-
الله يبارك فيكم بصراحة مش عارف اقول ايه بصراحة عربية فوق الممتازة وفعلا ركبت فرش جلد بس بره التوكيل وفى التوكيل ركبت طقم ابنوس مثل الى فى السوبر صالون وجبت دواسات وغطاء خارجى.
ملحوظة :- الاوتوماتيك السوداء فرشها لونه بيج اما المنيوال فرشها لونه رمادى . والتابلوه اسود وفرش الباب اسود والسقف بيج والقوايم بيج رحت ركبت فرش بيج لون السقف تمام ودواسات بيج ومش عارف اقولكم ايه البيج مع الاسود حاجة جامدة جدا مع الابنوس رهيب.
اما العربية فلا كلام عليها هى افضل من لانسر وافضل واعلى لا بأس بها ابدا وسحب مشألله رغم انها فى التلين بس انا اساسا مبحبش الجرى معدتش ال 80 او 90 بس التجميع هايل بس عملت غلطة مش عارف غلطة ولا لا حطيت بنزين 90 ونسيت هل من مشاكل. ولا مرة وعدت بس انشألله 92 على طول.
وربنا يسترها معانا ومعاكم اخوكم حمو من الاسكندرية hamonosha@yahoo.com
العربية فخمة وفارهة ومش كبيرة بغباء مثل الكرولافى الطول هى وكرولا واحد اما الكرولا اعرض سنة بسيطة واعلى سنة بسيطة .
انا من ساعة ما استلمتها وانا ما بانامش يا اما سايق يا اما واقف بحرسها بليل واللون الاسود مع البيج تحفية فنية بجد وخاصة لو اسود وبيج .
مقاس العجل طبعا 15. وده عطيها اتزان رهيب .
اما الارتفاع فهى اعلى من لانسر طبعا وخاصة لو فيه 4 راكبين.
اما بالنسبة لثمنها موديل 2008 مانيوال 85,900
لو حجزت على السعر الحالى سيكون بمثابة عقد لا يستطيع اى احد التغير فيه و حتى لو زادت مليون جنيه انا سألت فى الصالة وقالوا كده الحق واحجز علشان الحلو مهره غالى.
عربية لو قعدت احكى عنها سنين طويلة مش هوفيها حقها ده من اول 5 ايام امال لو قعدت شوية بقى هنقول ايه.
لا تقولى لانسر ولا كرولا دول مغرورين بعربياتهم وفاكريين ان مفيش غيرهم فى السوق وعامليين يغلو على ايه معرفش بس فى الغالب على خيبتهم لأن النيسان احسن منهم الف مرة ولو اشتريت حاجة تانية تبقى غلطان.
عربية فوق النمرة 1 بسعر يعتبر خيالى تسلم مصر والتقفيل المصرى الى هو احلى من اليابانى.
-
اخيرا حمو اقتنع بعد ما طلع عينينا الشهر اللي فات
انا بهزر
اهلا بيك في اي وقت و ربنا يباركلك فيها
-
الف مبروك يا حمو باشا و عقبالى يارب
انا فعلا مشتاق و زاد إشتيافى للعربية
وفعلا لو عربية غامقة الفرش يفضل يكون فاتح والعكس برضة صحيح
و الف مليون مبروك يا حمو
-
الف مبروك يا حمو في رابطة الصني
ربنا يديك خيرها ويكفيك شرها
علي فكرة اداء العربية بيتحسن جدا بعد التليين وكمان اكتر بعد ال10000 الاولي
-
الله يبارك فيكم بس بجد عربية جميلة فى كل حاجة . مش هتكلم كتير لازم تجربوا بنفسكم انا كنت بسمع كتير وكتر السؤال يخلى الواحد محتار ويصبح منزعج جدا بس الاختار كان صائب جدا فى النيسان بجد بالنسبة لى و بدون زعل افضل سيارة يابانى.
وعقبال الى حاجز يستلم والى عنده عربية غير الصنى يلحق يبيعها بسرعة ويجرب الصنى.
ربنا يكفينا ويكفيكم شر الطريق
-
كلامك معظمه صح العربية فعلا كويسة جدا وفى وجهة نظرى احسن من لانسر بس علشان الامانة لانسر اعلى منها الصنى واطية وبتحك فى المطبات ولو معاك اربعة يبقى مفيش مطب مش هتحك فيه انما لانسر لآ انا معايا الصنى من 8 شهور وجربت كل انواع المطبات
-
والله العربية مش واطية قوى ومش عالية قوى الطبيعى بتاع العربيات الكويسة امال لوشفت البى ام دبليو والمرسيدس هتقول ايه الى مش طبيعى هو شوارعنا فى منتهى الاهمال كلها مطبات وده طبيعى فى بلد من العالم الثالث . بلد عايزة ال ........... ولا ملوش لزوم اكيد انتم عارفيين ردى وقصدى كويس قوى لان ده رأى الشعب. وكفاية كده.... وسلملى على التروماى.
-
-
استلمت اخيرا يا جماعة بعد صراعات مريرة مع مودرن زفت
بجد عربية تحفة اول حاجة لاحظتها و كنت خايف منها
العربية مش ناشفة ولا حاجة فى المطبات مش عارف يمكن اتعدلت او انا اصلا متعود من العربية الاكسنت اللى كانت معايا قبلها :D :D
الحمد للة إختيار موفق إن شاء اللة
-
Content Relevant URLs by
vBSEO 3.6.0 PL2