+111111111111111111111
عرض للطباعة
رابح سعدان قالها قبل المبارة .
الأهلي هو خزان المنتخب الوطني ...... و الأهلي دلوقتي في البالوظة ...... يبقى المنتخب لازم يكون في البالوظة ........ مع أنه عنده لاعبين كتير من خارج الأهلي .
الأمل مازال موجود ...... و الجزائر جاية هنا في مصر ....
بس اللي يفقع المرارة أن عمرو زكي كان زبالة و ملعبش ببصلة و مفيش فايدة و مغيروش .
محمد شوقي نفس القصة ........ و برضه سابه يلعب .
و الهجوم كان تعبان ........
و برضه بيعمل كدا مع عماد متعب ....... يبقى مفيش و لا لعبة ملعوبة صح و سايبه من غير تغيير .
و الحضري من ساعة ما راح سيون ......... و هو بيمسك عصافير .......
مش ده الحضري بتاع 2006 و 2008 و بتاع الأهلي اللي كان واقف زي الوحش في المرمى .
و الأهم بقى تحس ان اللاعبين جالهم حالة غرور غريبة جدا جدا غير مبررة .
و لسة فيه أمل ....... و قولوا لأمل عُمر بيسلم عليكي
انا سمعت ان رونالدنيهو مخدهوش فى المنتخب عشان مستواة نازل فى الفترة الحالية وعلى طول قاعد احتياطى فى ميلان (هى دى الناس الى بتفهم مهما كان اللعيب مدام مش فى مستواة خلاص واحد غيرة يلعب. مش بيختار اللعيب على اساسا مستواة فى الماضى ) بس فى غيرة كاكا وربنيو مثلا وطبعا غير اللعيبة الى احنا مش عرفنها ربنا يستر
مازلت املك الامل!!
حسن شحاته مش سئ ابداً, مش من اول مطب نقول اقتلوه! المشكله فى الحضرى!! الله يرحم ايامه, حالياً مستواه لا يصلح لمنتخب كفر البطيخ اللى جى منه! اللاعب فاقد الثقة بالنفس مثله مثل اغلب اللاعبين تحس انهم صحوهم من النوم و دلقوهم فى الملعب !
الفريق يحتاج طبيب نفسانى! كل فرق اوروبا بتعمل كدا لا اعلم احنا عندنا طبيب او لا بس لازم! لكى يخرج اللاعبين من هذه الحاله
الجزائر فريق لا يساوى نكله, بس احنا اللى صورناه البرازيل
انا واثق اننا لن نخسر من البرازيل بنتيجة كبيرة :) ربنا يستر
يا جماعة مش مهم النتيجة و مش مهم نخسر كام و من مين المهم الاداء المشرف و مافيش أداء يبقي كفاية أننا لعبنا ال 90 دقيقة أصلا هي دي مبادئ الكرة المصرية من زمان الله يحرق اللي زرعها و غرسها في نفوس اللاعبين و الجهاز الفني و الاعلام
بصراحة لازم نعترف أن طول ما أحنا بنفكر في التعادل يبقي عمرنا ما هانكسب و جايز كمان نخسر بالخمسة مش بس تلاته الدنيا كلها بتلعب علشان تكسب مش تتعادل لازم الفكر بتاعنا يتغير و ده مش صعب و بطولة أفريقيا 2008 أثبتت انه ممكن
المهم دلوقتي ننسي اللي فات و نلتفت للي جاي بس برضه نتعلم من أخطائنا و نصحح أوضاعنا لأن الفرصة لسه ماراحتش مش دي نهاية المطاف
و بعدين حتي لو خسرنا و ماوصلناش كأس العالم أيه يعني , ما أحنا اتعودنا علي كده خلاص المهم الاهلي يأخد الدوري و الكأس و يلم كل لاعبي الفرق الاخري المنافسة كي يضعهم علي دكة البدلاء و يحرم الفرق الاخري من مجهوداتهم كي يضمن السيادة و السيطرة بلاعبيه اللي عجزوا و راحت عليهم من بدري
بصراحة لم أر في الملعب احد من منتخب مصر يلعب كرة سوي أبو تريكة ربنا يبارك له و يحميه
قرر الاتحاد الدولى لكرة القدم :
ان مباراة مصر و البرازيل تم تحديد الفورة الا و هى ( 192 هدف ) .
و مفيش لاعب يقول ( و النبي اكمل يمكن اجيب جول ) ..
منتخب زفت و خطة ملعب غريبة و مش عارف ايه اللى جاب عمرو زكى ناحية الشمال طول الماتش !!
و لاعيبة تايهة . تحس ان الحكومة شالت منهم الحوافز او قللت المرتب :(
و الحضرى بيلعب بتناكة علشان جاى له عرض احتراف من نادى خراب بيرج ب 50 جنيه فى الشهر .
بــــــلا وجـــع دماغ :(
يا راجل بلاش الكلام ده للادارة ترفعلنا انذار
الحمد الله الذي عافاني مما ابتلي به كثير غيري
انا دلوقت بقالي 10 سنين مبتفرجش علي كورة ومش ناوي كمان 10 سنين لحد حال البلد ما يتعدل
ربنا يخلى اتحاد البطيخ والمحسوبيات والكوسه وشحاته والحضرى
يا باشا و هنتخيل ليه .. برشلونة اما لاعب الأهلي هنا و رونالدينهو نزل لأنه مبدأش الماتش .. وائل جمعة اللي كان ماسكه و خلاه ميعملش حاجة بنكلة في الماتش رغم إننا إتغلبنا 4 .. بس الفرق برة لأنها advanced شوية .. بتعرف تجيب أجوان حتي لو مضغوطة .. يعني اللي شاف إمبارح البرازيل و أوروجواي .. أوروجواي كانت طاحنة البرازيل و مع ذلك خسرت بالأربعة !
عامة انا متأكد إن لو لا قدر الله لعبنا حلو في كأس القارات .. نفس الناس اللي بتطالب بشنق المنتخب هينزلوا يشيلوا علم مصر في الشارع و يقولوا الله عالإبداع .. و فيه تحفيزات كتير للعيبة تلعب حلو في القارات .. لأنه متشاف و عايزين يحترفوا .. و كمان الملاعب حلووة مش زي ملعب بليدة اللي الكورة بتنط فيه و هي عالأرض .. و مفيش جماهير بتلف حوالين الفندق تقول النصر أو الشهادة و الجهاز الفني بتاعنا مش هيتسمم قبل الماتش بيوم .. يمكن ربنا ينفخ في صورتهم .
لو حد بيخش علي موقع الفيفا .. الجزء الخاص بكأس القارات .. و شاف التعليقات عالمجموعة بتاعتنا هيلاقي برازيليين بيقولوا إنهم بيرشحوا مصر تصعد مع البرازيل و تطيح بإيطاليا و أمريكا بسبب إنهم شافوا فريق متميز جداَ بيلعب في أفريقيا 2008 .. شوفوا الغرب بيقولوا إيه علي فريقتنا و إحنا بنتخلي عنه و بنقول لعيبة زبالة و مدرب فاشل .. دوام الحال من المحال يا رجالة و الفريق دلوقت في كبوة لازم نقف وراه عشان نلحق نفسنا .
رغم إني أهلاوي إلا إني عرفت جمهور الزمالك قد إيه أصيل و 100 100 عشان بيفضل واقف ورا فرقته في أحلك و أصعب الظروف ! حتي لو إستمرت سنين ! و دول ماتشين يا رجالة .. فين روح أفريقيا .