هل ينفع أمشي بالعربية منذ استلامها من المعرض وحتى استلام ورقها؟

**osamafarook** · 09-06-2009 03:07 PM

السلام عليكم ورحمة الله وبركاته
أعضاء المنتدى الكرام
أود أن أسأل سؤال
الواحد لما بستلم العربية من المعرض ويقولوا تعالى بعد يومين خد ورقها والإفراج الجمركي بتاعها اللي طالع باسمه.... قانونا هل يصح أن يسير الواحد بالسيارة في الشارع .... وهل تتسحب الرخصة واللا ايه الأحوال؟

**mramzy** · 09-06-2009 03:17 PM

قانونا لا

**Ashraf_Ashraf** · 09-06-2009 03:19 PM

اكيد طبعا لا لو وقفك حد ايه يثبت ان العربيه دى ملكك اصلا

**جمال** · 09-06-2009 03:37 PM

طبعا ما تقدرش تمشى بيها كده
بس جرى العرف ان المعرض اللى باع لك العربية بيديك لوحات تجارية ممكن تمشى بيها لحد ما ترخص
اللوح التجارية دى اما ان المعرض يديها لك بدون ثمن مؤقتا لحين الترخيص , او يأجرهالك باليوم

**mohd2** · 09-06-2009 04:20 PM

انتو مدلعين التجار
حضرتك لو جايبها كاش تتفق معاه يجبلك ورقها والافراج في ساعتها
هيعد يقولك ده الورق بيطلع من التوكيل ولسه ولسه كل ده كلام بعت
مجرد متوصل المعرض معاك فلوسك بيكلم حد من رجالته يجيب الورق تبقي مسافة السكة بس
انا والدي عمل كده في فيرنا وياريس و ميجان
فلوسي اه ورقك اه كامل عشان ارخص بكره

**أحمد كمال** · 10-06-2009 11:43 AM

استلامك للسيارة بدون ورق يعرضك لمصايب سودة عديدة جدا جدا جدا جدا اقلها بلطجة امناء الشرطة اللي هيبقوا عايزين يشربوا شاي (بالسم الهاري ان شاء الله) .... و اكثرها هو النصب عليك (راجع مصيبتي الفرسان و الربيع)

الناس لازم تفهم الفرق بين السيارة و المنقولات

المنقول زي العفش و الموبايل و التلفزيون ....الخ ملكيته بالحيازة

يعني لو هو معاك و مامعاكش فاتورة هو بتاعك

بس العربية ليها ورق ملكية

الناس بتفرح باستلام عربية جديدة - و ده مفهوم طبعا - و تاخد العربية و تمشي عشان خايفين العربية تتباع لحد تاني

و ده غلط و مش صح

استلم الورق قبل العربية ..... مفيش ورق ...... مفيش فلوس و مش عايز العربية ..... هات الورق قبل العربية .....

و عموما السير بدون لوح تجارية يعرضك - قانونا - لسحب السيارة منك

و كلنا عارفين العربية اللي بتتسحب بتتقلب و كل حاجة فيها بتتاخد و بتتخبط و تتبهدل و تتنيل بستين نيلة

**Ahmed Samy** · 11-06-2009 03:21 AM

النمر ..التجارية

و امشي عدل يحتار عدوك فيك

**AshrafAli79** · 11-06-2009 09:46 AM

باشا لو استلمت عربيتك بتاخد ايصال استلام العربية النافي للجهالة هذا الايصال يمشيك 24 ساعة من غير نمر قانوني بس 24 ساعة فقط من ساعة استلام العربية الموجود في الايصال