عاوزين يودونى رفح ال هى جمب اسرائيل

**Dr Zezo** · 12-06-2009 09:12 AM

[QUOTE=drzezo
من طنطا لاسماعيلية تلت ساعات ونص انا رحتها قبل كدا
ومن كلامك يعنى من اسماعيلية للعريش تقريبا نفس المسافة من طنطا لاسماعيلية
يعنى تلات ساعات ونص كمان
يبقا كدا سبعة
واربعين كيلو من العريش لرفح يعنى ساعة كمان
كدا بقو تمانية
الناس قالولى اتناشر تمانية من اتناشر مفرقتش كتير يعنى
المشكلة بقا اننالازم نبيت فى الطريق علشان نوصل رفح الصبح علشان الموظفين شغالين الصبح
دوخة يعنى[/QUOTE]

من طنطا لاسماعلية ثلاث ساعات و نصف!!!!!!!!!!!!!!!!!!!!!
واربعين كيلو من العريش لرفح في ساعة !!!!!!!!!!!!!!!!!!!!!!!!
احنا واضح ان احنا بنتكلم هناعلي ان حضرتك رايح علي حصان او حمار

انا اسف بس مش لاقي كلام اقوله ال40كم دول الواحد يخدهم في طريق سريع في 20 دقيقة بسرعة لاتزيد عن السرعة القانونية للطريق

انا بروح من العريش الي زفتي حد اقصي 4ساعات!!!!!!!!!

ومن العريش لحد بني سويف 5ساعات و نصف "بني سويف دي اللي هي اول الصعيد وطريقها مقرف كل كيلو فيه مطبين وتلاتة "
مش عارف اقول ايه بصراحة
دا حسن راتب "صاحب قناة المحور وجامعة سيناء في العريش" بيجي من العريش للقاهرة في ساعتين"بس عربيتوا مرسيدس اخر موديل"

حضرتك لوطلعت من بيتك 4 الفجر وتوكلت علي الله وخدت الطريق طوالي وكمان الطريق بتاع طنطا للاسماعلية هايكون فاضي توصل رفح باذن الله في حدود 8 او9 الصبح بس شدالطريق كويس ما تقلش عن الميه

بالتوفيق!!!!!!!!!!!!!!!!!!!!!!!!!!!!!

**النوبي** · 12-06-2009 12:07 PM

والله حضرتك ممكن تشوفي اي حد من قرايبك معارفك او معرفه حد قريبك واديله موصلاته وعرقه وهو هيخلصها
انا معايا واحد صاحبي كان مرور القاهره وحول العربيه مرور الاقصر وشفناله واحد معرفه ((ملوش علاقه بالمرور خالص)) سافر مخصوص واخد الرخصه معاه وطلعله شهاده المخلفات(( في يومين )) لان السفر من الاقصر للقاهره من 9 الي 12 ساعه بالقطار حسب الظروف وخلصاله وهو في بيتهم وقبض 200 جنيه زي الفل ولا راح ولا جه ولا حر ولا قرف ولا اي حاجه

**MoToRiZeR** · 12-06-2009 02:50 PM

انا لي أصدقاء فلسطينيين في الجامعة بيروحوا من القاهرة لغزة بالعربية في 8 ساعات !

و 40 كيلو في ساعة دي طبعاَ مستحيلة .. متقلقيش حتي لو إضطريتي تروحي هناك عمرها ما هتوصل 12 ساعة رايح جي علي بعض!

**pharonicking** · 12-06-2009 03:09 PM

انتى اشتريتى العربية دى ازاى؟

**dddddd** · 14-06-2009 06:04 PM

paronicking
اشتريت العربية عن طريق مكتب سيارات سمسار يعنى
ليه بقا صاحب العربية باعها فى طنطا معرفش
بس انا حاسة ان العربية دى فى حاجة او عليها مخالفات لانها نضيفة اوى اساسيات وشكل وكل حاجة ومفيهاش خربوش حتى وسعرها رخيص
جايباها باحداشر

**dddddd** · 21-06-2009 04:37 AM

سافرنا السبت الفجر الساعة اربعة
وصلنا العريش الساعة اتناشر
رحنا عن طريق السويس
وشهادة المخالفات بتطلع من العريش مش من رفح
لاقينا عليها مخالفات بمتين جنيه
والخزنة كانت قفلت بس لما الراجل لقا ان احنا من الغربية خد مننا الفلوس وخلصلنا الورق

اتمشينا شوية كدا فى العريش وكانت اول مرة اروحها معجبتنيش اسكندرية احلى منها علشان فيها فسح كتير لكن العريش مصيف بس
وكنت حاسة انها فاضية مفيهاش ناس
ورحنا راجعين تانى رجعنا عن طريق اسماعيلية

طريق اسماعيلية احلى من السويس
السويس كان كله صحرا وحر وكل شوية ناس يطلعولنا يقوللنا البطايق

هنام بقا كدا لمدة اسبوع علشان المشوار ده ولما اقوم ابقا اروح مرور الغربية استكمل بقيت العذاب