هانبدأ اولى حلقات الجزء الثاني مع بسكوتة المنتدى
BASKOTA
يشرفنى وجودى ضيفة فى الموضوع المميز مع نور المنتدى نور القمر
بسكوتة اسمحيلنا في البداية نتعرف عليكي اكتر بنبذة مختصرة عنك
امة الله أرجو رضاه وأتمنى رحمته وعفوه ومغفرته
ايه احلام بسكوتة اللي قدرت تحققها وايه الاحلام اللي لسه هتحققها ان شاء الله
الاحلام اللى حققتها انى درست الدراسة اللى اختارتها وتفوقت فيها والحمد لله واشتغلت يمكن مش الشغل اللى كنت اتمناه بس الحمدلله اشتغلت شغل كويس وحبيته ومعنديش فيه مشاكل
الاحلام اللى لسة هحققها؟؟؟؟؟؟؟؟ لسة مش عارفاها اول ما اعرفها هقولك وهبدأ ان شاء الله فى تحقيقها
ممكن وصفه سحرية من بسكوتة لاعضاء وعضوات المنتدى عن طريقه تجعل العضو محبوب من باقي الاعضاء
افتح قلبك وحب الناس .....الاحترام ومراعاة مشاعر الاخرين
عامل الناس كما تتمنى ان يعاملوك
انتي لما تحسي انك غلطتي في حق حد سهل عليكي الاعتذار ولا لأ؟؟
سهل جدا أعتذر فى حالة انى اخطأت وان كان هناك شئ أكثر من الأعتذار لتصحيح
الخطأ لفعلته
لماحد يواجهك بصفه مش عاجباه في شخصيتك بتحاولي تغيري من نفسك ولا لأ؟؟
لو اقتنعت ان ده فعلا عيب فيا هحاول اغيره لو قدرت
بسكوتة ممكن كلمة مختصرة عن كل مما يأتي
الحجاب : فرض من الله
النقاب : فضل يمن به الله على من يريد
نايل موتورز: عائلة كبيرة مترابطة يجمع افرادها الحب والمودة والاحترام
الصداقة: اجمل العلاقات الانسانية والتى نختارها برغبتنا وارادتنا الحرة
الاطفال: نعمة كبيرة لا يقدرها الجميع
الزواج: قسمة ونصيب
بسكوتة اسمحيلنا نتعرف على جانب جديد من شخصيتك
بسكوتة هل تفضلي الزواج التقليدي ام الزواج عن حب؟؟
الزواج عن حب بدون منازع
بسكوتة اذا شعرت بمشاعر خاصة عاطفية تجاه شخص معين ممكن تلمحي له ولا لأ؟؟
تتحدث العيون بما تخفى القلوب
بسكوتة بتتصرفي ازاي في المعاكسات؟؟
غالبا مش بدى اى اهتمام
بسكوتة انتي تحبي تتفرجي على فيلم رومانسي ولا اكشن ولا اجتماعي ؟؟
هى فين بس الافلام الرومانسية
بسكوتة ممكن تبكي من مشهد رومانسي في فيلم؟؟
ممكن جدا
ايه مواصفات فارس احلامك ؟؟ وياترى هو ظهر ولا لسه ؟؟
فارس الاحلام ملوش غير صفة واحدة بس فى رأيى
يخطفنى ويجرى
بسكوتة قريت بعض من خواطرك الجميلة وعجبني اوي الحس الرومانسي عندك في اختيارك للكلمات
اسمحيلي اكتب بعض من ابيات ملك الومانسية نزار قباني
يسمعني حين يراقصـــنـي كـــلمات ليسـت كالـكلمــات
يأخذني من تحت ذراعــي يزرعني في إحدى الغيمات
والمطر الأسود في عينــي يتساقــــــط زخات زخــات
يحملني معه يحـــــــملنـــي لمــســاء وردي الشـرفات
وأنا كالطـفـــلة في يديـــــه كالــريشة تحملها النسمات
يهديني شمسا يهديني صيفا وقطيع السنــونـــــــــوات
يخــبرنـي أنـــي تحـفتـــه وأســـاوي آلاف الـنجــمات
وبأني كنز وبــــأني أجمل مــا شـــاهـــد مــن لوحــات
يروي أشياء تدوخـــني تنسيني المرقص والخطوات
كلمات تقلب تاريخـــي تجعلني امــرأة في لحظات
يبني لي قـصراً من وهم لا أسكــن فــيه ســـوى لحظات
وأعـــــــود لطــاولـتـي لاشــيء معــي إلا كلــمــــــات
كلمات ليسـت كــالـــكلمات لاشــيء معــي إلا كلـمـــــــات
ابيات من اجمل ما كتب نزار قباني وغنتها الرائعه ماجدة الرومي
في البداية ممكن اعرف ايه رأيك في الابيات السابقه
انا بحب الاغنية دى جدا
فوق ما تتخيلى
..........
كلمات
.........
هل بسكوتة ممكن تتأثر بكلمات الغزل والمدح وتعيش في احلام يقظة زي بطلة الشعر السابق ؟؟
هقولك فى حالة واحدة بس ممكن اتأثر بكلمات الغزل لو اللى قال الكلمات دى شخص له مكانة خاصة فى قلبى ويمتلك ثقتى
غير كده لو نزار نفسه اللى بيقولى الكلام ده وكاتبهولى مخصوص ولا هتاثر
ايه رأيك الرجاله فعلا بتوع كلام معسول ومفيش افعال؟؟
لا بلاش نظلم الرجالة
هو فين الراجل اللى بيقول كلام معسول
انتي مع او ضد الصداقة بين الرجل والمرأة؟؟
مع الصداقة المحترمة فى حدود ان الرجل رجل والمرأة مرأة
ايه الاسباب اللي ممكن تموت الحب بين رجل وامرأه؟
فقد الثقة والامان
اختلال التوازن فى الحب بين الاتنين يموت الحب
بمعنى ان طرف يحب كتير اوى وطرف يحب اقل شوية
فالطرف اللى بيحب كتير بيكون عنده احساس بعدم الرضى ومش بيلاقى اللى متوقعه من حبيبه فى مقابل اللى بيقدمه
والطرف اللى بيحب قليل وبيتحب كتير بيحس ان الحب الكتير ده عبء عليه يكاد يكون بيخنقه
فبيضيع الحب بينهم
هل الحب ممكن يتحول لكراهية؟؟
الحب الحقيقى مش ممكن يتحول لكراهية
ازاى ممكن تكره حد حبيته فى يوم من الايام يمكن الحب يروح لكن تبقا الذكرى
الذكرى كافية لمحو اى غضب فكيف يتحول لكره
ايهما تفضل بسكوتة .. رجل محب رومانسي مهذب ناضج فكريا فقير ام رجل عملي مهذب حريص على استمرار حياته مع شريكته جاف المعاملة مركزه مرموق ميسور الحال
فقر الاحساس والحب لا يعوضه مال
المفضلات