الموضوع: شرح لوظيفة ثرموثتات الكوع

الهدف من ثرموثتات الكوع هو احتفاظ المحرك بحراراته بشكل منتظم دون انخفاض مفاجىء او ارتفاع مفاجىء
و ذلك يكون بغلق دورة المياه داخل المحرك يعنى بالبلدى بتخلى الميه تدور جوه الموتور بس و بالتالى الموتور بيسخن او بيحمى بسرعه مش بيطول و ده معناه اداء افضل و توفير استهلاك للبنزين
و فايده الثرموثتات انها لما تحس ان درجه المياه سخنت بتتدى تفتح البوابه و تعدى مقدار بسيط من الميه على حسب درجه السخونه داخل المحرك و ده معناه ان الميه البارده اللى جايه من الرادياتير مش هاتدخل دفعه واحده او مش هاتفضل داخله طول الوقت للموتور الثرموثتات هى اللى بتتحكم فى كميه المياه البادره التى بتدخل الموتور علشان يفضل الموتور دايما جواه ماء لا هو بارد و لا ساخن جدا بيكون ماء دافىء يسمح للمحرك بأن يظل فى درجة الحراره الثابته لأفضل اداء و افضل استهلاك
اللى بيحصل للى بيشيلو الثرموثتات ايه ..
بيحصل ان الموتور بيضطر يسخن دورة المياه بالكامل يعنى الميه تفضل تعدى على الرادياتير و تتبرد و تخش الموتور و هو سخن فيسخنها شويه و تطلع منه تروح للرادياتير تانى تتبرد و هكذا دوره كامله و بالتالى ده بيخلى الوصول لدرجة الإحماء بطيئه لأن الموتور كده لازم يسخن كل الميه الموجوده فى الدوره علشان يبتدى هو كمان يوصل لدرجه الحراره المناسبه
و بيحصل كمان ان الموتور درجه حراراته ماتكونش ثابته يعنى تطلع بسرعة و تنزل بسرعه يا إما على 90 يا إما على 70 و يمكن اقل و يمكن اكتر لكن المؤشر مش بيفضل ثابت ما بين 90 و 80 ابدا
و دى الدرجه الصحيحه لعمل الموتور بأفضل اداء
و ده سببه ان الميه داخله خارجه على الموتور بدون تنظيم

ملحوظه بالنسبه لقراءه الحراره فى التابلوه دى بتكون من ثرموثتات اخرى اسمها صوباع الحراراه غالبا بتكون راكبه فى نفس المكان اللى فيه ثرموثتات الكوع و الصوباع ده مالوش اى علاقه بدورة التبريد ده مجرد حساس حرارى او ترموميتر حرارى يقيس فقط درجه الحراره ليستطيع اظهراها على التابلوه كمعلومه لقائد السياره