استفسار بخصوص رينو r5 السوبر سونك
من حيث قطع الغيار اسعارها و توافرها
و من حيث المكانيكية بتوعها
و شكراا
عرض للطباعة
استفسار بخصوص رينو r5 السوبر سونك
من حيث قطع الغيار اسعارها و توافرها
و من حيث المكانيكية بتوعها
و شكراا
ايهاب بيه شوف انتا عاوز ايه فى قطع الغيار و انهى ميكانيكى يناسبك طبعا حسب انتا ساكن فين و انتا تأمر و انا عليا الادلال و التنفيد
رئيس اتحاد رابطة الغلابة
محمد عادل
شكراا يا استاذ محمد اولا على الرد
بس انا كنت بسال علشان اشترى العربية ديه بس عايز اعرف ظروفها ايه من حيث قطع الغيار و المكانيكية
و انا ساكن فى النزهة الجديدة
شكراا على الرد
قطع الغيار موجودة عند ناس كتيير فى عين شمس وموجودة عند محل ميشيل فى جسر السويس والميكانيكية فى عين شمس كتيير
الف شكر يا استاذ باسم و شكراا على الرد
بس ممكن من حضرتك تفاصيل اكتر
اسعار قطع الغيار غالية ولا عادى
و كل حد اقوله يقولى بلاش الرينو و يخوفنى منها و ينصحونى بالبيجو 205
و لو امكن ممكن اعرف عيوب الرينو 5 و ابقى شاكر لحضرتك
و معلش طولت عليك بس اصل ديه اول مرة اشترى عربية و مليش خبرة فى العربيات
علشان ان شاء الله لو طلعت كويسة و عيوبها و مصاريفها مش كتير اتوكل على الله و اشتريها
بص ياباشا تقدر تقول انها عربية محترمة جدا و بالنسبة للمقارنة ب205 لا انا ارجح الرينو مع ان قطع غيار البيجو اكتر فى السوق و بالتالى ارخص بس مش ارخص كتير زى ما انتا فاكر غير ان البيجو 205 اللى انا ركبتها على سبيل المثال ماكانش فيها تكييف اما r5 مكيفة و عربية بتجرى و ثابتهة على الطريق و كلام استا> باسم ماشاء الله مظبوط جدا هتلاقى فى عين شمس قطع غيار كتير و ميكانية و انا اعرف حد ميكانيكى كويس و اوديك ليه لو حبيت و غير كده فى قطع غيار فى فم الخليج و فى فيصل و الوكالة طبعا و فى كل حته و بعدين هانحير نفسنا ليه اللى انتا عاوزه كلمنى و انا تحت آمرك فى اى حاجة ( الأمر لله طبعا )
رئيس اتحاد رابطة الغلابة
محمد عادل
شكراا يا استاذ محمد على الرد السريع و على صبرك
و على كلام حضرتك ان شاء الله اتوكل على الله و اشوف عربية
بس معلش اطول عليك
اخر استفسار هو مستوى سعر العربية تقريباا دلوقتى
ياباشا تؤمر فى اى حاجة بس بالنسبة للسعر بجد ابقى كداب لو قولتلك انى بجد اعرف بس علشان خاطر عيونك اسألك بس هاتستنانى يومين ممكن ؟
ولو عاوزنى انزل اعاين معاك تؤمرنى