الموضوع: صفقة أبو غالى الجديدة

انا لسة سائل امبارح واصعب حاجة بالنسبة لي موضوع تحويل المرتب دة
بس عموما عرض مغري وخصوصا موضوع التامين المجاني وكوبونات ب 1200 جنية للبنزين

يعنى اقل مرتب لازم يكون كام عشان يغطى القسط ؟؟؟

اعتقد 3000 جنية لان القسط لازم لا يقل عن تلت المرتب.
إتصل وإسأل.

هو انا شايف انوفعلا عرض تحفه علشان تسهيلات السداد اللى فيه مش علشان البنزين والتامين والصيانه لانى لما حسبت تمن العربيه الافيو فول ابشنز اوتوماتيك على سبع سنين قسط لقيتهم واخدين 40فى الميه زياده من تمن العربيه فاكيد كل دا متحمل عالتمن.
عموما انا رايح يوم الاتنين انشاء الله اعرف كل التفاصيل وبأذن الله ناوى احجز ادعولى يااخوانى ربنا يوفقنى

الاوراق المطلوبه :
بيان بمفردات المرتب من الشركه موجه لبنك الاسكندريه.
اخر ايصال كهرباء
البطاقه الشخصيه
كشف حساب البنك لاخر 3 شهور.
هما فى معرض المعادى قالولى البنك بعد كده هيعمل استعلام ويرد عليا فى خلال اسبوع بالكتير.
هما الصراحه ناس فى منتهى الذوق وطول البال والاجراءات خدت ربع ساعه.
بس للاسف الخبر الوحش ان الاستلام وصل دلوقتى لشهر ونص + ان لون العربيه اللى انا عاوزها مش موجود. لكن معلش الخيره فى ما اختاره الله

المشاركة الأصلية كتبت بواسطة zoro

هو موضوع التقسيط ده للأسف بيرفع سعر العربيه
لأننا لسه موصلناش لعروض تمويل شراء السيارات المعقوله زي الموجوده في كل دول العالم و مش هقول اوروبا و لا امريكا
لكن في كل الخليج نسبه الفوايد على تمويل قرض شراء سياره بتكون من 3% لغايه 4% على أقصى تقدير ده غير سهولاه الاجراءات و أول قسط بعد 6 شهور وكوبونات بنزين لمدة سنه و صيانه شامله 5 سنين كيلومتر مفتوح
و حاجات كتيييييييييييييييير أوي من المميزات
يا رب نوصل للمستوي ده من الخدمات التمويليه

كلامك مضبوط بس خلي بال حضرتك انا ال 3% و ال 4% دي فايدة علي عملة الدولة الي حضرتك فيها يعني عندك علي الريال و عندي علي الدرهم لكن في مصر ال 7% علي المصري فهناك اختلاف كبير يا عزيزي .