عرض للطباعة
انا عربيتى مرور الشرقية وانا ساكن في القاهرة وميعاد تجديد الرخص خلال اسبوعين
ممكن اعرف ايه الخطوات اللي اعملها بالترتيب عشان ارخص وانقل العربية من الشرقية للقاهرة
ويا ريت كمان اعرف التكلفة التقريبية للتجديد هتكون كام علما بأن سيارتى 128 موديل 82 و 1100 سي سي
هتعمل فحص للعربية من القاهرة ولازم يكون معاك طفاية والعربية ميكونش فيها خبطات
بعدين تجيب شهادة مخالفات من الشرقية ولو عليها مخالفات تدفعها
بعدين تاخد كل الورق ال معاك ويخص العربية حتى لو انت شايف ان فيه ورق ملهوش لازمة خده برضو ممكن تحتاجه
وتفك نمر العربية وتاخدها معاك لانك بتسلم النمر القديمة وتاخد نمر جديدة كل ده فى مرور القاهرة
يعنى باختصار كدا كل تعاملك مع مرور القاهرة ومش هتحتاج مرور الشرقية غير فى تطليع شهادة المخالفات
ولو انت شارى العربية مستعملة والراجل هيجبلك شهادة مخالفات اتاكد كويس اوى انها مش مزورة
لان نفص الفصل ده حصل معايا وهسافر من طنطا لشمال سينا
واى ورق فى المرور مدته شهر وبعد كدا يسقط
يعنى لو فحصت ومش استخدمت الفحص لمدة شهر هتضطرى تفحص تانى
ونفس الكلام على شهادة المخالفات لو عدا عليها شهر هيطلبو منك واحدة تانية ودوشة بقا
انا اصلا معايا عقد وكنت عامل انا وهو شهادة بيانات عشان خاطر نعمل العقد فأكيد شهادة البيانات مش مزورة بس طبعا راحت للشهر العقاري
هو انت مخدتش منه شهادة مخالفات ؟
انا بقولك شهادة مخالفات هى ال ممكن تتزور
لازم تاخد منه شهادة مخالفات علشان لو عليه مخالفات هو ال يدفعها مش انت
ومش هينفع تنقل من مرور لمرور غير لما تجيب شهادة المخالفات
ولو فيه مخالفات تكون مدفوعة
اقتباس:
المشاركة الأصلية كتبت بواسطة dddddd
اخدت منه طبعا بس انا قلت اخلص الفترة اللي باقية في الرخصة الاول وبعد كده ابقي اطلع واحدة جديدة
سؤال تانى يا شباب
انا جبت امبارح شهادة مخالفات جديدة وواحد قاللي انى لازم اسلم النمر القديمة في مرور الزقازيق
المهم رحت لواحد حبيبي قاللي كبر دماغك من الكلام ده و تعالي بكره واعمل حسابك في 100 جنية زيادة ومش هتدخل لا فحص ولا حاجة وتستلم انت الرخصة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟
ماهو انت لازم تسلم النمر علشان تاخد نمر جديدة
هما مش هيدولك نمر جديدة غير لما تسلم القديمة
ممكن يكون كلام صحبك ده صح وممكن يكون لاء
خليك فى المضمون
لو عاوز يخدمك ميوقفكش فى تابور الفحص
احنا كنا عارفين مهندس فى الفحص ولا وقفنا ولا حاجة اقل من خمس دقايق وكنا ماشيين
رحت النهارده مع صاحبي و فحصت و كان فيه مشكلة انى لازم اروح الزقازيق اسلم نمر و افحص هناك بس عدت بالفلوس و علي ما خلصت كان مكاتب التأمين قفلت فبأذن الله هخلص الباقي بكرةاقتباس:
المشاركة الأصلية كتبت بواسطة dddddd
الف مبروك يا باشا
الحمد لله النهاردة رحت وخلصت كل حاجة في ساعة بدون ما اقف في طوابير بس بعد ما دفعت طبعا وعشان يرحموني من مشوار الزقازيق اسلم وافحص هناك لسعوا مني حوالي 200 جنية تقريبا بس انا مش زعلان طالما خلصت حالي واستلمت الرخصة والنمر الجديدة
اجمالي المصاريف الرسمي
175 جنية تأمين اجباري
632 جنية ضرائب
47.5 جنية ورق
5 جنية ورق ارقام جديدة
ده الرسمي اللي مش رسمي عد للصبح بس برضة مش زعلان والحمد لله انما متغاظ من يافطة متعلقة فوق موظف مكتوب فيها في حالة طلب مبالغ مالية بدون وجه حق يرجي ابلاغ مدير الوحدة وتحتها الموظف بيملي لي الورق وبيقوللي مين هيحاسب علي الكلام ده !!!!!!!!!!!!!
مشكووووووووووووووور
انقل ملكية سيارة