الموضوع: أغير الفتيس ولا أصلحه ؟ (ويرا 2005)

المشاركة الأصلية كتبت بواسطة ahmed_h_g

الفتيس أبتدى يلعب معايا وبيعمل حوارات ملهاش لزمه :t_thum1[1]:
1- أول ما أدور العربيه الصبح أسمع صوت خروشه عند الفتيس ولو دوست دبرياج بيروح الصوت ولو رفعت رجلى بيرجع تانى لغاية ما العربيه تسخن وبعد كده بيروح
2- صوت سكسكه عالى ناحية السيور وأول ما أدوس دبرياج بيروح برضه وأول ما أرفع بيرجع تانى ومستمر
3- لسه مغير طقم دبرياج (أسطوانه - دسك - بليه ) كورى علشان العربيه كانت بترعش جامد فى الطلعه وبعد ما غيرت نفس الموضوع بترعش ذى الأول لازم أدوس بنزين جامد علشان تطلع ذى باقية العربيات

مع ملاحظة ان الغيارات كلها بتيجى بسهوله ومفيهاش عضه ولا أى مشكله وهوه ده اللى محيرنى
واحد ميكانيكى كشف عليها وقالى غير الفتيس وريح دماغك بدل ما تصلحه وميكملش 3 شهور ويرجع تانى

محتاج المساعده ضرورى ( أصلح الفتيس ولا أريح دماغى وأغيره ؟؟؟)
معلش طولت عليكوا

يا ابو حميد انا معنديش خبره والله فى الويرا بس اعتقد اللى هينهى الموضع التغير وده هيعتمد على السعر بتاعه لو كان معقول اكيد لما تغيره كله هتنهى الموضوع بس لازم تتأكد الأول ان العيب ده مش بسيط من حد محترف يمكن يتحل بسهوله
تحياتى وقلبى معاك