اعمل ايه في صاحب الجراش ابن ال ....
حاجه بجد تنرفز وتخنق وووووو يعني فوتها مره تقوم تحصل تاني ؟؟؟؟؟ :_Alshmokh08[1]:
الحكايه يا جماعه ان فيه جراش في شارعنا ... من كام شهر ماكنتش لاقي ولا خرم ابره اركن فيه ... قمت ركنت قدام الجراش ( طبعا مش قدام البوابه لكن عالناحيه التانيه ) وبيني بين الجراش عرض الشارع كله ... يعني اي عربيه هتركن او تطلع من الجراش مش هضايقها .
نزلت تاني يوم لقيت خبطه محترمه في الباب ماتصلحتش غير عالسخن واضطريت ارش الباب كمان
طبعا انا شكيت ان حد من الجراش اللي عمل فيا كده عشان احرم اركن هناك تاني ... كلمت الراجل اللي هناك رد عليا بكل ذوق قالي لا والله معرفش وربنا يعوض عليك وماحدش بيركن عندي غير عربيه واحده بس ... قلت خلاص وفوتها ما انا مش عايز اظلم حد ماشوفتوش متلبس :Copy of majd(4):
النهارده حصل نفس الموقف ونفس الخبطه بنفس الطريقه وكإن المشهد بيتعاد !!!!
الصراحه مش عارف اتصرف ازاي ؟؟؟؟ يعني هي الحكايه بلطجه ؟؟؟؟ انا متنرفز جدا وعايز حقي والخبطه مالهاش تفسير تاني ... اللي داخل في الباب ده مش واحد ماشي في الشارع ده واحد خارج من الجراش ماتجيش غير كده :dontudear:
يا جماعه والنبي حد يشور عليا ويقولي اعمل ايه في ولاد ال... يعني انزل ازعق ولا اعملهم محضر ولا نمشي بقانون الغابه بقى واولعله في الجراش :khd:
طيب انا بقى مش هركن غير في الحته دي ... وابقى اخبطها تاني :049:
معلش طولت عليكم