دبرنى ياسعداوى، شكلى هابقى تيداوى

**aesaad** · 08-06-2009 02:20 PM

سعداوى باشا، معلهش هاكمل الصداع اللى سببته لك بسبب موضوعى وآخد رأيك، شكلى كده هاجيب التيدا الفول أوبشنز بلس، بصراحة حاسس إنها أنسب حاجة ليا للأسباب التالية:

1- يابانى بالكامل.
2- واضح إنها حمالة أسية.
3- قطع غيار واستهلاك بنزين وتكاليف صيانة ممتازة.
4- الوحيدة فى اليابانى اللى فى حدود إمكانياتى المادية (حد أقصى 120،000) ولو إنها هاتزيد حوالى 5000.
5- فيها كل المواصفات اللى أنا عايزها باستثناء الشكل الخارجى فى السيدان لأنى ناوى أجيبها سيدان علشان محتاجها عائلية.
6- بعد مقارنتها باللانسر البومة حسيت إن فيه فرق بصراحة.
7- وهو المهم محتاج رأيك ضرورى.

**kemo0o** · 08-06-2009 09:09 PM

أولا معلش على المداخلة ...

بص طالما انك مقتنع اتوكل على الله بس استخير ربنا الاول
والتيدا من العربيات اللي سمعتها كويسه جدا جدا وقوية وناعمة وواسعة وبالفعل هي عربية تستحق الاقتناء

بعد مقارنتها باللانسر البومة حسيت إن فيه فرق بصراحة.

انا معاك هي افضل من البومة وانا مجرب العربيتين وفعلا التيدا تتفوق على البومة في حاجات كتير

**aesaad** · 09-06-2009 12:33 AM

أشكرك يا كيمو على مداخلتك اللى طبعاً تشرفنى، بجد فى الحيرة اللى الواحد بيكون فيها ديه باتمنى الإفادة والمشورة من حد ذو تجربة.

أشكرك مرة تانية، وربنا يوفقنى ويكون إختيار موفق وخصوصاً إنى مش من النوع اللى بيحب يغير الغربية كتير، بالعكس أنا عشرى جداً جداً مع العربيات.

**kemo0o** · 09-06-2009 01:04 AM

بص ياباشا ولله الحمد انا عاشرت التيدا سنتين كاملين 2007-2008 هي اي نعم بتاعت صاحبي بس كانت تعتبر عربيتي
الحمد لله عمرها ما خذلتنا في اي حاجة وكانت بتستحمل بطريقة ... بجد والله كانت بتتعامل معاملة عربية ربع نقل وعمرها ما اشتكت

كان بيسافر بيها مطروح دايما وطبعا صاحبي ده من الناس اللي بتسافر كتير فانت متخيل طريقة سواقتة وعمر العربية ما اشتكت
قعدت معاه 35 الف كيلو بدون اي شكاوى ولا اي تغيير قطع غيار

فقط تغيير القطع الاستهلاكية زي التيل والفلاتر بس للاسف باعها عشان عاوز يغير ويجيب عربية 4*4 والحمد لله اشترى x3 ربنا يبارك له فيها

والحمد لله قبل ماصاحبي يبيع التيدا بتاعته كان صاحبي التاني اشترى عربيه .... تيدا برضه . والاتنين موجودين في المنتدى هنا

بجد فعلا العربية دي تستحق الاقتناء ومش هتخذلك ومعمرة وبما انك عشري مع العربيات فالتيدا عربية عشرية برضه
وبرضه ربنا يوفقك في الاختيار

**pharonicking** · 09-06-2009 01:33 AM

عربية حلوة"""

**masterzmind** · 09-06-2009 01:16 PM

انا لما روحت معرض اتوماك ( العربية انا بموووووووووت فيها ويسلام لو هاتش باك رائعة ) بس لما فتحت الموتور زعلت اوووووووووووووى يا ريت قبل ما تشترى العربية بص كدة على الموتور والتقفيل الدنمو فوق جنب الموتور وفى حتة معمولة بى الشكرتون الاسود جنب الفلتر م عارف هية طبعا عربية كويسة بس زعلتنى اوى لما فتحت الموتور عشان انا كان نفسى اجيبها

**aesaad** · 09-06-2009 02:10 PM

هو فعلاً شكل الموتور لفت نظرى لما شفته فى المعرض، بس مافيش أى حد علق على الموضوع ده قبل كده، ومتهيألى إن مافيش منه مشكلة وإلا كان كل اللى معاه التيدا قال عليه، مش عارف ياريت حد يفيدنا فى الموضوع ده.

**kemo0o** · 09-06-2009 03:42 PM

المشاركة الأصلية كتبت بواسطة aesaad

هو فعلاً شكل الموتور لفت نظرى لما شفته فى المعرض، بس مافيش أى حد علق على الموضوع ده قبل كده، ومتهيألى إن مافيش منه مشكلة وإلا كان كل اللى معاه التيدا قال عليه، مش عارف ياريت حد يفيدنا فى الموضوع ده.

انا مش شايف يها حاجة !!!

**aesaad** · 09-06-2009 03:50 PM

لو بصيت على الموتور هاتلاقى الدينامو موجود فوق، يعنى مافيش غطاء مثلاً عازل للموتور بالكامل أو حتى للدينامو، مش عارف هل ده ممكن يسبب مشكلة فى أى وقت بسبب مطر أو غسيل أو غيره؟ أنا بصراحة مش مهندس علشان أقدر أقيمها، بس اللى متأكد منه إنه أكيد مافيش فيها مشكلة لأنى لاحظت كمان نفس الشكل ده فى البلو بيرد السيلفى.

**kemo0o** · 09-06-2009 04:25 PM

المشاركة الأصلية كتبت بواسطة aesaad

لو بصيت على الموتور هاتلاقى الدينامو موجود فوق، يعنى مافيش غطاء مثلاً عازل للموتور بالكامل أو حتى للدينامو، مش عارف هل ده ممكن يسبب مشكلة فى أى وقت بسبب مطر أو غسيل أو غيره؟ أنا بصراحة مش مهندس علشان أقدر أقيمها، بس اللى متأكد منه إنه أكيد مافيش فيها مشكلة لأنى لاحظت كمان نفس الشكل ده فى البلو بيرد السيلفى.

معلش .... التيدا دي مش عربية اي كلام او من شركة حديثة العهد وبعدين أكيد يعني حاجة زي دي مش هتعدي عليهم وبعدين انا قصدت في مشاركتي الاولى ان اقول ان انا مش شايف فيها حاجة يعني انا مش شايقها عيب !!

الموضوع: دبرنى ياسعداوى، شكلى هابقى تيداوى

LinkBack

أدوات الموضوع

عرض

-

-

-

-

-

المواضيع المتشابهه

اخيرا بقيت تيداوى

دبرنى ياوزير ...

شكلي هابقى رينوهاوي

خلاص حابقى تيداوى

الكلمات الدلالية لهذا الموضوع

المفضلات

المفضلات

ضوابط المشاركة