لسه قاعده علي قلبي :( انا مجربتش انعرضها في المنتدي هنا هو الموضوع ده بس تفتكر هيجيب نتيجة ؟؟؟ده انا من الناس اللي بتحظر من الصيني :D
عرض للطباعة
لسه قاعده علي قلبي :( انا مجربتش انعرضها في المنتدي هنا هو الموضوع ده بس تفتكر هيجيب نتيجة ؟؟؟ده انا من الناس اللي بتحظر من الصيني :D
أنا شايف يا أستاذ توربو إن حضرتك تخليها معاك و متخسرش كل الفلوس دي خصوصا إذا كانت العربية شغالة معاك كويس
يبقى أيه المشكلة لو ادائها كويس متخليش نفسك تتعقد ........ أنا شايف إن الخسارة كبيرة قوي !!!!!!!!!!!
و ربنا معاك في القرار الصائب إن شاء الله
انت بعتها ولا لسه
تخيل لسه مابعتهاش
عندك بيعة ليها :g:؟
انا عارضها علي 38 :mad:
للاسف العربيه ديه تقيله جدا جدا فى البيع , يمكن لان الناس مش عارفالها توكيل , كل يوم مع توكيل شكل و مش منتشره .
قدامك حل من اتنين " الاتنين امر من بعض "
1- انك تمشى بالعربيه كمان 5 او 6 سنين و بعد كده تبيعها بأى تمن و يبقى اسمك استهلكتها .
2- لو انتا مش طايق تركبها يبقى لازم تبيعها بمبلغ يغرى اى حد بيفكر يشترى عربيه قديمه انه يشتريها . السعر الى انتا كاتبه كويس ... بس لو حد اتكلم معاك بجديه ممكن تنزله الف ولا الفين علاشان تخلص ( طلاما انك عاوز تخلص من العربيه بأى شكل ) .
حاول تحط اعلان على ازاز العربيه و فيه الموديل و الاوبشن و رقم الموبايل .
و زى مقالو الاخوه مافيش حاجه مابتتباعش , اصبر شويه و لو حد ناوى على الشراء تفاوض معاه فى السعر
و ان شاء الله ربنا يسهل الامور .
والله انا بحاول جاهدا اني ابعها بس حاسس ان مافيش امل
والاختيار الاول ده مرفوض تماما انا ممكن يحصلي حاجة لو اعدت بيها 5 او 6 سنين كمان .
انا متشكر جدا علي الرد بس ياريت لو حد يعرف اي تاجر اي واحد عايز يشتري عربية قديمة يدله عليا العربية مش وحشة للدرجة دي وانا نزلت للسعر ده لاني شايف انها احسن من العربيات اللي هتبقي بالسعر ده في السوق علي ما اعتقد
ربنا معاك انا كان عندى عربيه صينى وبعتها وخسرة 7 الف :svengo:جنيه
بصراحه انا عندي رأي تاني : انت ممكن تحطها فى معرض تاجير
عربيات وتكتب معاه عقد وهو يأجرهالك وبالمبلغ اللي هايطلع من تمن
التأجير ممكن تشتري العربيه اللي انت عايزها قسط وهو العربيه
هاتبقي معاك وكمان بتسددلك تمن العربيه الجديده ان شاء الله يعني
تبقي فايده من الناحيتين بس المهم تشوف معرض محترم وموثوق فيه
لان بصراحه انا مستحرم انك تخسر كله ده في سنه واحده فكر وربنا معاك
يا احمد المعارض بتبقي عايزه اى عربيه لان فيه اوقات مش بيبقي فيه ايه عربيه
عندهم واللى خلا التوك توك يتأجر يبقي المابل مش هاتتاجر ؟؟
بس اهم حاجه تشوف معرض سمعته كويسه وتكتب كل الشروط اللي انت عايزها في العقد .
وحته انها تستحمل الايجار ديه مش بتاعتك بقي لان المعرض هايبقي هو اللى بيتحمل
تكاليف الصيانه والخسائر في حاله الحوداث لاقدر الله ..