-
قطع غيار للـ بولـو 99
أفيدوني أفادكم الله
بمناسبة الصيف والسفر :B4_033:
عايز اظبط العربية وأطمن عليها
ف عايز أجيب طقم فلاتر ( بنزين - هواء - تكييف - زيت )
طقم سيور ( كاتينة - دينامو - تكييف )
ف رأيكم اجيبهم من عند مين ؟؟؟
وياترى حد عنده فكرة الأسعار ايه ؟؟:rfds:
وتفتكروا إيه تاني ممكن يتغير علشان أسافر وأنا مطمن ؟؟؟
-
بص ياسيدى عندك أشرف الشهابى وعندك أشرف سمير
فلتر البنزين ب 70
فلتر الزيت 45
فلتر هوا فى حدود 60 بقالى فتره مغيرتوش وهات الفرنساوى ولو هتجيب من الشهابى هيديك الأصلى
فلتر تكييف فحدود 70 أو 90 جنيه
بوجيهات 60
وفى 85 دى بتعض 35 ألف
سير الكاتينه ب 90 جنيه ودا بوش من عند أشرف سمير
الدينمو والتكييف واحد وهيعمل فى حدود 60 تقريبا مش فاكر سعرو أوى
وأظبط زوايا وهواء وفول عربيتك وأتكل على الله وسافر وأنت مطمن
وطبعا هتغير زيت مادام هتغير فلتر وأكشف على زيت الفتيس ويفضل تغييره فى بدايه الصيف وبدايه الشتاء
أى خدمه ياحج محمد عدانى العيب أهو
-
لأ لسه يا باشا
مانا قلت لك
هاتعمل حسابك تنزل معايا نجيب الحاجات دي ولا ايه !!!!!
-
وبعدين يا أبو حميد
أنا احترت في موضوع الزيت جدا جدا
أحط موبيل 1 ولا موبيل hp اللي هو 5000
في الورشة بتاعت فولكس ماستر قالولي ان موبيل 5000 ده نفس رقم اللزوجة اللي مكتوب في كاتالوج العربيةوأنا عايز أجرب موبيل 1 علشان أريح دماغي 10.000 كم
رأيك ايه ؟؟؟؟؟؟؟؟؟
وكمان زيت الفيتيس رأيك أجيبه أيه ؟؟؟
-
هتجيب زيت فتيس موبيل 90
موضوع زيت الموتور دا حسب ما العربيه متعوده
مستنيك تقولى أنا عايزك معايا
-
[marq="3;right;2;alternate"]ألف شكر يا باشا
هاأكلمك قريب[/marq]
-
ماتشيل الصوره اللى بتحنسنا فى التوقيع دى ياعم الواحد جتتو مش خلاصانه
-
زيت إسو 80 - 90
أفضل من زيت موبيل
بالنسبة للفتيس طبعاً
-
إمبارح روحت للشهابي
وقابلت المهندس أشرف (شخصية محترمة وفاهمة جدا) وجبت من عند الحاجات دي بلأسعار دي :
تيل فرامل ate أمامي = 285.00
فلتر هواء = 50.00
فلتر بنزين = 75.00
فلتر زيت = 45.00
فلتر تكييف = 70.00
سير كاتينة = 95.00
سير دينامو وتكييف = 70.00
وعمل معايا واجب في علبة زيت فرامل أوريجينال ألماني بـ 30 جم
وغيرت في الورشة بلية شداد كاتينة ( 250 جم ) وبلية دينامو ( 150 جم إستيراد )
والحمد لله العربية فرقت 180 درجة
بس في صوت زنة ناحية سير الكاتينة .. فهل ده طبيعي بعد التغيير ؟؟؟؟؟؟؟
-
صوت الزنه ده يبقى التقسيمه مخالفه شويه يأما عشان لسه السير جديد ومشدود لما يطرى شويه ممكن تروح
بليه الدينمو كدا غاليه فشخ ياميدو
بليه الشداد أدوهالك جديده ولا أستيراد
لأن بردو سعرها مأفور شويه
Content Relevant URLs by
vBSEO 3.6.0 PL2