حددت انهى لون ؟؟؟
عرض للطباعة
حددت انهى لون ؟؟؟
إن شاء الله أبيض والدواخل سوده وفرش جلد اسود .. وإن شاء الله افيمها تفييم خفيف ... مع فتحة السقف والفوانيس الكربون السوده ... كده زي الفل والحمد لله على فضله ...
وألف شكر على تعبكم ...وادعولي ربنا يتممها واستلم على خير ...
رنا يباركلك فيها يا رب
و ماتنساش توريهالي ...احنا ما تقابلناش لسه
و ادعلي اوريلك السيراتو انا كمان
انت حاجز 2010 ؟
خد نصيحة اخوك سعداوى وهات ابيض بفرش جلد اسود (الانتريور اسود تحفة فى المازدا 3 )
ويا سلام لو هاتش (السيدان حلو بردوو )
http://memimage.cardomain.com/ride_i...0029_large.jpg
حبيب قلبي سعداوي .... انت فين يا عم ... خلاص اخوك استقر وأخيرا على وشك الأستلام ، طبعا أنا عارف انك بتقول في نفسك يا رب يستلم بقه قبل ما يرجع في كلامه :36_1_1[1]: ، بس اطمن يا باشا ان شاء الله ده آخر كلام والأستلام يوم الأحد ان شاء الله ، ادعيلي استلم على خير وميكونش فيه اي مفاجئات ،
مع خالص تحياتي
تستلم على خير إنشاء الله و كلو يبقى تمام ... بس هو حضرتك جايبها من سونستا؟؟علشان أنا استلمتها بعد الحجز بيوم معرفش ازاي ...على عمم ربنا يبركلك فيها وإنشاء الله تستلم على خير .. هتعجبك أوي وهتحبهة أكتر بكتير بعد متسوقهة إسأل مجرب أنا متعتي أعد أبص عليها من الشباك د لو أنا مش ركبها :36_1_1[1]:
أنا جايبها من مستورد بيجيب من الخليج مباشرة ... واستنيت فترة بعد الحجز عشان أنا حاجز الفولي لودد اللي بفرش جلد ومثبت سرعة وشوية حجات زيادة عن الأيرو ودي بتيجي بالطلب ، وان شاء الله هيدخلهالي ضمان سمارت كار ..، وربنا يا باشا يباركلك في مازدتك ويحفظهالك ، على فكره أنا بردو بعشقها ومستنيها بفروغ الصبر ، وبيني وبينك خايف عليها قوي من الحسد ، بفكر اشتري عربية صغيرة امشي بيها وأجر جراش احط فيه المازدا وكل يوم اروح اقعد اتفرج عليها شوية واقفل عليها تاني :36_1_1[1]:
يا باشا من عامل كدا مع فعلا بالنيسان :36_1_1[1]:..بس مشاء الله ربنا يحفظهلك أنا أول مرة أعرف إن فيه مازدا ٣ فيها مثبت سرعة في الخليج ....حتى علشان أنا بروح الكويت وبردو إلي في الكويت el-full مفهاش
أنا بردو على فكره مشوفتش مازدا3 لا بفرش جلد اصلي ولا مثبت سرعة وغالبا الكماليات دي منزلتش غير في 2009 ، وأنا حاجزها بالكماليات دي واعتقد أن صاحب المعرض عارف هوه بيستورد ايه ، ربنا يستر والله انا قلقان جداً ومستني اشوفها بعيني بفروغ الصبر :rfds: ، دعواتك
ممكن ياباشا تقولى رقم وعنوان التاجر دة لان انا كمان هنضم لوحوش المازدا 3 قريب
ما شاء الله العربية زى الفل وربنا يباركلك فيها ويكفيك شرها بس انا عاوزها لفة دا بعد اذنك طبعا ياباشا وياريت ما تنساش الحاجة الساقعة حلاوة العربية لما تستلم باذن الله
هاااااا ياسامح
طمنا استلمت ولا لسه
ألف شكر يا جماعة على اهتمامكم ،
أنا الحمد لله استلمت العربية ( ابيض فرش اسود بس للأسف مجاش جلد خالص فقلت مش مشكلة بقه وهبقىأروح سبار كار أظبط فرش جامد من هناك ) ومستني الورق عشان ارخص ( المفروض هيجي بعد اسبوع من الجمارك ) ، وإن شاء الله أعملكم موضوع تفصيلي ، بس انا مشغول اليومين دول جامد في الماستر بتاعي ، دعواتكم
مليون الف مبروك:coool:
الف مبروك يااااسامح وربنا يحفظك من كل سوء ويباركلك فى العربيه
محمد عز ، janjon1978 ، body ، bmw323
ربنا يا رب يبارك فيكم جميعا وميحرمنيش منكم ، وان شاء الله على آخر الأسبوع هكون فضيت شوية واعمل الموضوع اللي مستني اعمله من زمان " أخيرا اشتريت معشوقتي مازدا3 " ، وبجد أنا سعيد جدا الحمد لله بالعربية وان شاء الله ربنا يرزق كل واحد بما يتمناه
على فكرة انا كمان من الفيوم و معايا مازدا3 بردو
لو كدة نتقابل فى الفيوم انا بنزل اسبوعيا.
والله مجاش ولا واحدة فولي لودد ، وقالي منزلتش مصر اصلا قبل كده ، طبعا زعلت شوية منه وقلتله امال قلتلي هتيجي ليه بس عملت كام مكالمه واتاكدت فعلا من كلامه ، وبعدين قلت مش فارقه كتير وهي مليانة كماليات والفرش الأسود بتاعها تحفه حتى مستخسر اركبله فرش جلد وكل ما اقول لحد يقولي متركبش جلد عشان بيعرق واستمتع بفرش العربية الأصلي احسن ، ومش عارف والله بفكر اروح سبار كار واشوف اللي عندهم ، انت ايه رأيك ؟ وكمان يا ريت لو تعرف مكان بيعمل فاميه نضيف وخامة عالية ، تقولي عليه
وربنا يبارك فيك يا باشا ، وعقبالك لما تستقر على حاجه ان شاء الله
صديقي العزيز
والله فرحتلك بجد و مبسوط و أنا شايفك فرحان كده
يارب يتم فرحتك و تخلص ما جيستيرك على خير
و تتمتع بعربيتك و تشوفها فيها و بيها الخير في كل حته
و يرزقك دايما الرزق الطيب
.....
الفرش ..سيبه بلاش تحط عليها فرش جلد الا من عند احمد دوس و \هاتلاقيه غالي حبتين
الفيميه
شوف موضوع العازل الحراري ده يمكن يعجبك
و اتمنى اشوفك قريب
انا كمان استلمت على فكرة و مبسوووووووط جدا الحمد لله
الف مبروك يادكتور على السيراتو
mabro0oo0o0o00o0okkkkk alllllf mabr0ooo0o0kkk ya mazdawey ya gededdd .. .. rabenna yebreklak fehha insha2 allah ... kan 3andi so2al bs bel nesba lel jant beta3 el mazda el fel soora da mate3rafsh ay ma3lomat 3anno??? ma2aso w hal byetba3 menno f masr wala la2 ???