السلام عليكم يا جماعه
ياترى حد عنده فكره عن اسعار قطع غيار اللانسر الجديده 2008 فى التوكيل بكام
لان ده حاجه مهمه جدا فى قرار الشراء وكمان اسعار الصيانه فى التوكيل
عايز اعرف علشان عايز اشترى
ولو تغاضيت عن السعر الغالى للعربيه مش عايز اتدبس فى قطع غيار وصيانه تكون اسعارها خياليه زى سعر العربيه
ياريت حد يفيدنى والمهندس طارق زويل بالذات
رأى الموضوع دة لسة بدرى علية خصوصا" أن العربية لسة منتشرتش يعنى تشوف كام وحدة بس
يعنى أنا على ما أظن شفت بتاع 5 فى م نصر ومصر الجديدة
وكمان العربية أول ما نزلت نزلت خليجى والتوكيل مسعرهاش على طول أخد وقت وأظن أنو مكنش الوقت دة فى صلحة
فأكيد أسعار قطع الغيار لسة أدمها وقت عئبال ما تيجى وتتسعر
بس ممكن الفلاتر ومستلزمات الصيانة العادية تكون معلومة
دة من وجهة نظرى وربنا يوفئك
ده سؤال كويس طبعا
أولا بخصوص توافر قطع الغيار فشركة مصرية كوكيل قبل ما بينزل شكل جديد بيكون فيه تجهيزات قبلها بمدة كافية بحيث بيتم عمل طلبية قطع غيار متكاملة للموديل الجديد وده اتعمل من فترة وقطع الغيار العربية بالكامل موجودة قبل وصول العربية يمكن بشهرين تلاته
ثانيا بخصوص الأسعار سألت ادارة قطع الغيار عن متوسط سعر قطع غيار الشكل الجديد فقالوا انها اسعار عادية ومقاربة جدا لأسعار قطع غيار اللانسر الشكل العادي 1300 - 1600 ولو تحب تسأل عن سعر قطعة محددة أسأل لك عليها
ممكن يا باشمهندس طارق تحط لنا فى المنتدى قائمة بأسعار قطع غيار السيارة علشان يعرف الأعضاء أسعارها
ممكن يا باشمهندس طارق تحط لنا فى المنتدى قائمة بأسعار قطع غيار السيارة علشان يعرف الأعضاء أسعارها
انا برضه مؤيد لراى شاركى
كمان سؤال للباشمهندس طارق.......ليه اللانسر السبورت الجديده بقت ب 152000 واحيانا ب 153000 عند كل الموزعين المعتمدين (وانا باكد على انهم المعتمدين مش المعارض العاديه)
مع ان السعر الرسمى اللى منزلاه شركتكم الموقره هو 147000 زى ماحضرتك قلتلنا قبل كده
فهل ياترى الزياده دى من الشركه؟ ... وده يبقى غريب ان السعر يزيد 5000 جنيه فى شهر واحد ولا ياترى الزياده دى من الموزعين المعتمدين؟... وده يبقى غلط لان المفروض يبقى فيه رقابه من شركتكم الموقره امال هما اسمهم موزعين معتمدين ليه؟
انا بصراحه يا باشمهندس زى ماكنت حضرتك شايف انا كنت متحمس قوى للعربيه دى وكنت بدافع عنها باستماته بس دلوقتى انا تراجعت كتير لان اللى بيحصل ده مش طبيعى ده حتى فى مجله عربيتى العدد اللى قبل اللى فات كتبو عن اللانسر مقال رائع وفى النهايه تنويه عن السعر الخيالى مطالبين فيه الوكيل بدعم سعر السياره باقصى مايمكن لان اللى بيحصل ده ا.......!!!!!!!!!!!
بخصوص قطع الغيار باذن الله هاجيب تفاصيلها واعرضها
بخصوص سعر العربية فطبعا ده زاد جدا عن اللي كنا بنقول عليه وده نتيجة العرض والطلب
لأن المعروض قليل والطلب اكثر منك بكتير فأصبح اللي عنده عربية عادي جدا يقول لو تحجز تبقى ب 147 مثلا ولو عايزها دلوقتي تبقى مثلا ب 153 أو حتى 155
عموما هي الدفعات الأولى منها قليلة انما اعتبارا من يناير باذن الله الكميات هتكون اكبر بكتير واكيد السعر هينزل لما العربية تتوفر في السوق
شكرا