بتضربي ليه طيب انا عملتلك حاجة؟:k_crying[1]:
لا ابدا
--------------------------------
طيب اكمل اسئلتي...
:khd: وبتسألى بضرب ليه
1- امتي يموت الحب بين المحبين؟
جاوبت عالسؤال ده قبل كده
وهجاوبك تانى عشان مدوخكيش وتدورى عالاجابة
فقد الثقة والامان
اختلال التوازن فى الحب بين الاتنين يموت الحب
بمعنى ان طرف يحب كتير اوى وطرف يحب اقل شوية
فالطرف اللى بيحب كتير بيكون عنده احساس بعدم الرضى ومش بيلاقى اللى متوقعه من حبيبه فى مقابل اللى بيقدمه
والطرف اللى بيحب قليل وبيتحب كتير بيحس ان الحب الكتير ده عبء عليه يكاد يكون بيخنقه
فبيضيع الحب بينهم
2- اذا رجع بيكي الزمن لورا ...شو القرار اللي اخدتيه و نفسك تغيريه؟
مكنتش هروح اجيب الورد لنور القمر عشان اهنيها بالجزء التانى من حوار من القلب
وكنت هبقا اول مشاركة قبل شنورى ومكتنش هقع فى الحفرة اللى زقنى فيها دى
3- طبع فيكي و نفسك تغيريه؟
بفضل الناس على نفسى دايما وده طبع نفسى اغيره عشان بيطمع الناس فيا
وناس كتير بتستغل النقطة دى فنفسى اغيرها عشان مش كل الناس تستحق هذه المعاملة بس
غصب عنى مش عارفة ابطلها
4- قوليلنا بيت شعر بتحبيه و دايما بتردديه.
5- شو هي اكتر ذكري حزينة مرت بيكي؟
وفاة بابا لانى كنت مرتبطة به جدا وبعد ما طلع معاش من شغله تعب واكتشفنا ان عنده فشل كلوى فى مرحلة متاخرة وكان بيعمل غسيل 3 مرات فى الاسبوع وكان بالنسبة ليا صعب جدا اشوفه تعبان مش بس عشان مش قادرة اعمله حاجة بس متعودتش اشوفه تعبان وكان بيدخل المستشفى يومين ويخرج وكده الفترة دى كلها كانت 6 شهور تقريبا بس آخر مرة دخل المستشفى قعد يومين وانا مروحتش زورته هناك لانى مكنتش بستحمل اشوفه تعبان وقولت هو هيخرج زى كل مرة.......
ولكن وافته المنية دون ان اراه
ودى ذكرى مش قادرة انساها ابدا... وحزن مش بيفارقنى
6- في حكمة بتقول "من السهل التضحية من أجل صديق ... لكن من الصعب ايجاد صديق يستحق التضحية".... هل لقيتي الصديق اللي يستحق التضحية؟
انا لسة كنت بقولك ان العيب اللى فيا ونفسى اتخلص منه انى بفضل مصلحة اى حد على مصلحتى الشخصية فما بالك بصديق اكيد هضحى عشانه
والحمد لله لى من الاصدقاء من يستحق التضحية من اجله
7- لو حصللك موقف محرج بتتعاملي معاه ازاي عشان تعديه؟
حسب نوع الموقف ونوع الاحراج ولو انى بيبان عليا
تلاقى وشى احمر فلحظة
بس بحاول اغير الموضوع بشكل عام
8- عمرك وصلتي لدرجة من الاحباط و الحزن خلتك تتمني الموت_بعيد الشر عنك_؟
اة حصلت معايا كتير مكدبش عليك
بس بحاول اهدى نفسى
واردد اللهم احيينى اذا كانت الحياة خير لى وامتنى اذا كان الموت خيرا لى
9- هل عندك القدرة لفهم الاخرين بسهولة؟
الى حد ما ولو ان فى ناس صعب تفهميهم مهما عاشرتيهم
وناس يخيل اليكى انك فاهماها كويس وفلحظة ما تكتشفى انك بتعرفيهم لاول مرة
لكن انا بحاول اسمع اللى قدامى كويس اوى واديله كل الفرصة للكلام
واسأل فى كل نقطة مش فاهماها عشان هو يفهمنى زى ما يقصدها ومعتمدش على انى
افهمها لوحدى زى ما افهمها لانى ممكن افهمها بطريقة غير اللى يقصدها خالص
ويحصل مشاكل سؤ الفهم اللى بتحصل وبنسمع عنها كل يوم
طول ما فى حوار هنتجنب سؤ الفهم
10- شو المكان اللي ممكن تروحيه لما تحسي حالك متضايقه او مخنوقة؟
لما احس انى متضايقة او مخنوقة بحب امشى ..........امشى كتير اوى فى مكان
مفتوح ..هواء ..وبحر.. وهدوء
لو عايزة تعرفى فين بالظبط هبقا اقولك بينى وبينك عشان المكان مايتعرفش ويتزحم
11- شو افضل قرار اخدتيه بحياتكـ ...بعد اختياركـ لدراستكـ؟
انى انضميت الى أسرة نايل موتورز
واتعرفت بناس محترمة مثلكم جميعا
----------
سهلين اهم برضه يا بسكوتة
مش راح نتعبك معانا:wink: