ارتفاع عدد ضحايا حادث الشرقية الى 19 قتيلا و21 مصابا

ارتفع عدد الضحايا فى حادث التصادم الذى وقع على طريق بلبيس العاشر من رمضان بمحافظة الشرقية الى 19 جثة وإصابة 21 أخرين فى التصادم الذى وقع بين سيارة نقل رقم 1589 نقل الشرقية والاتوبيس 2717 التابع لشركة سيكم.ومن بين الضحايا الذين تم التعرف عليهم وجيه السيد وعلى محمد ومحمد جميل والسيد محمد وأحمد حسن ومحمد عبد الله ومحمد عبد الحميد وهانى السيد وحسين حامد وهانى محمد وحسن عبد الرحمن ومحمد أحمد ومحمد شحاتة ومحمد حسن وعبد الحميد غريب ومحمد نبيل ومحمد عثمان ومحمد سعيد ومحمود محسن بالاضافة إلى عدد من الجثث مجهولة الهوية.
وكان طريق بلبيس - العاشر من رمضان قد شهد مأساة جديدة حيث لقي حيث وقع حادث تصادم مينى باص بسيارة نقل ثقيلة.

مصرع 19

وينتمي جميع القتلى والمصابين لشركة (سيكم) حيث كانوا فى طريقهم الى عملهم صباحا مستقلين أتوبيس الشركة وأثناء سيره اصطدم به سيارة نقل.
تم نقل الجثث والمصابين إلى مستشفيات الزقازيق وبلبيس، وقام المحافظ يحيى عبد المجيد محافظ الشرقية بزيارتهم فى المستشفى.
من ناحية اخرى نفت شركة سيكم تبعية الاتوبيس الذي تعرض للحادث لها.
وقالت شيماء الموريجي مسئولة العلاقات العامة بالشركة ان الاتوبيس لا يتبع سيكم وان احدا من العاملين بالشركة لم يتعرض لأى حادث بعربات النقل الخاصة بها

مصراوي

ربنا يرحمهم جميعا ويصبر اهلهم
شكرا على الموضوع يا استاذ ميدو

الشركة يتنفى علشان طبعا مش مامنة على العاملين بها
حسبى الله ونعم الوكيل فيكى يا بلد ونظامك
الدم بقى رخيص قوى
ربنا يرحمهم
فين بقى الناس اللى بتموت نفسها عياط لما حد من الشعب يحصله حاجة شعب منافق بالفطرة والبقية بيحاولو يمشوا جوا الحيطة بس مش سيبنهم فى حالهم
وفين الناس بتوا قانون المرور العبيط مبيشتغالش اللى فى المناطق اللى فيها فلوس علشان نشجع النهب والسرقة

لا حول ولا قوة الا بالله

ربنا يصبرنا

أولا ربنا يرحم الناس اللي ماتت .
و دم الناس اللي ماتت دي في رقبة الناس دي :
بتوع المرور اللي سايبين سواقين مصر يبرطعوا و يقتلوا في بعض .
السواقين بتوع النقل و الأتوبيس و الميكروباظ و النص نقل عايزين الأعدام في ميدان عام و سواقتهم زي الزفت و يأخدوا معاهم سواقة الشباب المنيل اللي فاكر نفسه بيسابق على حلبة سباق .
-------------------------

سايبين سبب المشكلة الأساسية و هي القيادة المتهورة جدا جدا من أغلب سواقين مصر خصوصا سواقين الأتوبيسات و سواقين الميكروباظ و النص نقل .

و النتيجة
أموات على اموات و قتلى يوميا و مفيش حد بيتعلم .
و كل يقولك ............. سيبها على الله
و أنا بقول للناس ....... الله سينتقم منكم أشد أنتقام للتواكل و التهور و قتل الأبرياء .

و حسبي الله و نعم الوكيل في كل من هو سبب في هذه الأرقام من المصريين الذيين يموتون يوميا على الطرق .

ربنا يرحمنا ويرحمهم

ربنا يرحمهم جميعا

الله يرحمهم برحمة واسعة من عنده ويصبر أهلهم ويارب يحاسبوا المسؤول عن الحادث ولا حول ولاقوة الا بالله

سواقين النقل فعلا عندنا يا جماعة في الشرقية

ناس مش كويسة وفي منتهى قلة الذوق