احذر من الكلاب

**mohamed ismail** · 05-10-2007 11:57 AM

السلام عليكم يا اخوة وكل عام وانتم بخير شدو حيلكم ليلة القدر اليومين دول ربنا يبلغنا اياها يا رب
من يومين وانا ماشي علي الطريق علي 100 كم /س فوجئت ب 3 كلاب خارجين من بين الفواصل الحرسانية اللي بين الطريقين (الرايح والجاي) وبيجرو بسرعة كبيرة انا المسافة بينين وبينهم كانت قريبة جدا عدا الاول والثاني اما التالت :( خبطتة بس كانت خبطة جامدة.
وعدا من تحت العربية طبعا علي ما عرفت الم نفسي واركن كنت مشيت مسافةز المهم نزلت لقيت الاكصدام اتكسر من ناحية اليمين . هو موقعش بس فيه حتت اتشرخت بس لسه راكب مكانه ولقيت تقويسة فس الردياتير بس الحمد لله مش كبيرة ماثرتش عليه وشوية تنيات في اجزاء صاج ورا الاكصدام والكبوت مش بيقفل بسهولة انا لاحظت ان الاجزار اللي بيدخل فيها قفل الكبوت اللي هي علي شكل مربع اللي ملحومين في الكبوت واحده فيهم لحامها فك .اعمل ايه
الحمد لله قضا اخف من قضا
مش عارف اعمل ايه في الاكصدام اسيبه ولا افكه اوديه لحد بتاع فيبر

**hazem_khidr** · 05-10-2007 06:10 PM

الحمد لله قدر الله و ما شاء فعل.
خبطه الكلب من اسوأ الخبطات اللي ممكن تقابلها في حياتك علشان راسه ناشفه جدا.بس الحمد لله ان ربنا ستر.
بالمنظر اللي بتقول عليه دا يبقي لازم تفك الاكصدام و توديه لواحد بتاع فيبر يلحمه و تروح لسمكري يستعدل كل اللي حصل علشان ما تبقاش مضايق من اعربيه و يا ريت لو تفك الردياتير و تستعدله علشان التنيه اللي فيه ما تاثرش علي مروحه التبريد او تخبط فيها او ما شابه ذلك.

**mohamed ismail** · 06-10-2007 01:29 AM

شكرا يا ساتاذ حازم علي اهتمامك وربنا يسترها معاك ويكفيك شر الكلاب
وكل سنة وانته طيب

**hazem_khidr** · 06-10-2007 03:57 AM

شكرا يا ساتاذ حازم علي اهتمامك وربنا يسترها معاك ويكفيك شر الكلاب
وكل سنة وانته طيب

العفو يا باشمهندس
و كل سنه و انت بكل صحه و سعاده

**eng_mkhalaf** · 06-10-2007 09:35 AM

المشاركة الأصلية كتبت بواسطة hazem_khidr

الحمد لله قدر الله و ما شاء فعل.
خبطه الكلب من اسوأ الخبطات اللي ممكن تقابلها في حياتك علشان راسه ناشفه جدا.بس الحمد

:lol: :lol: :lol: :lol: :lol: :lol: :lol:

**Hossam_Hassan** · 06-10-2007 10:28 AM

الحمد لله انها جت على قد كده، بس يا ريت تقولى الكلب حصله ايه، أرجوا انك ما تزعلش منى و ما تفتكرنيش بهزر بس أنا بجد عاوز أعرف.

**Akram** · 07-10-2007 04:16 AM

حمد الله على سلامتك , قضى أخف من قضى , و الحمد لله إنه مكنش ماشي جنبك عربيى تانية مسرعة و كان حصل أي حاجة لا قدر الله......

**eng_mkhalaf** · 07-10-2007 11:57 AM

المشاركة الأصلية كتبت بواسطة Akram

حمد الله على سلامتك , قضى أخف من قضى , و الحمد لله إنه مكنش ماشي جنبك عربيى تانية مسرعة و كان حصل أي حاجة لا قدر الله......

:) :lol: :lol: :lol:
عارف أية اللى كان يحصل كان الكلب الأولانى مات :D :D :D

**Abu Aly** · 07-10-2007 04:50 PM

غريبه .. انا لسه كنت فى ورشه سمكره امبارح و الاسطى ورانى اكصدام اوبل فكترا مكسور نصين و لما قال ان صاحب العربيه خبط كلب افتكرته فعلا بيهول و قلت مش مغقول ده يحصل من كلب من كلب الشوارع الهفنانه من قلة الاكل .. ضحكت و قلت له يمكن الراجل خبط فيل او ديناصور :mrgreen: :mrgreen: :mrgreen:

**Karim_Monir** · 07-10-2007 05:21 PM

لاء يا جماعة خبطة الكلب فعلا مؤذية جدا للعربية
ولو جت في الشبكة بتبهدل العربية
ولو جه في مناطق معينة ممكن يقلب لعربية زي ما كان هايحصل معايا بالاكسل من 5 سنين
-----------------
حسام في الغالب الكلب مات ولو ما ماتش حالا هايموت من تاثير الخبطة لان غالبا عظامة اتفشفشت او يجيلة نزيف داخلي يموتة ولو عظامة اتكسرت تبقي غنغرينة وموت بالتسمم
اما الكلاب اللي بتشوفهوم مهروسين ده اللي مسئول عنهم النقل التقيل

ربنا يعافينامن كل سوء وحمدالله على سلامتك يا باشمهندس

الموضوع: احذر من الكلاب

LinkBack

أدوات الموضوع

عرض

احذر من الكلاب - انشر الموضوع فى :

-

-

-

-

-

-

المواضيع المتشابهه

حد ليه فى الكلاب

الكلاب والسقف

وفاء الكلاب ....!!

أنا عايز كلب من الكلاب دي

الكلاب جننتنييييييييييييي

الكلمات الدلالية لهذا الموضوع

المفضلات

المفضلات

ضوابط المشاركة