صوت فى الدركسيون

**Pharaoh** · 09-06-2009 03:02 PM

اسمحولى هحط موضوعى هنا لانى مش عارف المشكله هتكون عفشة ولا ميكانيكا ولا كهربا

اولا العربيه لانسر 98 مانيوال
ثانيا لسة متغيرلها مساعدين امامى و خلفى و جلب مقصات قدام وطقم سيور و بوجيهات
ظبطت زوايا بس لسة فى حدفة يمين هروح اعملها ان شاء الله

بس المشكله عندى فين؟

انى لما بكسر الدركسيون جامد و اكون فى منزل او فى مطلع بيعمل صوت طقطقه ملحوظ (مع العلم انى جربت اخد ملفات عادية و ناشفة عشان اجرب الكبالن بس مش بيبقى فى صوت ساعتها و بتكون كويسة)

وقعدت الاحظ كويس وجربت وااالعربيه واقفة واكسر الدركسيون كله يمين و بعدين اكسر شمال للاخر اسمع الطقطقه مرتين فى المشوار من اول الشمال لاخر اليمين و العكس

وريتها للعفشجى اللى عملها وبيقولى مفهاش حاجة ومعتبرها اهانه لشغله

بس انا مش مقتنع

اة للمعلومة بردة
بارات الدركسيون كانت متغيرة من 4 شهور مثلا

وراجعت على زيت البور و لقيته مظبوط

وعشان الزوايا مش مظبوطة ساعات بلاقى الدركسيون بيلف ناحية اليمين ربع لفة كدة بس دة يمكن عشان الزوايا

تفتكروا تكون مشكله اية دى
شاكر ليكم

**aYaBooY** · 09-06-2009 04:07 PM

انت ايه اخبار البطاحاط؟؟

**samirayad** · 09-06-2009 04:21 PM

فعلا دى مشكله فى بلى البطاحات

**Matrix_Reloaded** · 10-06-2009 12:00 AM

طب وبلى البطاحات ده مكانه فين يا دكتور سمير

**samirayad** · 10-06-2009 12:14 AM

تحت كاوتشة البطاحه .....علشان لما تلف الدركسيون يمين أو شمال .......الركب الأماميه بتلف على جسم الكرتيره على البلى ده ( كاوتشة البطاحه بتكون ثابته مع الكرتيره ........ولكن الركب بتلف على الكاوتشه من خلال البلى ده ...والكاوتشه فقط بتكون زى مخده حنينه بين الركبه والكرتيره علشان الكاوتشه دى اللى بتمتص الذبذبات بتاعة عدم أستواء الطريق والا الركبه دماغها حتوجعها وتقعد تخبط فى الكرتيره ).............والا كنت حتلف أزاى مع عدم وجود بلى فى المنطقه دى ................

**Matrix_Reloaded** · 10-06-2009 12:16 AM

ممكن لو فيه صورة توضيحية واسف ع الإزعاج

**samirayad** · 10-06-2009 12:18 AM

طيب قوللى أزاى ممكن أطبع صوره من ملف بى دى أف .....وأنا أطبعلك الصوره اللى فيها البليه والركبه كامله والبطاحه

**Matrix_Reloaded** · 10-06-2009 01:30 AM

حاتلاقى فى الكى بورد زرار اسمه print screen تدوس عليه الزار ده وظيفته يلقط لك اى صورة على الشاشة دلؤتى ويخزنها فى الرام

حاتفتح برنامج paint واللى حاتلاقيه فى قائمة start -all programs- acssiorises-paint

وتجيب قائمة editوتختار منها paste

مبروك كده لزقت الصوره الخطوه الجايه انك تعملها حفظ من قائمة file تختار save as حايطلعلك بوكس تختار حفظ بصيغة jpg عشان الصورة تطلع بمساحة قليله

حاتدخل على موقع رفع الصور واحسنهم فى رأئى موقع http://photobucket.com/
حاتعمل حساب فيه تبتدى ترفع عليه الصور

**samirayad** · 10-06-2009 01:56 AM

الله يخليك يا أستاذ : محمود ................أنا فعلا حفظت صوره ولسه عملية الرفع .............وشكرا ليك مره تانيه ....ونحن على أتصال أن شاء الله

**tananybasha** · 10-06-2009 06:09 AM

تمام يا بشهمندس بس انا ليا رأى مخالف ان بيضة البارة بتاعة الدركسيون اللى فوق ممكن تكون خفت او بايظة و تعمل نفس العراض بعيداً عن بلية البطاحة و الله اعلم

الموضوع: صوت فى الدركسيون

LinkBack

أدوات الموضوع

عرض

-

-

-

-

-

المواضيع المتشابهه

مشكلة في قواتيش علبة الدركسيون و بارات الدركسيون

ايه الفرق بين بيض الدركسيون و علبة الدركسيون

صوت تكتة في الدركسيون فضلا علي اهتزاز الدركسيون

رجة فى الدركسيون عند 120

الدركسيون

الكلمات الدلالية لهذا الموضوع

المفضلات

المفضلات

ضوابط المشاركة