صوت فى الدركسيون

**samirayad** · 10-06-2009 07:17 AM

ياباشا خالف براحتك .....هو اللى أنا أو غيرى بيقوله دستور ....دى مجرد توقعات ...............لأن الحاله أولا مش قدامنا ......والمريض (العربيه ) فى غرفة العمليات ( عند صاحبها )..........دا غير أن شغل العفشه بالذات لازم من معاينته للتعرف على أساس العيب .....وكلامنا بس .....للمحاوله فى التخبيط على باب العيب .............

**Pharaoh** · 10-06-2009 12:06 PM

المشاركة الأصلية كتبت بواسطة samirayad

تحت كاوتشة البطاحه .....علشان لما تلف الدركسيون يمين أو شمال .......الركب الأماميه بتلف على جسم الكرتيره على البلى ده ( كاوتشة البطاحه بتكون ثابته مع الكرتيره ........ولكن الركب بتلف على الكاوتشه من خلال البلى ده ...والكاوتشه فقط بتكون زى مخده حنينه بين الركبه والكرتيره علشان الكاوتشه دى اللى بتمتص الذبذبات بتاعة عدم أستواء الطريق والا الركبه دماغها حتوجعها وتقعد تخبط فى الكرتيره ).............والا كنت حتلف أزاى مع عدم وجود بلى فى المنطقه دى ................

الف شكر يا بشمهندس

طيب اية ممكن اغيرة دلوقتى؟ واية اللى ممكن يترتب على العيب دة؟ غلط انى امشى بيها كدة؟؟؟

**samirayad** · 10-06-2009 02:33 PM

الف شكر يا بشمهندس

ياباشا على أيه واى خدمه ..............وكلنا أخواتك طبعا

طيب اية ممكن اغيرة دلوقتى؟

روح للعفشجى وخليه يطمن على كفاءة الأثنين بيضه بتوع الطرف برضه ( ولو أن أنا حاسس أنهم مفيهومش حاجه )......لو لقاهم خفاف وبيلقوا ................غيرهم .........طيب لو تمام يبقى العيب من بلى البطاحات .....وخليه يحاول يشحمهم بطريقه معينه والركب راكبه .....وجرب الوضع الجديد

واية اللى ممكن يترتب على العيب دة؟

فى أى حال من الأحوال مش صح أننا نسيب العيب الصغير لما يكبر .......واللى ممكن يعمل مشكله هو بيض الطرف لو كان مبوش أوى (ولو أنه المفروض بيظهر عيبه برضه وأنت ماسك الدركسيون عدل ( بتحس بتنقير البيض مع عدم أستواء الطريق بس أخونا : محمد شككنا برضه لأن دى عفشه وكل شىء وارد )....ولا يوجد مايمنع من الأطمئنان على الأقل ............وبالنسبه لبلى البطاحات مفيش منه خطوره أوى غير موضوع التكتكه أو العضه اللى بتسمعها لما بتحود الدريكسيون وأنت واقف

**Pharaoh** · 10-06-2009 04:07 PM

المشاركة الأصلية كتبت بواسطة samirayad

ياباشا على أيه واى خدمه ..............وكلنا أخواتك طبعا روح للعفشجى وخليه يطمن على كفاءة الأثنين بيضه بتوع الطرف برضه ( ولو أن أنا حاسس أنهم مفيهومش حاجه )......لو لقاهم خفاف وبيلقوا ................غيرهم .........طيب لو تمام يبقى العيب من بلى البطاحات .....وخليه يحاول يشحمهم بطريقه معينه والركب راكبه .....وجرب الوضع الجديد فى أى حال من الأحوال مش صح أننا نسيب العيب الصغير لما يكبر .......واللى ممكن يعمل مشكله هو بيض الطرف لو كان مبوش أوى (ولو أنه المفروض بيظهر عيبه برضه وأنت ماسك الدركسيون عدل ( بتحس بتنقير البيض مع عدم أستواء الطريق بس أخونا : محمد شككنا برضه لأن دى عفشه وكل شىء وارد )....ولا يوجد مايمنع من الأطمئنان على الأقل ............وبالنسبه لبلى البطاحات مفيش منه خطوره أوى غير موضوع التكتكه أو العضه اللى بتسمعها لما بتحود الدريكسيون وأنت واقف

طيب دة حل كويس. بس سؤال هما اية ال 2 بيضة بتوع الطرف؟ انا اعرف بتوع المقص بس

بس انا افتكرت ملاحظة
انى ساعات بلاقى الدركسيون بيلف ربع او تمن لفة يمين لما اسيبه و يثبت عليها بس مش دايما
انا كنت فاكر ان دى زوايا بس لما سمعت كلام حضرتك قلت يمكن دة يدل على حاجة

**samirayad** · 10-06-2009 04:33 PM

شايف الطبق اللى عليه السوسته ده من تحت ......لاحظ كده فيه خرم أو ودن على الطبق جنب السوسته من تحت ...... الطبق ده اللى بيركب فيها مسمار بيضة الطرف ......البيضه دى بتبقى زى بتاعة المقص بالظبط ولكنها أقل حجما (بتاعة المقص معدوله ومسمارها لفوق ....ولكن دى بتكون أصغر ومسمارها لتحت وراكبه على طبق السوسته التحتانى )

**samirayad** · 10-06-2009 04:43 PM

ممكن لو فيه صورة توضيحية واسف ع الإزعاج

دى صوره على القد يا أبو حنفى .....عملتها بنفس الطريقه اللى قولتهالى من قلب الكتالوج .....على مأحاول أتعلم موضوع الرفع ...........أعمل كليك عليها وهى حتكبر ....لحد ماربنا يسهل ونتعلم الرفع للصور والبركه فيك طبعا ...........بلية البطاحه هى القطعه رقم 7 فى الرسم

**samirayad** · 10-06-2009 08:20 PM

[mshosh4]http://photobucket.com[/mshosh4]

**samirayad** · 10-06-2009 08:26 PM

المشاركة الأصلية كتبت بواسطة Matrix_Reloaded

طب وبلى البطاحات ده مكانه فين يا دكتور سمير

**eltorky** · 10-06-2009 09:05 PM

يا بشمهندس سمير معليش أنا لية سؤل عند حضرتك هو بيض الطرف داة غير بيض الدريكسيون أو ما يسمي ببارات الدريكسيون وبعد أزنك كان لية سؤل أخر ما هي أطياش علبة الدركسيون و خطورة المشي عاليها هية و بارات الدريكسيون و بيض المقصات لو العيب داةموجود في السيارة؟ و لك جزير الشكر يا هندسة

**samirayad** · 10-06-2009 09:55 PM

يا بشمهندس سمير معليش أنا لية سؤل عند حضرتك هو بيض الطرف داة غير بيض الدريكسيون أو ما يسمي ببارات الدريكسيون

نفس المسمى

وبعد أزنك كان لية سؤل أخر ما هي أطياش علبة الدركسيون

الأتياش هى اللى راكبه على جريدة الأسكترا .......وبعدها البارات وفى آخرها بيض الدركسيون اللى راكب على طبق الركبه (تحت السوسته )

و خطورة المشي عاليها هية و بارات الدريكسيون و بيض المقصات لو العيب داةموجود في السيارة

لو بيضة الطرف ملصت .....مشكله كبيره طبعا ....لأنها اللى موصله الدركسيون بالركب ......وبيضة المقص لو ملصت برضه مشكله لأنها اللى موصله الشاسيه بشمعدان الركب برضه .............فلازم أما نحس بمشكله فيهم نعالجها على طول