رائحة كمكمة مع تشغيل التكيف+اريال

**hhamdy1** · 08-06-2009 02:01 PM

السلام عليكم و رحمة الله و بركاته

عندى رائحة كمكمة مع اول نصف دقيقة تشغيل للتكيف عايز اعرف ايه الحل و ممكن اعمل ايه علشان الريحة دى تروح؟ سوال اخر الاريال عند اتكسر اعمل اية و اجيب اى نوع و السعر؟ و لكم جزيل الشكر

**alaasaid** · 08-06-2009 02:26 PM

السلام عليكم ,

و الله انا برضة واحد ابن حلال عوج الاريال و باظ و كنت هسئل الجديد بكام و الاريال عندى عادى مش كهربا .

فى انتظار رد اعضاء المنتدى الكرام

**Mohamed.Fawzy** · 08-06-2009 02:27 PM

المشاركة الأصلية كتبت بواسطة hhamdy1

السلام عليكم و رحمة الله و بركاته

عندى رائحة كمكمة مع اول نصف دقيقة تشغيل للتكيف عايز اعرف ايه الحل و ممكن اعمل ايه علشان الريحة دى تروح؟ سوال اخر الاريال عند اتكسر اعمل اية و اجيب اى نوع و السعر؟ و لكم جزيل الشكر

بالنسبه لموضوع ريحه التكييف روح لواحد بتاع تكييفات ينضفلك السربنتينه

و بالنسه لموضوع الأريال موجود فى التوفيقيه و فى محلات الأكسيسوارات و تقريبا العادى ب 75 و الكهرباء ب 100

**Shiref_mohamed** · 08-06-2009 03:48 PM

موضوع الكمكمة ده بيحصل من سربنتينة التكييف الى تحت التابلوه ديه بتلم تراب وبكتيريا ومع تشغيل التكييف وحدوث تكاثف للفريون داخل الدورة السربنتينة بيتكون عليها مياه وطبعاً .....تراب + بكتيريا + مياه = كمكمة

روح لصنايعي تكييف محترم خليه يفك الهاوس بتاع التكييف من تحت التابلوه لحد ما يوصل للسربنتينة وينضفها كويس هتروح الريحة خالص وكمان حيتحسن اداء التكييف

اما موضوع الأريال الكهربا ده قدامك حلين :-
الأول انك تشترى العقل بس بتاعت الأريال وديه بتتباع الأصليه بـ 30 جنيه وتخلى الكهربائي يفك القديمة من الأريال بتاعك ويركب الجديدة ...
والثاني انك تشترى اريال جديد وده الصيني بيعمل 100 جنيه والأصلي بيعمل 160 جنيه