فكرة موضوع حاسس انه حيفيد الكل. وعاوز رأيكم قبل ما أبدأ.
كثير بيقابلنا مشاكل مكرره في اللانوس ومع ذلك الأعضاء الجدد بيسألوا نفس الأسئله.
طبعآ في موضوع عن عيوب ومشاكل اللانوس.
بس فكرة الموضوع ده جديده.
حاتطوع وأسأل عن عيب (في موضوع مستقل)
العيب زي ما بيظهر بالظبط عند ال User وليس الفني.
يعني مثلآ العافشة بتزيأ .. العربيه بتحدف شمال.. التكييف ضعيف... العربيه ناشفه في المطبات... العربيه بتمسك حراره.. فايبر الاكصدامات ومشاكله واصلاحه. عداد البنزين مش شغال.التيل بيصفر.. العربيه مابتدوش او بتغيب في الدوارة. الكاسيت بيفصل مع تشغيل النور العالي... الخ.
ونتناول كل مشكله بالتفصيل وبعرض جميع الاحتمالات واسعار قطع الغيار المحتملة والمصنعيات
وطبعآ محتاجين مساعدة ورأي الخبراء وباستفاضه لشرح العيب.
وبعد مانخلص
ناخد المشاكل الأكثر تقنية.
وبعد كده نعمل موضوع مثبت يحتوي علي روابط المواضيع...
وانا من ناحيتي حاحاول أوفر الدعم الفني للموضوع من صور وروابط سابقه لاستفسارات الاعضاء عن نفس المشكلة. ويتبقي الدعم التقني علي الخبراء ومن مروا بالتجربة من قبل.
ومش شرط الافاده تكون للمشاركين الجدد بل بالعكس دي حتكون مرجع للجميع.
ودع طبعآ لا يتعارض مع الموضوع المثبت.. ولكني أراه موجز جدآ في 59 مشاركه ...
في حين ان المشكله الواحده حين نتناولها بالتفصيل والشرح قد تصل لهذا العدد من المشاركات.
انا حبيت آخد رأيكم ورأي الإستشاري قبل البدء في عرض الموضوع.