الموضوع: نموذج تصريح خروج زوج

المشاركة الأصلية كتبت بواسطة نور القمر

المفروض الزوج بقي يضيف في اخر وصل الامانه ده كلمه
لو مجيتش في ميعادي ابقي في البيت التاني

1.النوم حيكون لمده 30 يوم في البيت التاني
2.ربنا يخليلي مراتي التانيه حلوه وصغيره ومش حارماني من حاجه خلي حقوق النكد المحفوظه ليكي انتي
3.دوري علي اللي حيصرف عليكي من اساسه اخرك معايا الاكل والشرب وانا اللي حجيبهم مش حتمسكي مليم في ايدك
4.حعمل التليفون استقبال بس قبل ما اروح البيت التاني برضه
5.حجيبلك مرايه محترمه علشان تشوفي وشك فيها وتعبسي وتكشري او تقلبيه حتي زي فرده الشراب
6.خلي الموبايل والبيجر معاكي طول ما انا في البيت التاني مش عاوز ازعاج
7.خلي التليفزيون بحاجه عندك فيه واحده تانيه اجمل من اي تليفزيون حبقي قاعد معاها

دا اسلوب التربيه الحديثه يا رجاله
تربي ام العيال قبل ما تربي العيال نفسهم
اول ما النكد يحاوط البيت تخلع انت من البيت بقرفه وتروح بيت مفيهوش قرف
ولو البيتين مقرفين روح اقعد عند واحد صاحبك او في بيت اهلك
ولو البيوت كلها مقرفه يبقي العيب منك انت بقي ومليكش حل عندي
وتبقي تستاهل اللي بيحصل فيك
لا للرجال ضعاف الشخصيه
عموما هو مش عيب انك تقول لمراتك جدول خروجك للعلم بالشيئ فقط وليس للمناقشه
لو الست نكديه فالراجل ممكن ينكد عيشتها وينزل يقعد علي القهوه تحت البيت وتسمع ضحكه وتهريجه مع اصحابه
وحيبقي النكد ليها والفرفشه للناس التانيه
شوفوا بقي يا بنات العالم
احنا بنسمحلكم بكل حاجه بمزاجنا
حتعيشوا جنب الحيط وتقولوا حاضر كان به
حتتنمردوا يبقي تشوفولكم رجاله تفصيل ودول احنا مش منهم
البيت للراضيه المطيعه الساكته البالعه القرف وكافيه خيرها شرها
واللي عاوز كورسات في العكننه نوصلهاله لحد عنده
واللي مش لاقي حته يطفش فيها من البيت نوفرله مكان
واللي مش عارف يتجوز عليها نجوزه ونجيبهاله بشقتها كمان
ودمتم
سكينه الرجاله حاميه ولسه حنسنهالهم كمان
وكفايه كده عليكم حتي ساعته وتاريخه