هام ومحتاج وقفة - أيه حكاية الاسكترا فى البروتون ؟؟؟

**mangere90** · 10-06-2009 01:45 AM

السلام عليكم ورحمة الله وبركاته

انا معايا عربيتي بروتون جين 2 2009 و الحمد لله مفيش الصوت ده وانا من السويس وما أدراك بمطبات السويس
وما لاحظتش الصوت ده خالص وانا الحمدلله ذو خبره في السواقه
انا كنت بحسب حضرتك في الأول بتكلم علي التخبيط اللي بيحصل لما تجيب اخر الدركسيون وهو ده اللي مدايئني فعلا
و أخبرتهم في التوكيل وقالولي ان كل البروتون كده بس ليه مايوجدوش حل انا متهيألي حلها بسيط جدا لو اضافو مصدات
جلد هاتروح .....

بس علي العموم الحمدلله علي كده وربنا يدمها نعمه ويحفظها من الزوال

**mangere90** · 10-06-2009 02:15 AM

السلام عليكم ورحمة الله وبركاته

انا عربيتي بروتون جين2 2009 و الحمدلله ماعنديش الصوت ده , و أنا من السويس و مأدراك بمطبات السويس تبين
لو في عيب في عفشة مرسيدس ههههههههههه .
انا كنت بفتكر حضرتك بتكلم علي اخر منتهي الدركسيون شمال او يمين بتسمع صوت تخبيط هو ده اللي مدايئني فعلا
و أنا قولتلهم في التوكيل عليه قالولي ان كل البروتون كده مع اني انا شايف الحل بسيط جدا لو اضافو مصدات جلد هايروح
التخبيط !!!!!!!!!!!!!!!

بس علي العموم الحمدلله علي هذه النعمه و ربنا يحفظها من الزوال

**M.almaghraby** · 10-06-2009 10:44 AM

الحمد لله يا جدعان مش عندي الصوت دا

**mohamed_sabry** · 10-06-2009 12:14 PM

المشاركة الأصلية كتبت بواسطة amecath

شكرا محمد باشا
وياريت لو ينفع اقابل سيدتك واخد نسخة من المستند ده لو امكن
علشان اتوجه بالمشكلة للتوكيل مع زميلى الى عندهم نفس المشكلة ويكون معانا ورق سيدتك كا تعزيز للموضوع و شكرا لردك مرة ثانية

لا شكر على واجب صديقى العزيز , و انا مش معايا مستند بالمعنى الحرفى للكلمة , انما ورق اتمام الصيانة اللى باخده لما باروح ادفع مصاريف الصيانة , و هو مكتوب فيه تغيير علبة دركسيون و بس , و ده مش هاينفع معاك بشئ لانهم لو مش عاوزين يغيروهالك هايقولوا ان دى حالة مختلفة اكيد .

انما من غير مستندات ولا يحزنون تقدر حضرتك تروح التوكيل و تدخل للمهندس امر الكوافى و هو هايحل مشكلتك , بصراحة الناس فى التوكيل كويسة قوى قوى و محترمين , و مش بيأخروا اى حاجة مادام معروف ان ده عيب صناعة , انما العيب الاساسى فى التوكيل هو عدم توافر قطع الغيار بصفة دائمة او حتى على فترات متقاربة .

**MohabSaeed** · 10-06-2009 05:35 PM

هو العيب ده ظهر فى الجين و البيرسونا كمان !!!

العيب ده عندى فى الواجا و فعلا قريت كلام ان العيب بسبب خراطيم زيت الباور فى الواجا تحديدا , بس كده واضح ان ديه مشكله عامله عندهم سببها المورد نفسه شركه " kyb " لان العيب ظهر فى اكتر من موديل .

للاسف انا طلعت من الضمان " 85000 كيلو " ف مش حينفع اطالب بتغيرها " بالرغم من ده عيب صناعه شائع و المفروض مالوش علاقه بالضمان "بدليل انه ظهر فى اكتر من عربيه فى اكتر من موديل و سالت على سعرها كان 4350 جنيه ف طبعا مش حغيرها , ربنا يسهل انا سمعت ان الماليزين جاين التوكيل الفتره الجايه ... لو كده ممكن نتجمع و نشوف حل للمشكله ديه .

**Osama.shihata** · 10-06-2009 05:46 PM

المشاركة الأصلية كتبت بواسطة mohabsaeed

هو العيب ده ظهر فى الجين و البيرسونا كمان !!!

العيب ده عندى فى الواجا و فعلا قريت كلام ان العيب بسبب خراطيم زيت الباور فى الواجا تحديدا , بس كده واضح ان ديه مشكله عامله عندهم سببها المورد نفسه شركه " kyb " لان العيب ظهر فى اكتر من موديل .

للاسف انا طلعت من الضمان " 85000 كيلو " ف مش حينفع اطالب بتغيرها " بالرغم من ده عيب صناعه شائع و المفروض مالوش علاقه بالضمان "بدليل انه ظهر فى اكتر من عربيه فى اكتر من موديل و سالت على سعرها كان 4350 جنيه

ف طبعا مش حغيرها , ربنا يسهل انا سمعت ان الماليزين جاين التوكيل الفتره الجايه ... لو كده ممكن نتجمع و نشوف حل للمشكله ديه .

شكرا جدا جدا لمشاركتك ا :مهاب
وواضح انى هقدم طلب الى مهندس امر لمناقشة هذا العيب الفنى فى التصنيع
واحب اوضح للزملاء الى فى المنتدى ان الصوت ده ملوش اى دعوة باداء العربية يعنى مش ماثر على اى حاجة فى العفشة نهائيا مجرد صوت بس اكيد مش صح يصدر اى صوت
لان السيارات الى ظهر فيها عيب الصناعة دى مختلفة كمان جين 2 وبيرسونا وكمان الواجا
على اى حال
ان شاء الله التقرير الى هنزله هيكون للمهندس امر شخصيا وهبعتهوله على ايميله الشخصى وهو فعلا راجل محترم وبيسمع المشكلة وبيساعد فى حلها انا قبلته شخصيا قبل كدة وفعلا راجل محترم
وربنا المعين

**meramor81** · 10-06-2009 06:21 PM

العيب ده انا ذكرته فى مشاركه امبارح وبالفعل هايغيروا لنا علبه الدريكسيون اللى هى الكلوك سبرينج بس المهندس امر الكوافى قال لوالدى انه هايجلهم من ماليزيا على اول شهر 7 بس اللى عوزة اعرفه هل وجود مشكله فى علبه الدريكسيون
ده خطرعلى العربيه ؟

**Osama.shihata** · 10-06-2009 06:35 PM

المشاركة الأصلية كتبت بواسطة meramor81

العيب ده انا ذكرته فى مشاركه امبارح وبالفعل هايغيروا لنا علبه الدريكسيون اللى هى الكلوك سبرينج بس المهندس امر الكوافى قال لوالدى انه هايجلهم من ماليزيا على اول شهر 7 بس اللى عوزة اعرفه هل وجود مشكله فى علبه الدريكسيون
ده خطرعلى العربيه ؟

استاذتى الفاضلة
عايز اوضح لحضرتيك ان التزييق الى موجود فى الردكسيون الى عند والد حضرتيك محتاج كلوك اسبرينج وده كويل تحت الدركسيون بيلم الاسلاك فقط وملوش دعوة خالص بعلب الدكسيون علبة الدركسيون دى تحت فى العفشة واسمها الاسكترا وشكرا للمشاركة

**momenhamdy** · 10-06-2009 07:30 PM

المشاركة الأصلية كتبت بواسطة amecath

ان الصوت ده ملوش اى دعوة باداء العربية يعنى مش ماثر على اى حاجة فى العفشة نهائيا مجرد صوت بس اكيد مش صح يصدر اى صوت
لان السيارات الى ظهر فيها عيب الصناعة دى مختلفة كمان جين 2 وبيرسونا وكمان الواجا

استاذ اسامة
خلي بال حضرتك ان انظمه التعليق في الواجا هي هي الي في الجين 2 هي هي الي في البيرسونا

يعني لو العيب في الجين 2 حيكون في الواجا او البيرسونا

و لكن انا عندي وجه نظر اخري للموضوع دا ..... احنا اتفقنا ان الموضوع ملوش اي تأثير علي انظمه التعليق او علبه الدريكسيون تمام
و ان الموضوع دا ظهر او اكتشفناه ( لانه موجود بالفعل ) بسبب تصميم خراطيم زيت الباور
بمعني ذلك ان احنا مفروض منقولش علي هذا الصوت و كأنه عيب في العربيه ( و لكن عيب في تصميم خراطيم زيت الباور مما يؤدي لظهور الصوت ) لانه غير موثر علي كفائه العربيه في تحريك الدريكسيون او لم يظهر ثقل وخلافه .... مما يؤدي الي عيييييييب لان لو حضرتك تاخد بالك الصوت مش بيظهر غير مع اختلاف في الاسفلت او ما شابه ذلك و بالتقريب لازم العربيه تكون علي سرعه منخفظه علشان نقدر نحدد الصوت دا

طب السؤال جاي هل لو الواحد غير علبه الدريكسيون ( الاسكاترا بالكامل ) في الضمان هل الصوت مش حيظهر تاني طب ازاي !!!!
اذا كان الاستاذ مهاب اكد انوا من خراطيم زيت الباور فهل دا معناه ان الاسكاترا حتتغير مع كل وصلات زيت الباور و لا ايه ؟؟؟!!!

ياريت اعرف وجه نظرك في النقطه دي

وتقبل تحياتي

**MohabSaeed** · 11-06-2009 02:07 AM

المشاركة الأصلية كتبت بواسطة amecath

شكرا جدا جدا لمشاركتك ا :مهاب
وواضح انى هقدم طلب الى مهندس امر لمناقشة هذا العيب الفنى فى التصنيع
واحب اوضح للزملاء الى فى المنتدى ان الصوت ده ملوش اى دعوة باداء العربية يعنى مش ماثر على اى حاجة فى العفشة نهائيا مجرد صوت بس اكيد مش صح يصدر اى صوت
لان السيارات الى ظهر فيها عيب الصناعة دى مختلفة كمان جين 2 وبيرسونا وكمان الواجا
على اى حال
ان شاء الله التقرير الى هنزله هيكون للمهندس امر شخصيا وهبعتهوله على ايميله الشخصى وهو فعلا راجل محترم وبيسمع المشكلة وبيساعد فى حلها انا قبلته شخصيا قبل كدة وفعلا راجل محترم
وربنا المعين

انا الى بشكرك يا استاذ اسامه على الموضوع , المشكله ديه عندى من ساعه ماجبت العربيه يوزد من سنه و نص تقريبا ....

بس عاوز استوضح من ك شى مهم ... صوت التخبيط ده ف بيطلع عندك من علبه الدركسيون من تحت , ولا الصوت بيطلع من طاره الدركسيون نفسها " فى هيئه صوت نقر " ؟

تأكيدا على كلامك المهندس امر هو فعلا انسان محترم جدا و زوق جدا , كنت كلمته فى مشكله عندى فى الواجا و هى مشكله شائعه برده لكن فى الواجا بس ..." افايز الكاوتش لعلبه الدركسيون -- حاجه تمنها 16 جنيه فى التوكيل --

" و حسيت منه اجابيه كبيره فى الموضوع و هو حتى عارف المشكله اساسا و عارف اعراضها و فهمت وجهة نظره انه مايقدرش يجيب حاجه من شركات او مصانه عير المصره بيها من بروتون ماليزيا و يكون عليها بادج بروتون . و اتفقنا انى حودى العربيه التوكيل لما المهندسين الماليزين يجو التوكيل و يكشفو على القطعه ديه و يشوفلها حل او على الاقل يغيرو المورد الى بيجيبو منه القطعه ديه و قولتله على اسم مورد " فى استراليا " بيصنع نفس القطعه للواجا , لعل و عسى ربنا يهدى المالزين و يغيروها او على الاقل يوفروها لينا فى التوكيل بدل القطعه الحاليه .

المشاركة الأصلية كتبت بواسطة meramor81

العيب ده انا ذكرته فى مشاركه امبارح وبالفعل هايغيروا لنا علبه الدريكسيون اللى هى الكلوك سبرينج بس المهندس امر الكوافى قال لوالدى انه هايجلهم من ماليزيا على اول شهر 7 بس اللى عوزة اعرفه هل وجود مشكله فى علبه الدريكسيون
ده خطرعلى العربيه ؟

زى ما استاذ احمد قال فعلا الكلوك سبرينك غير مؤثره على اداء العربيه من ناحيه الاتزان و التحكم لانها ملهاش علاقه بالعفشه و مافيش خوف من المشى بالعربيه .
و ديه صورتها

بوظانها ممكن يأدى الى صوت تخبيط او تزيق .. تعطل و ظائف زراير المالتى فانكشن او الكلاكس , او فى اسواء الاحوال تعطل الوساده الهوائيه .

بس هى غالبا المشكله مابتوصلش للدرجه ديه و بتبقى تزيق او نقر بس .

المشاركة الأصلية كتبت بواسطة momenhamdy

استاذ اسامة

اذا كان الاستاذ مهاب اكد انوا من خراطيم زيت الباور فهل دا معناه ان الاسكاترا حتتغير مع كل وصلات زيت الباور و لا ايه ؟؟؟!!!

ياريت اعرف وجه نظرك في النقطه دي

وتقبل تحياتي

انا مأكدتش يا باشمهندس مؤمن ... انا بس قريت الموضوع على النت فى منتدى ماليزى ....لو كنت عرفت حل جذرى للمشكله كنت عملته , حتى انى كلمت ناس فى التوكيل و برده مايعرفوش حل اكيد

.

انا سمعت كلام كتير ... ان الصوت ده عيب فى تصميم الخراطيم , عيب فى الكلوك سبرينج , عيب فى علبه الدركسون كلها .......

الموضوع: هام ومحتاج وقفة - أيه حكاية الاسكترا فى البروتون ؟؟؟

LinkBack

أدوات الموضوع

عرض

-

-

-

-

المواضيع المتشابهه

صوت زنة من الاسكترا

ملاك البروتون ساجا افيدونى ,,, ورودا قسم البروتون ...!!

عايز أشترى مازدا 3 ومحتاج شوية معلومات عنها ومحتاج مساعدة الوحوش

حشو الاسكترا

الكلمات الدلالية لهذا الموضوع

المفضلات

المفضلات

ضوابط المشاركة