الموضوع: الشيفروليه الكروز تنافس الجميلة سيراتو بشراسة فى اتوماك

المشاركة الأصلية كتبت بواسطة Ahmed Samy

فعلا العربية منافس جيد ...ولكن مش شرس أبدا


سعرها و كماياتها ضربوها ضربة جامدة

العربية الونها يضرب السيراتو بالشبشب الحقيقة .....بس للأسف

الحلو ما يكملش

دي تالت فئة فيها بـ135 الف

يعني لسة التوب لاين هاتعدي الـ140 مستريح

و فارقه كماليات عن السيراتو الهاي لاين برضه


العربية دي اللي ممكن ايشيلها في السوق حاجتين ...شكلها و صالونها

بس انا ما زلت شايف ان السيراتو تكسب

بالضبط كده زي ما قال سمسم

لكن من الناحيه الفنيه السيراتو تكسب في الموتور لأن الكروز نازله عندنا في مصر بمحرك الأبترا إللي بتنزل هنا مش زي الموتور إللي بره اللإكوتك
و ده لينك الموضوع إللي مازلنا نتباحث فيه:
http://www.nilemotors.net/Nile/showthread.php?t=79134

المشاركة الأصلية كتبت بواسطة abouhashem

اولا اشكر حضرتك يا استاذ احمد على الموضوع المهم ده خصوصا انا كنت مركز اوى فى المنافسة ده لأنى متعصب للكيا جدا بس لازم ندى كل حاجة حقها.انا كنت فى المعرض و للحظة الأولى احترمت الكروز جدا امام شكلها الأسطورى دة بس بعد تفحص عادل جدا لأيت سيراتو احسن بفارق كبير و رأىى المتواضع يتمثل فى الاتى:
1-العربية الى كانت فى المعرض كانت اعلى فئة حتى الان ب 125000 ومفيش كلام جد عن اى حاجة اعلى من كدة.
2-العربية الى ب 125000 ده اوتوماتيك فقط (تحياتى للأستبتروك بتاع السيراتو)
3-مفيش فتحة سقف
4-جنوط صاج (طاسات)
5-الزجاج الخلفى اوكر مش كهرباء(125000)
6-اخيرا الماتور بتاع الاوبترا بالظبط (ماتور الأوبترا محترم بس بيتصنع برة من ساعة ما أشتروا الدايو يعنى كفاية بقى و بلاش شغل الانوس ده)
شوفوا يا جماعة السيراتو 126000 فيها ايه...
اسف للاطالة

اخى الحبيب جزاك الله خيرا وشكرا على ردك ولكن لى تعليق بسيط ... والموضوع ليس تحيزا للشيفروليه ولا للسيراتو ولكن تعليق عادل يعطى كل ذى حق حقه .. وردا على كلام حضرتك
1- السيارة التى كانت فى المعرض كانت اول كاتجرى وكانت مانيوال لان الاتوماتيك لم يصل مصر الى الان وسعرها المعلن 110000وهناك بعدها 3 كاتجرى اتوماتيك اليجانس ب 120000 وميد لاين ثم الهاى لاين ب 135000
2- السيارة اتوماتيك ستبترونيك فى جميع فئات الاتوماتيك وسئلت الوكيل فى ش محمد فريد سميكة فى مصر الجديدة .
3- فعلا كل الكاتجرى لايوجد به فتحة سقف ( وهى دى الحاجة الوحيدة الصحية الى الان فى تعليقك
4-الجنوط الطاسات فى المانيوال فقط وفى او كاتجرى من الاتوماتيك اما الميد لاين والهاى لاين جنوط اسبور 16
5- الزجاج الخلفى ايضا فى المنيوال والاليجانس فقط يدوى اما الميد لاين والهاى لاين 4 زجاج كهرباء
6- اخيرا الماتور ليس بتاه الابوترا نهائيا وهو ماتور جديد بمواصفات مختلفة عن الابترا الا انه يتفق معه فى السى سى والهورس باور فقط
يعنى بقت المنافسة زى ما قلنا قبل كده
1- فى الشكل ( بصراحة الاثتين حلوين جدا ، لكن الكروز اعلى )
2- السعر ( السيراتو طبعا هاى لاين 125900 ، الكروز هاى لاين 135000 كثير شوية ودخلت فى منافسة فى السعر مع المازدا اة 3 وبصراحة المازدا برقبتها )
3- الكماليات ( السيراتو طبعا تتفوق بفتحة سقف ، جهاز اى بى دى , جنوط 17 )
4- الصالون او الانتيوريور الداخلى والخامات المستخدمى ( بصراحة الكروز خاماتها اعلى بكثير والسيراتو بلاستيك وردئ كمان مش فخم لولا شوية الكروم فى الهاى لاين )
5- سعر اعادة البيع ( الى الان طبعا الشيفروليه اعلى بلا نقاش ولكن ليس الكروز انا بقول الشيقروليه مث الاوبترا مثلا اعلى من السيراتو الشيب اللى فات على طول مش بحكم على نيو سيراتو والكروز لان الحكم لن يكون عادلا )
6- الوكيل( الحقيقة برضه الشيفروليه منصور لحد دلوقتى اعلى وده لان توكيل كيا جديد ومنصور ليه خبرة اعلى وزمن تقادم اطول فى السوق ولكن للحقيقة شركة eit وكيل كيا الجديد شركة محترمة ومتوقع منها المزيد بالذات فى الصيانة لان المبيعات الى الان كل وعودها بمواعيد التسليم مش ولا بد
7-الصيانة ( نفس الكلام برضه منصور اعلى للتقادم الزمنى فى السوق مش لاى حاجة تانى يعنى المنافسة هنا مش هتبقى موضوعية اوى بصراحة )
8-قطع الغيار ( ما نقدرش نحكم فى الاثنين لحد دلوقتى
واخيرا ارى ان الذوق فى الشكل وحب الكماليات من عدمه واسم الوكيل من عدمه سيؤثر على المستهلك بشكل كبير فى الاختيار
واعذرونى للاطالة واحبكم فى الله

ما قلته بناءا على مسئول المبيعات الاستاذ هشام وبعد حديثك اتصلت ثانى بالوكيل واكد ما قلته وفعلا الكاتجرى الاخير هو مافيه كل الكماليات ( الهاى لاين ) وسالته الفتيس واكد انه استبترونك وعلى الموتور وقال برضه نفس الكلام ان الموتور احدث من الموجود فى الابترا وليس مطابق ليه هذا كلام الوكيل وبالنسبة للصالون فعلا فيه بلاستيك لكن جودته اعلا نسبيا من الموجود فى السيراتو والفينش بتاعه اعلى ولكنى قولت فى كلامى سابقا يبدو انها موضة فى الكورى الفينش والخامات السيئة مع كثرة الكماليات وهو ما نراه فى كل الكورى الان سواء السيراتو او الكروز او حتى الانترا دلوقتى صالونه اتغير فعلا عن السنة السابقة واصبح يعطيط شكل البلاستيك الصرف ..
اما موضوع التقادم الزمنى للوكيل معناه اكتساب خبرة اعلى واكتساب ثقة المتعاملين معه او فقدان الثقة فيه وتعليقك على وجيه اباظة كلنا نعرف من هو كااااااااااان وجيه اباظة وما تعرض له ووصله الى هذا الحال وبالذات بعد موت اباظة الكبير
على العموم واضح ان الموضع هايخد تعليقات كتيرة وارى انها مفيدة لنا جميعا واختلاف الاراء يفتح المدارك للجميع للحكم على نقاط كثيرة ... ومرحبا بالاراء ولو اختلفت فاختلاف الاراء لا يفسد للود قضية .. واحبكم فى الله

في كذا نقطة لازم توضح
اولا الموتور هوا بتاع الأوبترا لأن انا شوفت الأثنين زي بعض بالضبط فا سئلت في التوكيل قالي إنه موتور الأوبترا
ثانياً الكروز ماتورها مش اوحش من السيراتو لأن ال ١٠٧ حصان دول el net HP و ال-١٢٦ بتوع السيراتو دول ال- gross HP أما ال net HP بتاع السيراتو ف اتقريباً زي الكروز
ثالثا الكروز أنا شايف ان خاماتها أفضل من السيراتور بكتير أنا شفت الاتنين من جوة و السيراتو مشكلتها فعلا خامتها من جوا.
رابعا الكروز من بره بردو احلي بكتير.
انا شايف الكروز تغلب. مع ان طبعا مشكلتها الرئيسية نقص الكماليات.
ده مش تحيز للكروز انا بس باقول اللي شايفة انا أصلاً لا عندي كيا ولا شفروليه.