نيو اكسنت ولا frv ؟ افيدووووووووووني

السلام عليكم اولا احب ارحب بكل اعضاء المنتدى الجميييييييل اوي ده انا فعلا اجد الرد على كل اسئلتي فيه , بس ده اول مره اشارك في قسم الهيونداي لأني نويت بصراحة اشتري جديد , بس انا كنت بفكر في بريلينس frv ولاكن في ناس صحابي نصحوني بنيو اكسنت , طبعا انا محتااااار جدا وبقالي اكتر من اسبوعين عمال اقرأ عن ال FRV وعرفت كل حاجة تقريبا عنها لدرجة اني حبتها جدا من غير ما اشوفها ( اصدي اجربها شخصيا ) بس فجأه وجدت النصيحة من اصدقاء مقربين ليا بالنيو اكسنت طبعا انا كدة اتبرجلت ومبأتش عارف اجيب ايه , ياريت ارجوكم مش عايز تحيز للنيو اكسنت لمجرد انكم من مالكي السيارة , بس انا تعمدت اكتب سؤالي على قسم الهيونداي عشان أقدر اقيم النيو اكسنت , وياريت من اصحاب الخبرة ايه اخبار اسعار قطع الغيار ياريت لو بالارقام , معلش انا اسف طولت عليكم جداااا ,

New Accent طبعاً افضل من ال frv بدون اى مناقشة سيبك من الAbSو EBD و الامكنيات الكتيرة اللى فى ال frv بس فى الاول وفى الاخر هى ايــــــــــــــــــة (( ص ي ن ى) عندك بقى النيو اكسنت مافيهاش حتى اير باج ورغم كدة اغلى من الfrv ليـــــــــــــــــــــــ ــــــة .......عشان (كورى) والحدق يفهم.

طبعآ النيو اكسنت وش جاب لجاب سيبك من حجم واضافه السيارات الصينى كله حكى فاضى
روح واتفرجوا على الصينى شوفوا والنبى جمال التشطيب اقل شيىء عندكم كاوتش الابواب بينول لوحدة وخامته رديئه جدآ والمصحف الشريف سيارة ال فئه 150 الف بلونين وزجاج اسود خلفى وهيصه بالداخل كلها خامات حرام ترموا فى الصينى فلوسكم ياجماعه . سيبك من الامكانيات السيارة نفسها تعبانه كخامات وجودة اجزاء وتقفيل و............ ياعمو الاسبرانزا على سبيل المثال بعد 50000 كم تلاقوا العفشه كلها وقعت وشكل وعدسات والوان وكآنك بتشترى حاجه ماحصلت

New Accent is better

مينفعش تقارن اصلا بين الصينى والكورى نهاااااااااااااائى
خصوصا ان الهيونداى دلوقتى هى التوب بتاع الكورى
والله العظيم انا اخاف ادفع فى الصينى 30 الف مش 90 وللا 100
توكل على الله ومبروووك مقدما

ياجماعه طب اللى بيحكم على الــ frv كده ..... هل حد جربها ؟؟؟؟

ولا عشان مبدا ان الصينى كله سيىء ....

--------------------

نصيحه لصاحب الموضوع .... حضرتك اقرا عن الاتنين ...ومافيش عربيه كامله

وساعتها حضرتك هتقدر تحكم وتشوف ايه العربيه المناسبه ليك ... واللى عيوبها مش هتاثر معاك ...

والـ frv .... كل اللى جابها بيشكر فيها .... وتوكيلها محترم جدا جدا

تحيــــــــــاتـــى

الف شكرررر يا رجالة بس انا عندي تحيز بسيط للfrv عشان كده كنت محتاج حد يقول وجهة نظر غير انها صيني والتاني كوري , يا جماعة اكيد اي حد بيقارن بين عربيتين هتبقى كل واحده من بلد مختلف , عشان انا في وجهة نظري ان الصيني مش ردئ للدرجاتي والصين بدئت تكتسح السوق فعلا ..... بس انا نفسي حد يديني وجهة نظر غير انها صيني والتاني كووووري , ومتنسوش اني قلتلكم في بداية الحوار اني بقالي اسبوعين عمال اقرأ عن الFRV لحد ما حسيت من الاعضاء ومالكينها انها BMW ,عشان كدة اكيد موضوع انها صيني مش هيغير رأيي فيها ده يا جماعة توكيل بفاريا عارفين يعني ايه بفاريا ؟ يعني BMW , WV , MINI COPER ............. بس كدة واسف جدا عالاطاله والف شكر عالردود الجميلة , وارجو متابعة الردود .

انا بجد بحترم ردك جدا جدا يا استاذ ايمن والله 100 100 انا لسة بقول مش عايز تحيز من مالكي السيارة ويا ريت يا جماعة إلي يهاجم يقول لييييييييييييه عن تجربة , وعلى فكرة يا استاذ ايمن انا فعلا قرأت عن السيارتين وده سبب حرتي .....

النيو أكسنت بالتأكيد دي 112 حصان وكوري وعربية أثبتت نفسها

موتور نيو اكسنت
ثبات frv
شكل نتا وزوقك
توكيل frv
وسع داخلي وشياكة frv
اعادة بيع اكسنت
لو عايز رايي

لو عايز وسع وشياكة وتوكيل اريح وثبات اكتر بس موتور اقل من الاكسنت بس لذيذ برضو هات الfrv

ولو عايز موتور وسبور بجد بقى هات الجين تو منغير تفكير وسيبك من الاكسنت اللي ثباتها مش اوي وام توكيل غبور دي

نيو اكسنت افضل

يا جماعة ال frv صيني بس مش اسبيرانزا يعني

ال frv عربيه كل اللي اشتراها معجب بيها جدا و بيقول ان التوكيل تبعها رائع

الناس دي بتطور شغلها سنة ورا التانية

و ال frv اكيد مش راح تكون متل السبيرانزا

النيو اكسنت عربيه جميله و موتور قوي و طبعا سعر اعادة بيع افضل بكتير

بس غبور بقي و ما ادراك ما غبور

مع احترامي لكل الناس اللي فضلت الاكسنت
الFRV عربية من الاخر :
المجموعة البافارية تعني (BMW-Mini Coper-Rollse Royce-brilliance-Mahindra)
العربية اولا تجميع الصين
تصميم الماني كامل
المحرك و ناقل الحركة شركة ميتسوبيشي اليابانية
نظام التعليق من شركة بورش العالمية
بالاضافة التكنولوجة الحديثة التي يهملها غبور
ABS-EBD-Air Bags

اقتباس:

---

المشاركة الأصلية كتبت بواسطة aymannnnnnnn

مع احترامي لكل الناس اللي فضلت الاكسنت
الfrv عربية من الاخر :
المجموعة البافارية تعني (bmw-mini coper-rollse royce-brilliance-mahindra)
العربية اولا تجميع الصين
تصميم الماني كامل
المحرك و ناقل الحركة شركة ميتسوبيشي اليابانية
نظام التعليق من شركة بورش العالمية
بالاضافة التكنولوجة الحديثة التي يهملها غبور
abs-ebd-air bags

---

اخى الفاضل دة سيارة مش طبق سلطه مشكل ... السيارة الكورى بدون اضافات الصينى غاليه بسبب حودة خامات الاجزاء نفسها كل جزء جودة عاليه وتصميمها وتقفيلها ممتاز.

اى بى اس واير باج ال بتطالب بها غبور ... دة حاجات مش اساسيه ولكنها تندرج تحت بند الكماليات لو اضيفت تخلى السيارة بفئه سعريه اعلى كثير من المنافس لها وانت فى مصر مش كل زبون يفهم النقطه دة

اقتباس:

---

المشاركة الأصلية كتبت بواسطة akram2010

طبعآ النيو اكسنت وش جاب لجاب سيبك من حجم واضافه السيارات الصينى كله حكى فاضى
روح واتفرجوا على الصينى شوفوا والنبى جمال التشطيب اقل شيىء عندكم كاوتش الابواب بينول لوحدة وخامته رديئه جدآ والمصحف الشريف سيارة ال فئه 150 الف بلونين وزجاج اسود خلفى وهيصه بالداخل كلها خامات حرام ترموا فى الصينى فلوسكم ياجماعه . سيبك من الامكانيات السيارة نفسها تعبانه كخامات وجودة اجزاء وتقفيل و............ ياعمو الاسبرانزا على سبيل المثال بعد 50000 كم تلاقوا العفشه كلها وقعت وشكل وعدسات والوان وكآنك بتشترى حاجه ماحصلت

---

خللوا بالكم يا جماعة الراجل دة شغال فى توكيل هيونداى و مبيعملش اى حاجة فى المنتدى غير انة يقول على اى عربية زبالة و ان الهيونداى احسن منها

MMamdouh

اقتباس:

---

المشاركة الأصلية كتبت بواسطة akram2010

اخى الفاضل دة سيارة مش طبق سلطه مشكل ... السيارة الكورى بدون اضافات الصينى غاليه بسبب حودة خامات الاجزاء نفسها كل جزء جودة عاليه وتصميمها وتقفيلها ممتاز.

اى بى اس واير باج ال بتطالب بها غبور ... دة حاجات مش اساسيه ولكنها تندرج تحت بند الكماليات لو اضيفت تخلى السيارة بفئه سعريه اعلى كثير من المنافس لها وانت فى مصر مش كل زبون يفهم النقطه دة

---

ايه بي اي واير باجز حاجات مش اساسية ؟
ايه بي اي واير باجز كماليات ؟؟؟

دول حياتي وحياة اسرتي ؟؟؟

[QUOTE=akram2010;898452]

اى بى اس واير باج ال بتطالب بها غبور ... دة حاجات مش اساسيه ولكنها تندرج تحت بند الكماليات لو اضيفت تخلى السيارة بفئه سعريه اعلى كثير من المنافس لها وانت فى مصر مش كل زبون يفهم النقطه دة[/QUOTE


شكرا علي المعلومات الي ان دلت علي شيء تدل عن عدم وعي بصناعة السيارات والمواصفات والاهم فالمهم
يعني الصح الواحد يخسر 20 هورس باور وياخد عربية فيها airbag مافيهاش كلام بصفة عامة بدون تحيز لعربيه بنوعها
يعني جودة صناعة+مواصفات امان
safety comes first

مواصفات الامان اولا

انا برده معاك يا اوتيفا انت صح , عوامل الامان مهمة جدا , وبعدين سبحان الله يا اخي الواحد زمان كان بيدور على الاير باجز واليه بي اس في اي عربية عايز يشتريها , دلوقتي بقى بقت وحشة ومش مهمة !!!!!! سبحان الله عالبني أدم مفيش اي وضع عاجبه , وبعدين كل برغوت وعلى اد دمه , مش معنى ان الصين دايما بتوفري افضل احتياجاتي في عربيات معينة اني أقول عليها " يع دي صيني " انا فعلا مستغرب الناس ده !!!!!!!!!!!!!!

يا جماعه احنا مشكلتنا في مصر اننا بنحكم حكم خارجي على الاشياء يعني اعتقد ان مفيش حد من اللي بيقترحوا النيو اكسنت بكل ثقه جرب ال frv كله بيحكم حكم بلد المنشأبس لكن الامكانيات والثبات والكفاءة محدش جاب سيرتهم...\
انا مش هطول عليكم انا اخويا كانت معاه فيرنا زيرو 2005 وكان راييه فيها انها 128 خوجاتي وبيقول انها عربيه ماشيه وخلاص ...وباعها وتعاقد فعليا على نيو اكسنت هيا عربيه كويسه ولكنها عاديه جدا جدا ...واخيرا اشترى ال frv بصراحه ما شاءالله العربيه حاجه تانيه خالص وتقفيلها ممتاز وكمان وانت قاعد جواها بتحس انك معزول عن الشارع عزل كويس ده غير ان عفشتها ماشالله ممتازة وعموما هيا في رأيي افضل بكتيير من النيو اكسنت ...واللي خايف من الصيني عايز اقوله ان الصين غزت العالم كله بالتكنولوجيا حتى امريكا بذاتها فيها عربيات تقفيل صيني..ورايي ده بمنتهى الامانه

اقتباس:

---

المشاركة الأصلية كتبت بواسطة akram2010

اخى الفاضل دة سيارة مش طبق سلطه مشكل ... السيارة الكورى بدون اضافات الصينى غاليه بسبب حودة خامات الاجزاء نفسها كل جزء جودة عاليه وتصميمها وتقفيلها ممتاز.

اى بى اس واير باج ال بتطالب بها غبور ... دة حاجات مش اساسيه ولكنها تندرج تحت بند الكماليات لو اضيفت تخلى السيارة بفئه سعريه اعلى كثير من المنافس لها وانت فى مصر مش كل زبون يفهم النقطه دة

---

حضرتك بتدافع عن شو بالظبط؟

حقيقه مسلم بيها ان غبور اسوء توكيل في مصر

و معروف انه ضاحك علي المستهلك المصري و منزل موديلات صارلها مليون سنة علي انها موديلات جديدة باسامي جديدة

و الفيرنا تشهد

الاكسنت افضل بس انا راي سيبك من الاتنين وفكر في الجراند بونتو او الجين 2 كتحمل ...........ال اف ار في برده انت راكب عربية كوكتيل لكن شكلها وامكانيتها حلوة بس لسه ماخدتش وقتها في السوق و الاكسنت القعدة فيها ضيقة من جوة ومش مريحة وثباتها بعد 140 مش قوي وكمان الصيانة والمصنعية سرقة علني........

والله يا جماعة انا شاكر جدا ليكو , بس انا حيرتي بتزيد يوم بعد يوم , عموما انا استخرت الله وانشاء الله همشي في اجرائات الfrv ,
وربنا يقدم الي فيه الخير .

اقتباس:

---

المشاركة الأصلية كتبت بواسطة kojyad

والله يا جماعة انا شاكر جدا ليكو , بس انا حيرتي بتزيد يوم بعد يوم , عموما انا استخرت الله وانشاء الله همشي في اجرائات الfrv ,
وربنا يقدم الي فيه الخير .

---

الف مبروك مقدما ربنا يباركلك فيه وتطلع خرافيه علشان تغيظ حزب يا اما هيونداي يا اما هيونداي

اشطة عليك , ونعمل احنا حزب" يا اما صيني يا اما صيني هاهاهاهاها

اقتباس:

---

المشاركة الأصلية كتبت بواسطة kojyad

اشطة عليك , ونعمل احنا حزب" يا اما صيني يا اما صيني هاهاهاهاها

---

أو حزب يا إما مش هيونداي يا إما مش هيونداي

اقتباس:

---

المشاركة الأصلية كتبت بواسطة akram2010

اى بى اس واير باج ال بتطالب بها غبور ... دة حاجات مش اساسيه ولكنها تندرج تحت بند الكماليات لو اضيفت تخلى السيارة بفئه سعريه اعلى كثير من المنافس لها وانت فى مصر مش كل زبون يفهم النقطه دة

---

يا راجل قول كلام غير دا ... دا انتا شكلك بقا بايخ اوى :mahf(5):
انا مش عارف التوكيل مشغل واحد بالمعلومات دى عندو ازاى اصلا ...
الabs والairbags كماليات هههههههههههههههههههه

د8/.43555دددجح

اسف يا جماعه علي الهرتله دي كنت سايب المنتدي مفتوح وابن اخي الصغير كان بيلعب جيت لقيته رادد مكاني ههههههههههههه

اقتباس:

---

المشاركة الأصلية كتبت بواسطة bmya

اسف يا جماعه علي الهرتله دي كنت سايب المنتدي مفتوح وابن اخي الصغير كان بيلعب جيت لقيته رادد مكاني ههههههههههههه

---

بس تصدق ابن اخوك كتب احسن رد على ان وسائل الآمان من الكماليات
ابن اخوك ده اسكندراني ؟؟؟؟

[QUOTE=aymannnnnnnn;897828]مع احترامي لكل الناس اللي فضلت الاكسنت
الFRV عربية من الاخر :
المجموعة البافارية تعني (BMW-Mini Coper-Rollse Royce-brilliance-Mahindra)
العربية اولا تجميع الصين
تصميم الماني كامل
المحرك و ناقل الحركة شركة ميتسوبيشي اليابانية
نظام التعليق من شركة بورش العالمية
بالاضافة التكنولوجة الحديثة التي يهملها غبور
ABS-EBD-Air Bags[/QUOTE
مع احترامي الكامل ليك
موتور ال frv متسوبيشي تكنولوجي مش متسوبيشي يعني مصمم طبقا لمواصفا متسوبيشي وجنسيتو اتحاد اوروبي مش ياباني خالص
وافتح الكبوت تاكيدا على كلامي هتلاقي مكتوب متسوبيشي tech اختصارا لتكنولوجي ولو معاك الكتالوج تشوف الكلام ده يبقى خير وبركة طبعا
غير كده بقى عفشة بورش ايه بس ياباشا ؟؟؟؟؟
العفشة تكنيك البورش يعني الناس الصينين قلدو طريقة صنع العفشة
لكن هيا ملهاش علاقة لشركة بورش خالص غير طبعا انها متقلدة على اساسها لكن صناعتها صينية

ياريت قبل ماتقول معلومات ابقى اتاكد منها لوسمحت عشان الناس متفهمش غلط واحنا ماشاء الله بنحب نردد فهتطلع اشاعات ملهاش اي اساس من الصحة

الصراحه انا شايف ان الصيني ابتدا يشد حيله في السوق و الهيونداي و اخد سمعه علي حس موديلات معينه انا شخصيا معجب بال frv بس اكييد خايف منهامش دلوقتي بعدبن....
المشكله يا جماعة الخير انتوا ببتكلموا عن العربيه دلوقتي. كل العربيات دي عمرها ما عداش ال تلات سنيين.
السؤال الصح اللي يتسأل هي العربيه دي تعيش؟ انت مش بتشتري موبايل ممكن تغيروا بسهوله ....
انا عن نفسي الخوف كله بعد مثلا سبع سنين تيجي تدور علي سير ليها ولا حاجه يقولك ايه العربيه دي ....
و عجبي

[QUOTE=elshaba7ana;908214]

اقتباس:

---

المشاركة الأصلية كتبت بواسطة aymannnnnnnn

مع احترامي لكل الناس اللي فضلت الاكسنت
الFRV عربية من الاخر :
المجموعة البافارية تعني (BMW-Mini Coper-Rollse Royce-brilliance-Mahindra)
العربية اولا تجميع الصين
تصميم الماني كامل
المحرك و ناقل الحركة شركة ميتسوبيشي اليابانية
نظام التعليق من شركة بورش العالمية
بالاضافة التكنولوجة الحديثة التي يهملها غبور
ABS-EBD-Air Bags[/QUOTE
مع احترامي الكامل ليك
موتور ال frv متسوبيشي تكنولوجي مش متسوبيشي يعني مصمم طبقا لمواصفا متسوبيشي وجنسيتو اتحاد اوروبي مش ياباني خالص
وافتح الكبوت تاكيدا على كلامي هتلاقي مكتوب متسوبيشي tech اختصارا لتكنولوجي ولو معاك الكتالوج تشوف الكلام ده يبقى خير وبركة طبعا
غير كده بقى عفشة بورش ايه بس ياباشا ؟؟؟؟؟
العفشة تكنيك البورش يعني الناس الصينين قلدو طريقة صنع العفشة
لكن هيا ملهاش علاقة لشركة بورش خالص غير طبعا انها متقلدة على اساسها لكن صناعتها صينية

ياريت قبل ماتقول معلومات ابقى اتاكد منها لوسمحت عشان الناس متفهمش غلط واحنا ماشاء الله بنحب نردد فهتطلع اشاعات ملهاش اي اساس من الصحة

---

مع احترامى الكامل لحضرتك كلامك كلوا غلط ,انا اخويا معاة لانسر بومة و كنت بركبها كتير جدا و من 6 شهور اشتريت frv, و بكل صراحة العربية ممتازة و الحمدلله و محستش لحظة بأى فرق بينها و بين اللانسر غير فى حاجة واحدة بس و هى ان frv اكثر ثبات من اللانسر , و بالنسبة للمعلومة اللى حضرتك قولتها عن الموتور و العفشة, اولا لو حضرتك كنت ركبت لانسر قبل كدة يبقى اكيد بمجرد انك تدور العربية هتعرف ان كلامك غلط و من ناحية تانية انا روحت بيها مرة توكيل ميتسوبيشى و اكدولى ان الموتور من صنع شركة ميتسوبيشى . الحاجة التانية العربية دى توكيل الشركة البافارية و اكيد عارف يعنى اية, العربية متصنعة فى مصنع bmw فى الصين و دى معلومة انا اتأكدت منها و معمول للعربية نفس اختبارات الجودة اللى بتسرى على ,bmw rules وفى النهاية طبعا دى اراء بس لازم لما تحكم نكون مجرب .

أنا رأيى إبعد عن الصينى وغنيله وده مجرد رأى

اقتباس:

---

المشاركة الأصلية كتبت بواسطة aymannnnnnnn

مع احترامي لكل الناس اللي فضلت الاكسنت
الfrv عربية من الاخر :
المجموعة البافارية تعني (bmw-mini coper-rollse royce-brilliance-mahindra)
العربية اولا تجميع الصين
تصميم الماني كامل
المحرك و ناقل الحركة شركة ميتسوبيشي اليابانية
نظام التعليق من شركة بورش العالمية
بالاضافة التكنولوجة الحديثة التي يهملها غبور
abs-ebd-air bags

---

اسمحلى اقولك ان الموتور صينى 100 فى 100 دة تكنولوجيا ميتسوبيشى ذى اللبانة اللى فى بق كل الصينى
الموتور صيييييييييييييييييييييييي ينى
افتح الكابوت و شوف
والكلام دة كمان من يق اكبر توكيل سيارات فى اسكندرية
توكيل الطارق
الموتور صيييينننننىىىىىىىى