الموضوع: لــــــــــيــــــــــه كــــــــــــــده !!؟؟!!؟؟!!

المشاركة الأصلية كتبت بواسطة elassar2010

الاعلانات دى كلها نصب ودى حاجة معروفة من زمان لازم يبيع الى 1جنية ب100جنية علشان يكسب لان الاعلان فى التلفزيون بيتحسب بالدقيقة
العيب على اصحاب القنوات الى عاملة متدينة لانهم اكيد عارفين الموضوع وبرضة الشيوخ لانهم وافقوا يطلعوا فى قناة بتسهل النصب على الناس يعنى هما شركاء معاهم

المشاركة الأصلية كتبت بواسطة نور القمر

كل البضائع موجودة في كل مكان في مصر
مفيش افضل من الواحد ينزل سوق لاي بضاعه ويعاينها بنفسه ويشوف كذا صنف منها ويقارن الاسعار
لكن شغل الاعلانات ده نصب في نصب وبيستغلوا جهل البعض وبيستغلوا القتوات الدينية في اعلاناتهم
الله اعلم القائمين على القنوات دي مشتركين معاهم في عملية النصب ولا لأ .... بس غالبا كدة شكلهم هم الناصبين
ومنهم لله وحسبي الله ونعم الوكيل

المشاركة الأصلية كتبت بواسطة itsonlyme

المواصفات اللي أنت بتتكلم عليها دي مواصفات جهاز عمره 9 سنين!
وصلنا للمرحلة دي من النصب. وايه جهاراً عياناً على قنوات اسلامية؟!

يا جماعة ........ بلاش الزج بالشيوخ و الدين و ب"إسلامية" القنوات في الموضوع

و ان بعض الظن اثم يا اخت نور ...... بلاش نظن سوء بالعلماء ..... لحوم العلماء مسمومة

القنوات منعت اعلانات 0900 و منعت اعلانات المسابقات و منعت الاعلانات اللي فيها معازف و موسيقي و محرمات

يعني الناس عارفة ربنا

كون ان اللي بيبيع نصاب

لو محدش راح اشتكى للقناة هما هيعملوا ايه ........

هما مش هيتحروا عن كل واحد جاي يعمل اعلان

المشاركة الأصلية كتبت بواسطة dr_abohafs

السلام عليكم
أولا و قبل أى شىء .. أنا لا أتكلم دفاعا عن أحد و لا طعنا فى كلام أحد و لكن إحقاقا للحق. الأستاذ صاحب الموضوع الذى لا توجد منه أى فائدة سوى الهجوم غير المبرر و الغريب على القنوات - التى يتهمها أنها تدعى الدين- يهاجم القنوات و الشيوخ- الذى لو يعرف قدرهم فعلا ما قال ذلك الكلام هو و الذين شاركوه فى اتهام الشيوخ بالباطل- و لماذا الهجوم؟ .... من أجل سلعة مغشوشة قام بالإعلان عنها شركة إعلانات متخصصة فى ذلك موجود منها الكثير فى معظم القنوات... و النصب لا ينتهى فى القنوات الدينية و غير الدينية. و الشيخ " محمد حسان" قد حذر بنفسه من قبل أن يتحرى الناس الدقة فى تلك الأمور الخاصة بالإعلانات. و الأساتذة الذين تبرعوا بالهجوم على القنوات و الشيوخ واتهامهم بالاشتراك فى الأمر..أقول لهم: اتقوا الله...اتقوا الله..فإن لحوم العلماء مسمومة. و ما وقع أحد فى عالم و نجا من ذلك. ................
ألم تسألوا أنفسكم.. كيف تصرف القناة على نفسها؟!! و ليست هناك موارد مفتوحة مثل غيرها من قنوات العرى و ال(هلس) . هل المطلوب من الشيوخ أن يفتحوا مكتب تحقيقات ملحق بالقناة ليتحروا عن كل شركة تطلب تقديم إعلان؟!!! يكفى أنهم منعوا أرقام مسابقات القمار و النصب الحقيقى التى تبدأ ب 0900 . و فعلا شىء غريب ..الناس ينضحك عليها من القنوات الأخرى و لا تعليق .. و عندما تظهر سلعة معيوبة لشركة سيئة..نرفع رايات الهجوم على الشيوخ و القنوات الدينية.. و (آهى فرصة كل واحد نفسه فى كلمة أو متغاظ من القنوات الدينية و من الناس اللى فيها يطول لسانه شوية على ناس أقل ما يقال عنهم أنهم دعاة إلى الله و ليس لهم أى مصلحة مع القنوات بل على العكس يدفعون من نقودهم لنشر الفضيلةو الدعوة إلى الله)
و الأستاذ الذى يتحدى أن يستحمل أى مثقف الجلوس أمام القنوات .. أحب أن أطمئنه أنه قد خسر التحدى منذ زمن بعيد.. منذ افتتاح القنوات.. و جمهور القنوات من كل فئات المجتمع و أساتذة فى الجامعة أيضا.. و ليس فقط الفئة تحت المتوسطة (الي ما عندهاش موارد تقرا و تثقف نفسها دينيا و لكنها حريصة على اكتساب الدين من اي مصدر) ..و نتمنى أن نعرف مؤهل حضرتك ؟!! مجرد سؤال! .... و بالمناسبة.. الشيوخ معظمهم إن لم يكن كلهم.. مؤهلات جامعية و كليات قمة كما يسمونها.. هذا بجانب المؤهلات الأخرى فى العلوم الشرعية. و البرامج التى تعرض فى تلك القنوات برامج متنوعة لتخاطب الناس من كل العقول عملا بسنة النبى عليه الصلاة و السلام( خاطبوا الناس على قدر عقولهم...) و جمهور القنوات ليس من مصر فقط بل من كل الدول تقريبا.و الشيوخ الذين تسخر منهم و الذين لا يستطيعون مجاراتك فى كتاب العلوم بتاع تالتة اعدادي يتكلمون بما يعلمون فى الأمر أو ما قيل لهم من علماء الطبيعة و غيره... أى أنه ينقل الكلام العلمى و يعلق عليه من وجهة النظر الدينية.. (و ياريت تقول لنا حاجة من البلاوى اللى أنت بتقول أنهم قالوها) و و يا ريت كمان تقولنا ميين شيوخك الثقات اللى بقوا نادرين قوى دول يمكن نستفيد منهم احنا كمان!!! اتقِ الله..اتقِ الله

و نتمنى أن نتقِ الله جميعا فيما نقول.. أم أن القنوات الدينية التى هى أقل من القليل ( يمكن عدهم على أصابع اليد) هى كبش الفداء الآن لأى عملية بيع مغشوشة حدثت و تحدث و ستحدث مثلها الكثير على كل القنوات بكافة اتجاهاتها. دعوا القنوات الدينية و شأنها و دعوا الناس ( اللى تحت المتوسط.. و اللى مش مثقفين !!!!) و شأنهم..

لم يشتكِ أحد لكم..و من شاء أن يتفرج على برامج فى قنوات أخرى.. فهو حر..و لكن لا تحجر على الآخرين و تتهمهم بما لا تعلم و ابتعدوا عن الشيوخ و العلماء فهم أجلّ من ذلك.. و هم ورثة الأنبياء.....و لا حول و لا قوة إلا بالله.
هدانا الله و إياكم

جزاك الله كل خير على كلامك الموزون

المشاركة الأصلية كتبت بواسطة medo55

مين قالك ان الشيوخ بتاخد مرتب من القناه ؟؟؟؟؟؟؟؟؟؟؟؟

في مثل مصري بيقول الي ما يعرفش يقول ..... عدس

الشيوخ دي الله يزيدهم من فضله مش محتاجين الراتب بتاع القناه , هم من فضل الله ماعندهم وقت اصلا فاضي من كتر الدروس في المساجد في كل مكان في مصر , وكلها بتكون مجانا لوجه الله , الناس دي ما بتدورش على مال الناس دي بتدور على آخره

معلومه بسيطه " تكلفة ايجار القناه على النايل سات ما يقارب من مليون و ثلاث مئة وخمسون ألف جنيه 1350000 جنيه مصري سنويا دا بخلاف ايجار الاستوديوهات والامكان والاجهزه ورواتب المخرجين والمصورين , تفتكر قناه زي دي هتجيب مصدر دخل منين ؟ والشيخ اصلا لا يملك فيها سلطه هو مجرد داعي الى الله زي قناة الناس مالكها سعودي

ايه الي دخل الشيوخ في الموضوع وبدأنا نتهجم عليهم كدا ؟

صاحب القناه ان كان معاه النهارده 2 مليون وعمل القناه بكره مش هيلاقي فلازم يستغل الاعلانات , والي مش عاجبه الاعلانات دي ممكن يتبرع للقناه بتمنها من جيبه , الشيوخ اصلا مش فاضيه تتفرج عالاعلانات وتلف على الناس في بيوتها الي الشركات دي باعتلهم المنتجات وتقولهم الشركه دي كويسه ولا لا

من فضل الله ماعندهمش وقت اصلا علشان يتفرجو على التلفزيون لانهم مفرغين نفسهم للعلم والتعليم والعباده

ربنا يجزاهم عنا وعن الامه خير الجزاء ويثبتهم ويجعله في ميزان حسناتهم ان شاء الله

جزاك الله كل خير على كلامك الموزون

المشاركة الأصلية كتبت بواسطة waleedseng

ياجماعة القنوات دي معندهاش مصدر دخل تاني غير الإعلانات.
لأنه لو فكر ياخد تبرعات الدولة هاتقفل القناة ومش بعيد كمان يسجنو القائمين على القناة بحجة إنهم بيخدو تمويل من الجهات الفلانية و العلانية. ولا يجوز لنا الزج بالعلماء في ما قد نظن أنه سياسة خاطئة من القناة.

جزاك الله كل خير على كلامك الموزون