فكرة تجديد لسيراتو

**ashour** · 07-06-2009 07:12 PM

تحية طيبة للكياوية
عندي فكرة مستفزاني في دماغي و نفسي أتناقش فيها معاكوا لعلها تري النور..

هل ينفع نغير تابلو السيراتو الشكل العادي بتبلو الإلنترا؟
و لو نفع ايه مصير العدادات يا تري المساحة واحدة في التبلوهين؟
و لو حبينا نحط عدادات الإلنترا هل بمجرد توصيل الفيشة يبقي كله تمام و لا هتحتاج معالجة؟

**yoko** · 07-06-2009 09:11 PM

هو إية الهدف من تغير التابلوة مش فاهم بصراحة
ومهما كان أكيد هيبقى التابلوة مش مظبوط مهما حصل
وأكيد العدادات حتحتاج تعديل

**Ahmed Samy** · 10-06-2009 05:02 AM

المشاركة الأصلية كتبت بواسطة ashour

تحية طيبة للكياوية
عندي فكرة مستفزاني في دماغي و نفسي أتناقش فيها معاكوا لعلها تري النور..

انا مش متخصص ...

بس الحقيقة شايف ان الفكرة صعبة قوي
لأن العربيتين مش نسخ من بعض للدرجة دي

و كمان مش شايف قيمة كبيرة للتعديل ...ماله تابلوه السيراتو ..مش سيء قوي يعنى علشان تعمل الحكاية دي كلها ...

**de3bis** · 10-06-2009 10:31 AM

المشاركة الأصلية كتبت بواسطة omarali_mcse

انا راي نبدل الموتور والعفشه بالمرة وتبقى الانترا سيراتو والسيراتو الانترا اي كلام في اي كلام

صباح الخير

صباح الخير صباح الخير

**dasboot** · 10-06-2009 11:32 AM

هو بعيدا عن ان الموضوع يستاهل او لأ, ده ليه علاقه بذوقك انت و انت حر

اما من الناحيه الفنيه, فبص يا سيدي:
1-شوف مقاس التابلوه هنا و هنا و لو ينفع المقاس, المسامير مش هتكون مشكله, بيتخرملها
2-المشكله في الموضوع بقي و هي الضفيره, لأن لو مش هي هي و بالذات فيش العدادات و الModule بتاع العدادات مش واحد هتبقي باظت
3-اشك انها تنفع لان حتي لو كل ده ركب هتبقي في حاجه تانيه و هي ان تقفيل التابلوه مع فرش البيبان ممكن ميركبش
4- في كل الحالات هتعدل كتير اعمل حساباتك علي كده

و لو في اي استفسار انا تحت امرك

**M.ABDEEN** · 10-06-2009 05:52 PM

يا باشا خليها بطبيعتها تابلوه السيراتو جميل تغيره ليه ؟؟؟؟؟لو عايز تغير في التابلوه او العدادات ممكن تغير لون اضاءة التابلوه مثلا او تركب ابانوس في التابلوه سواء تركيب او لزق وومكن تلزق لزق مخصص للتابلوه سواء اي لون يتماشى معاك او الكربوون بس رايي خليها بطبيعتها