الموضوع: ليه استهلاك البنزين زاد

اكرمك الله يا بشمهندس و جزاك كل خير علي مجهودك و ان شاء الله بكرة اجيب الكود بتاع العطل

ايوة يا بشمهندس بعد ما عملت الاسكانر طلع العيب من حساس العادم و حاليا المختص بالمركز فصل الفيشة بتاعته و العربية حاسس انها اتظبطت و بقي مفيش دخان اسود الا بسيط اوي و طبعا هشتري حساس تاني باذن الله بس هو سؤال هل ممكن الواحد يجيب الحساس ده استيراد و لا لازم يكون جديد

خليك فى الجديد أحسن..............

الف شكر يا بشمهندس

بس ليه مسألتوش على رقم الكود بتاع العطل المختزن .....كنت أكتبلنا الأكواد اللى طلعت على الأسكانر

و الله يا بشمهندس اللي عملت عنده الاسكانر اول مرة اتعامل معاه و هو كويس بس صعب تاخد منه اي معلومة زيادة . كلامه قليل خالص . المهم حاجة تانية يا بشمهندس و هي اني لما سألت علي الحساس لقيته هييجي كمان 3 ايام المهم طبعا الان انا فاصل الحساس القديم و حاليا العربية تمام من حيث الدخان و السحب لكن لسه لمبة التشك بتنور بعد فترة هل ده ممكن يكون بسبب ان الحساس مفصول و لا يكون فيه حاجة تانية

لكن لسه لمبة التشك بتنور بعد فترة هل ده ممكن يكون بسبب ان الحساس مفصول و لا يكون فيه حاجة تانية

ده أحتمال ..........وأحتمال فيه حاجه تانيه منوره اللمبه ......والمفروض كان يقولك على أرقام آخر الأكواد المختزنه داخل ذاكرة وحدة التحكم .....لأن كل حساس وليه أكواده بأرقامها ...................وأدى مثل لكود خاص بحساس الماب (p1107 لما بتكون أشارة الحساس موديه أشارة فولت ضعيف وأقل من المقنن .....وده بيخللى العربيه ماتسحبش كويس )...........وبكده الحساس بيكون مش شغال بكفاءه لأى سبب من الأسباب ( مسدود - الخرطوم بتاع الأشاره مسدود _ عيب توصيلات كهربيه وهكذا ) وفى الحاله دى بنغير الحساس ونجرب بالجديد .........لأن ممكن يكون فيه عيب برضه فى دايرته الألكترونيه .....وده ملوش علاج غير تغييره ............