الموضوع: الفيرنا اتلغت يا رجاله

المشاركة الأصلية كتبت بواسطة Hesham A.Megid

حضرتك زي اغلب المصريين متلخبط في طرازات الاكسنت بسبب ان غبور بيبيع اكثر من موديل للعربيه في نفس الوقت باسماء مختلفه.

الاكسنت من يوم ما هيونداي عملتها نزل منها ثلاثة موديلات كالاتي:

الجيل الاول (1995 - 1999)

الشكل الاول منه كان من 1995 الي 1998:



و ده مانزلش في مصر.

ثم تم عمل facelift لهذا الموديل ليصبح بالشكل ده:



و الشكل ده توقف انتاجه في 1999 بس غبور ظل ينتجه حتي 2006!!

الجيل التاني (2000 - 2005)

الشكل الاول كان من 2000 الي 2002:



و ده مانزلش مصر ساعتها بس نزل بعدين و ده الي اطلق عليه غبور اسم فيرنا فيفا.

الشكل التاني (ال facelifted):



و ده اللي غبور بيقفله في مصر باسم فيرنا.

الجيل الثالث (2006 - الي الان):

و ده اللي بيتباع باسم New Accent لتفريقه عن اول جيل من الاكسنت اللي كان بيتباع في نفس الوقت اللي نزلت فيه.



الصوره اللي خضرتك حاطتها هي facelift للجيل الثالث من الاكسنت، اللي هي ال New Accent.

ياريت اكون قدرت اوضح ليك العك اللي غبور عامله!!

يا جماعة كلنا ناسيين حاجة مهمة ان غبور متقيد بنسبة مكونات محلية لازم يحطها فى العربية ومنها الطنابير والجنوط اللى هى السبب الرئيسى فى مشاكل فرامل الفيرنا وعدم الاتزان على السرعات العالية ..... يعنى هو معذور لما تبقى العربية بتاعته اقل شوية من الكورى ..... وخلينا صرحة مع بعض ان الفيرنا هى ارخص عربية فى فئتها