من الآخر كدة عشان مش باينلها هاتصدي !!!!

دلوقتي الحملة كويسة جدا و انا متأكد انها هاتعمل فرق... بس عندي كدة شوية أفكار تشاؤمية عايز أشاركها معاكم....

1- مجتمع ال internet من المصريين ليس بنسبة مؤثرة في السوق... يعني انا وانت وانتي وهم مش هانفرق كتير مع واحد زي أونكل غبور...

2- التجار عاملين تعتيم عام على الحملة.... وفيه ناس ماتعرفش أصلا عنها حاجة.... بل فيه تجار بيضحكوا على الزباين ويفهموهم ان السوق انتعش وإلحق اشتري النهاردة قبل ما تغلى....

3- هناك فئة كبيرة من المشترين لا يبحثون ولا ينتظرون انخفاض 10 أو 20 ألف... لأن مش دول اللي هايفرقوا في عربية تمنها 300.000 وأصلا تمنها معاه... ( أو مع باباه)

4- مشروع التاكسي عوض خسارة تجار كثيرين.... ربنا يخلليلنا الحكومة....


5- التجار والوكلاء بيدفعوا رشاوي و عمولات كبيرة علشان يخلصوا بضاعتهم من أي مكان... المينا والجمرك و كدة... ودة هايخلي السعر يادوب مكسبهم ومستحيل ينزلوا فيه مليم كمان !!!!

6- المنتدى ملياااااان ب "باركولي" !!!!! نباركلك ؟؟؟؟ أمال حملة إية وبتاع إيه ؟؟؟؟ اذا كان الفئة الضئيلة التي تستخدم الإنترنت منها جزء كبير ليس مقاطعا ولا دياولو.....

لكن على الصعيد الآخر:

1- التجار باعوا في مشروع التاكسي بأسعار أقل بكتير ودة دليل ان السعر قابل للنزول في حالات ال group-buy

2- الوقت مش في صالح أي حد غيرنا إحنا.... مش إحنا اللي ورانا أقساط ولا بندفع مرتبات من غير بيع ....

3- شهر 8 قرب و 2010 قربت تنزل من كل الماركات... و هايعملوا زي السنة اللي فاتت في شهر 12 و 1 و 2... ويرجعوا يعيطوا في مارس.... أصلنا مابنتعلمش من أخطائنا... مابنبصش غير تحت رجلينا !!!!


وخلاس بطلت تفكير ودماغي ساحت.... لازم نوجد حل.... الحملة دي لازم تتعمم بأي طريقة!!!!!
انشاللة نطبع استيكرات ونلزقها على عربياتنا القديمة أو على ابواب المعارض بالليل وهم نايمين :shyy:
أي حاجة... حرااااااااام

معاك يا ريس في كل اللي قلته

اقتباس:

---

المشاركة الأصلية كتبت بواسطة madyyuri

معاك يا ريس في كل اللي قلته

---

أشكركم إن فيه حد رأيه بفس رأيي، بس مش كفاية بجد... لازم نعمل حاجة إيجابية... المقاطعة السلبية مش مسمعة....

Up up up

والله عندك حق وانا معاكو انتو شاورولي علي اي حته وانا ارمي نفسي فيها :gun_smilie:
ودي وصيتي علشان محدش يتهمكم فيا:3_3_102[1]:

ياجماعه وارجوا مش تزعلوا منى ومن كلامى (واتمنى يطلع غلط )
الناس فى مصر سلبيين جدا اذا كان غلو البنزين او اى سلعه مش بيفرق ولا بيحاولوا حتى يعترضوا بالامتناع عن الشراء يبقى هيمتنعوا عن شراء العربيات اصلا معتقتدش
ورغم انى بتمنى اننا تقف ايد واحده فى وش نهب الوكلاء وان كنت عارف انهم مش هيغلبوا فى بيع العريبات

الإمتناع عن الشراء مستحيل في حالة السلع الضرورية.... لكن في حاجة كمالية زي العربيات... متهيألي نقدر

اقتباس:

---

المشاركة الأصلية كتبت بواسطة josephedward

الإمتناع عن الشراء مستحيل في حالة السلع الضرورية.... لكن في حاجة كمالية زي العربيات... متهيألي نقدر

---

انا معاك بس خلي بالك ان مش كل حاجه بالنسبالك كماليات تبقي بالضروره لغيرك كماليات برضه انا من الناس العربيه بالنسبالي كانت كماليات بس لو معايا فلوس هشتري عربيه لاني دلوقتي بقت ضروريات انا النهارده راجل متجوز لو مثلا مراتي تعبت باليل الساعه اتنين ولا تلاته هاروح فين علشان اجيب عربيه توديها المستشفي واوعي تقولي اتصل بالاسعاف علشان ده عقبال ماييجو ممكن يكون الذي لايحمد عقباه حصل بيتهيالي اي حد بجد مسئول وبأعني بكلمه مسئول انو يكون يعرف يوزن الامور كويس بالنسبه للمسئوليه الملقاه علي اكتافه ساعتها هيعرف ايه الضروريات من الكماليات
مش واحد عنده عيل 18 سنه يجيبله عربيه علشان يدوس بيها علي خلق ربنا!!!!! (الله المنتقم)

فعلا حاسس انها ولا هاتصدى ولا ولا هاتعدى دة انا حاسس انى نسيت السواقة اساسا من الأنتظار ..

اشكرك يا صاحب الموضوع و اتفق معاك

الصبر هما دلوقتى خلصوا اخر امل عندهم و هو اوتوماك فلو صبرنا شوية و قربنا نم اخر السنة مو ديلا 2010 الجديدة هتنزل و هنقرب من بدء تنفيذ اول نسبة فى تخفيضات الجات فصدقونى الوضع هيبقى تمام فنصبر شوية فات الكتير مبقاش الا القليل و بلاش تشاؤم و احنا كدة كدة مش خسرانين حاجة فلوسنا فى جيبنا و قميتها بتزيد و هتزيد اكتر بسبب الازمة المالية ونقص السيولة العالمى

الحملة دي مع احترامي كلام فاضي
تعرف تقولي كام واحد مؤيد للحملة دي ومعاه فوس يشتري العربية اللي هو عايزها جديدة واتمنع عن الشراء ؟
كل المنضمين للحملة مش معاهم فلوس يشتروا جديد

لذلك رايي انها للاسف حملة فاشلة

عندك حق فى كل كلمه

وانا رأيى ان اللى كان مستنى ماكنش مستنى عشان حمله ولا كلام من ده

اللى كان مستنى كدا كدا كان ناوى يستنى

او معهوش فلوس اصلا يشترى دلوقتى

او معاه عربيه ومستنى انه يجيب جديده فهيصبر لحد ما الاسعار تنزل وده عادى ممكن يصبر 10 سنين ماهو راكب عربيه من غير مايكون فى حمله ولا غيره

ومع احترامى للجميع احنا مانقدرش نقاطع حاجه

وان قدرنا مابنكملش 5 %

وبالنسبه للرأى اللى بيقول ان السياراات تعتبر كماليات ورفاهيه يمكن استغناء عنها

فانا مش متفق معاه خالص لان كل واحد مننا نفسه يركب عربيه

وتصفح مواضيع المنتدى اللى يقول معايا 15 الف يجيبوا ايه ومعايا 20 الف يجيبوا ايه

وطبعا ده حق لكل الناس نفسه يركب عربيه ويترحم من المواصلات والبهدله خاصه لو متزوج او عنده اولاد

الله يسامحه بقى اللى طلع اشاعة ان العربيات ممكن تنزل ل 40 % و 50 % من تمنها

عشم ناس كتير اوى بمجرد احلام واوهام

فناس كتير كانت خايفه تشترى لا تصحى تانى يوم تلاقى اللى ب 100 بقى ب 60

وطبعا ده مستحيل مستحيل يا ولدى

انا رغيت كتير اوى معلش طولت عليكوا

ده مشكلة البلد مافيش وعى وكل انسان ماشى بدماغه اللى زى لافل
يلا نفسى وبعد كده يقرفونا عياط وبتاع

انا مش عارف انتوا زعلانين ليه يعنى اللى خلاكوا تستنوا الكام شهر اللى فاتوا مش قادرين تصبروا لغاية شهر 10 اللى جاى عشان نقدر نحكم هل الحملة فعلا جابت نتيجة ولا لأ وخاصة ان السوق عندنا مبتقدرش ان تتوقع اللى ممكن يحصل فيه بكرة

اقتباس:

---

المشاركة الأصلية كتبت بواسطة josephedward

6- المنتدى ملياااااان ب "باركولي" !!!!! نباركلك ؟؟؟؟ أمال حملة إية وبتاع إيه ؟؟؟؟ اذا كان الفئة الضئيلة التي تستخدم الإنترنت منها جزء كبير ليس مقاطعا ولا دياولو.....

---

النقطة دي اكتر حاجة بتجنني

كل يوم لازم موضوع او اكتر في المنتدى بالصيغة دي

باركولي بقيت اوبلاوي

باركولي بقيت ياريساوي

باركولي بقيت لانسراوي

الخ الخ ..................

وده طبعا بيضعف من عزيمة اللي حتى ناوي يقاطع

وشكرا لصاحب الموضوع

بصراحة انا اؤيد فكرة ان اللى معاه فعلا تمن العربية بيشتريها ومش بيستنى اللى بيستنى اللى لسة المبلغ مش كامل معاه او بيستنى بدل ما يقسط على امل .....

أنا بصراحة شايف أن بلدنا مافيش حاجة بترخص فيها للدرجة اللي متوقعاها الحملة دية تعلو كدة نفكر مع بعض شوية طيب الاسعار نزلت برة مصر و المفروض مصر الاسعار تنزيل فيها بالمستوي اللي نزلة بية أسعار السيارات العالمية لو أفتراضنا ان المستوردين هاينزلو الاسعار شوية علشان يبيعو المخزون اللي عندهم و طبعا عمرهم ماهيوصلو أن هما يخسروو مافيش تاجر بيخسر بسهولة كدة طيب هما زهقو و هايخسرو هاينزلو الاسعار كام ياعني الف الفين جنية مش أكتر لان الحكومة دبحاهم في الجمارك طيب الحكومة عايزة تحلها علشان المستسمرين و صناعة السيارات ماتوقعش:C_laugh[1]: زاي البلاد المتقدمة اللي احنا عايزين الاسعار تبقي زاي عندهم هاتنزل كام ياعني من الجمارك الف الفين جنية ومحدش يقولي المفروض يبقي اكتر من كدة علشان اولا الحداية مابتحدفش كتاكيت:dontudear: و ثانيا أزمة المرور المزمنة اللي عندنا في مصر وقتها الحكومة هاتعمل اجتماعات مغلقة و هاتقولاك السبب الاول و الاخير المرور لان العربيات لو بقيت بأسعار الدول الاخري هاتبقي كارثة و العربيات هاتمشي فوق باعضها ودية أكبر حجة ممكن يتحجيجو بيها ويدونا فوق دماغنا بأسعرهم كالمعتاد:khd: ياعني المنتظر أربع تلاف جنية بالكتير أزاي بقي ابقي محتاج عربية في أول 2008 و أستني لحد 2010 علشان أشتريها معمول عاليها خصم أربع تلاف جنية:44: أكيد لو هاستني داة لو نزلو الاربع تلاف دول يبقي فعلا أنا مش محتاجها أو عندي بديل أو ماعيش فلوسها بس حابيب يكون فية حملة و السلام و أهي حاجة جديدة و خلاص مع كل أحترامي للحملة و فكرتها بس اللي فكر فيها مايعرفش أن هو اكيد في مصر حاملة مين يا عسل في البلد دية داة الشعب خلاص ماشي يكلم نفسو:fun_36_3_4[1]: معلش أنا عارف أن أنا طولت عاليكو بس الموضوع داة أنا متابعو و متوقعو من زمان و أتمني أنو يكون عكس توقعاتي

الحل اننا نفكر سويا فى كيفية الانتشار السريع لهذه الحملة
سواء كان هذا عبر برامج التلفزيون التى تتمتع بنسبة مشاهدة عالية
او تكوين جروب على الفيس بوك حتى يمكننا التأثير على صناع القرار
لنأخذ ابسط حقوقنا المشروعة فى هذا الوطن

طب ليه ياجماعة انتوا مشفتوش البونتو نزلت سعرها حوالى 10 الاف عشان يخلص من المخزون بتاعه ويجيب تانى
يعنى الصبر شويه يعنى التجار كان عندهم موديلات 2008 وبعدين بقى فيه 2009 وكمان جاى 2010 فلازم حترخص وبعدين مش لازم تنزل سعرها الارض بس كمان مفيش حد عاجبه الاسعار دلوقتى دى

انا شاكر جدا لكل اللي حاولوا يحسبوا تكاليف السيارات من المصنع حتى البيع في مصر....
ورغم ان كلامهم صحيح، لكن لي ملاحظة:
لو السيارة برة مصر ب100.000 و عشان تيجي هاتبقى ب 160.000 .... و قلنا موافقين...

طيب إيه رأي السادة في الأزمة اللي خللت أم 100.000 في بلدها ب 70.000 في بلدها برضه.... مش من حقنا انها تبقى ب 130.000 هنا ؟؟؟؟ ولا تمسكا بمبدأ التجارة شطارة لازم الزبون هو اللي يتحمل الأزمة لوحده ولو مش عاجبه مايشتريش.....

لو كنا بنعرف نقاطع كنا عرفنا نقاطع البيبسي والماكدونالدز والكنتاكي والمنتجات الدانيماركية و .و.و..إلخ إلخ إلخ
الحملة اهدافها راقية لكن الشعب بيتفاعل ويتحمس وينفعل لأي حاجة في الأول وبعد كدا بينسى بسرعة
من الآخر نفسنا قصير أوي

المشكلة تكمن ان الشعب المصرى شعب استهلاكى من الدرجة الاولى وغير مصنع هذة هى المشكلة الحقيقية

اقتباس:

---

المشاركة الأصلية كتبت بواسطة mk20022002

الصبر هما دلوقتى خلصوا اخر امل عندهم و هو اوتوماك فلو صبرنا شوية و قربنا نم اخر السنة مو ديلا 2010 الجديدة هتنزل و هنقرب من بدء تنفيذ اول نسبة فى تخفيضات الجات فصدقونى الوضع هيبقى تمام فنصبر شوية فات الكتير مبقاش الا القليل و بلاش تشاؤم و احنا كدة كدة مش خسرانين حاجة فلوسنا فى جيبنا و قميتها بتزيد و هتزيد اكتر بسبب الازمة المالية ونقص السيولة العالمى

---

كلام سليم جدااااااااااااااااااااااا ااااااااااااا
مقتنع بة جدااااااااااااااااااااااا اااااااااااااا

والناس اللى بتتكلم على الفاضى وتقول ان اللى هو مع الحملة دة ليس مع نقود ارد علية واقول لة انت مخطئ جدااااااااااااا
انا واحد من الناس فلوسى جاهزة ولكن انا مصرى جدا واحب ان يكون لنا موقف وكلمة فى بلدنا الحبيبة اللى مشعرفين نكون يد واحدة ولنا كلمة واحدة حتى لو كان من خلال شيئ بسيط مثل هذة الحملة على العموم انا مع الحملة ومع كلامك الجميل اخى ومقتنع بة كاملا وفعلا احنا مش هنخصر حاجة
خلوها تولع فى حر الصيف الجميلة وسلملى على اللى متسرع واشترى ولم ينتظر على اللعموم الازمة العالمية مستمرة وطاحنة وكل التوكيلات بتكابر وتعاند وفى النهاية امشاء الله هتستسلم لان 2010 على الابواب ونسبة تخفيضات الجمارك بداية من 2010 والله فلوسنا معنا وبتزيد وهما عندهم اقساط والتزامات

اقتباس:

---

المشاركة الأصلية كتبت بواسطة rrrrreee

كلام سليم جدااااااااااااااااااااااا ااااااااااااا
مقتنع بة جدااااااااااااااااااااااا اااااااااااااا

والناس اللى بتتكلم على الفاضى وتقول ان اللى هو مع الحملة دة ليس مع نقود ارد علية واقول لة انت مخطئ جدااااااااااااا
انا واحد من الناس فلوسى جاهزة ولكن انا مصرى جدا واحب ان يكون لنا موقف وكلمة فى بلدنا الحبيبة اللى مشعرفين نكون يد واحدة ولنا كلمة واحدة حتى لو كان من خلال شيئ بسيط مثل هذة الحملة على العموم انا مع الحملة ومع كلامك الجميل اخى ومقتنع بة كاملا وفعلا احنا مش هنخصر حاجة
خلوها تولع فى حر الصيف الجميلة وسلملى على اللى متسرع واشترى ولم ينتظر على اللعموم الازمة العالمية مستمرة وطاحنة وكل التوكيلات بتكابر وتعاند وفى النهاية امشاء الله هتستسلم لان 2010 على الابواب ونسبة تخفيضات الجمارك بداية من 2010 والله فلوسنا معنا وبتزيد وهما عندهم اقساط والتزامات

---

انا موافق على الكلام ده بكل جوارحي....... انا كدة بالضبط