الموضوع: العربية خدت مسمار

ربنا يصبرك

و بصراحة حركة تخلى الواحد شايط

انا انصحك تخليها كده شويه

المشاركة الأصلية كتبت بواسطة omarhelalyehia

السلام عليكم يا احلى منتدى

باختصار شديد عشان وقت حضراتكم كنت رايح اقوم بواجب عزاء و تركت السيارة لانسر 2009 رجعت لاقيت واحد واخدها مسمار من اولها لاخرها نفسيتى فى الحضيض من هذا الغباء و السؤال لاهل الخير هل فى علاج لهذا الموضوع مع العلم اللون نبيتى
و شاكر لسيادتكم

متزعش يا باشا قدر الله وما شاء فعل

ان شاء الله ليها حل ممكن تروح لواحد بتاع دوكو كويس و ان شاء الله تتعمل بسهوله

بصراحه كان الله فى عونك وبصراحه كنت عايز اكتب موضوع لمناقشه هذه الظاهره السيئه التى انتشرت فى الشعب المصرى كالهشيم فى النار

كنت بقول لنفسى ان مثل هذه الظاهره هى حقد البعض على من يركبون سيارات حديثه ولكن بعد ماحصل لى شخصيا غيرت الفكره

لان سيارتى ليست حديثه بل سياره شعبيه جدا وهى 128 وعفى عليها الزمن كمان وليس بها اى شئ يجذب الناس لها

ومع ذلك ولاد الحرام سرقوا الغطاء قلت قدر الله وماشاء فعل

اركب انذار كما قالوا لى الناس

واذا بى كل شويه اسمع الصوت وانا فى احد الادوار العليا مش هينفع انزل كل شويه

لقيت بعد كه ولاد الحرام خلعوا الباكتتات اللى فى الجنب

وكل يوم يخبطوا على العربيه علشان يسمعوا صوت الانذار وهات ياخبط ورزع

الصاج اصبح به مطبات داخله وخارجه من شده الخبط والرزع

ومش كده وبس كنت لسه راششها

خدت مش مسمار واحد بل خدت قول مسمار واجنه وشاكوش واصبحت مجرحه من كل مكان

بصراحه دمى اتحرق وكتمت غيظى لكن مش قادر

حزنى على العربيه واللى حصل موجود لانى ماجبتهاش بالساهل يعلم الله ذلك لكن حزنى الاكبر على سلوك الناس والشعب المصرى ده

ليه ده بيحصل ؟

بحاول الاقى اجابه للسؤال ده مش لاقى

ليه الشعب المصرى بيهوى افساد ممتلكات الغير ؟
ليه الطفل لما يلاقى شجره بيقوم خالعها ؟
ليه المصر بيتعمد يرمى الزباله فى وسط الطريق رغم وجود سله القمامه؟
ليه المصرى بيكسر اشاره المرور رغم وجود الاشاره ؟
ليه المصرى بياخد رشوه رغم انها محرمه علشان يخلص لك مصلحه؟
ليه المصرى بيعمل كده وكده وكده 00000 ليه ؟

لو فضلت اعد السلوكيات السيئه مش هخلص

والحقيقه المره ان دى اصبحت سمه منتشره جدا فى كل مكان

ياريت نناقش الموضوع ده ونوصل للحل وهل ممكن معالجته ؟

وليه كل اب وام مايعلمش اولاده ان السلوكيات دى غلط ويربيهم على الصح

اعتقد اننا محتاجين سنوات كثيره علشان نوصل لكده

لكن للاسف ارجع واقول ان ده حتى صعب

انا عن نفسى باعلم اولادى كده واعرفهم ان كده غلك وكده صح

لكن المشكله فى اولاد الغير مش هاقدر اعمل معاهم كده لان ببساطه اهلهم علموهم على الغلط والاستهتار وعدم احترام الغير وملكيه الغير

هى دى المشكله

معلش اخى انا خرجت بره موضوعك لكن كلامى هو صلب موضوعك ايضا لان ماحدث معك حدث معى ويحدث مع كل اخواتنا واخواتنا ايضا ويحدث كل يوم بل كل ساعه بل كل دقيقه وثانيه

عادى جدا هذا اصبح من السلكيات التى تعودت عليها بص انا عربيت امى لسة زيرو بكيسها واحد ابن تتتتتتتتت رسم قلب كبير وعمل فية سهم وكتب اسمة واسم حببتو محمد وبسينة طيب هو يحب واحنا يتخرب بتنا هو فكرها شجرة اما عن الحل
ممكن توديها لبتاع دوكو يعملها بالبلش ويلمعها دة كل قلى تقدر علية واللة انا شيلة فى العربية كل ملقى حد واخد حكة انزل ادية شوية حاجة تجنن

عادي جدا
فعلا كل واحد بيقول علي الاغني منة حرامي
انا واحد اخد الي الكبوت من الجنب كلو
بخصوص الرش يا باشا انت تروح تعملها معجون و تنفرها مرحلة ما قبل الرش و حتفضل واخدة الون النبيتي اامميز دة و سيبها شوية انا عامل كدة عشان تاخد العين شوية
و بعدين رشها عند واحد كويس و باذن الله مش حيبان حاجة و حيرجع لونها زي ما كان