علي المساعدة وربنا يكرم و اخلص منها

بس ليه بس النقطه السوده فى حياتك هيه دخول كليه الحقوق انت كده زعلتنى اوى

ليه يا باشا ربنا ما يجيب زعل بس فعلا غلطة انا باخد السنة في سنتين والمفروض اكون خلصت وانا لسة في تالتة وحاسس اني مش هخرج منها

ان شاء الله تتخرج وتبيع العربيه علشان تشيل كل النقط السوده الى فى حياتك :D
شد حيلك فى الكليه والله الكليه مش صعبه واقل مذاكره ممكن تنجحك بس انت متخفش منها