عرض للطباعة
يا جماعة طبعا كلكم عارفين بزيادة الحالات المصابة بأنفلونزا الخنازير و دلوقتي سهل إنتقال المرض خصوصا في المواصلات العامة و الاماكن المغلقة ..
فدلوقتي أنا مش غارف نعمل إيه بالضبط ..
يعني أنا بستعمل صابون ديتول و بغسل يدي على طول أول ما أرجع من برة و كمان هشتري المناديل الديتول ..
أعمل إيه تاني ..
عايز أشتري كمامات بس مش عايز أكون الوحيد في الشارع اللي لابسها ..
نعمل إيه بس .. منزلش من البيت و لا نعمل إيه .. ؟!
شاركونا برأيكم ..
اعمل الاحتياطات اللازمة وسيب الباقى على الله .
انا لسه شايفه اميل بينصحوا فيه بحرق اللبان البلد في البيوت لان ريحته بتقتل الفيروس
معرفش مدى صحة الكلام
بس مش هايخسر حاجة لو عملناها
قال تعالى( قل لن يصيبنا الا ما كتب الله لنا ) معناها لو ربنا كاتب ليك كده فلا مفر
و الاية الكريمة( ولا تلقوا بأيديكم إلي التهلكة )
اعتقد نحاول بقدر الامكان عدم التعامل مع حيوانات او طيور
و موضوع الديتول ده كويس
اهم حاجة الواحد يحاول يقي نفسه على قد ما يقدر
و ربنا يستر
:36_1_1[1]:اقتباس:
المشاركة الأصلية كتبت بواسطة نور القمر
دى أكيد نكتة
ريحة إيه اللى تقتل الفيروس
لو على الريحة مكنش الفيروس ده قدر يخطى جوة البلد
و بجد انا مشمعتش الكلام ده على قناة زى الجزيرة او العربية
الاميل بالظبط زي موصلني
بسم الله الرحمن الرحيم
في زمن إنتشار أنفلونزا الخنازير
اخي المسلم اختي المسلمه
يجب حرق (اللبان العربي) في المنازل يوميا لأنه يعقم الهواء
فقد فعل الرسول (صلى الله عليه وآله وسلم) في زمن الطاعون فحمى الله المدينة المنورة من الطاعون
الله اعلم بمدى صحة الكلام لكن نبحث عن مدى صحة الخبر بدل اسلوب الاستهزاء ومش شرط عشان يكون صح انه يجي في الجزيرة ولا العربية
أكيد مش شرط انه ييجى فى الجزيرة او العربيةاقتباس:
المشاركة الأصلية كتبت بواسطة نور القمر
و متزعليش منى انا مقصدش أستهزأ بحد
بس طالما ان الإيميل اللى جه لحضرتك فيه حاجة منسوبة للنبى صلى الله عليه و سلم يبقى لازم نتأكد من حد فاهم كويس
و لو حضرتك كنتى كتبتى نص الإيميل من الأول ماكنش حصل سوء تفاهم
على العموم بكرر إعتذارى لحضرتك
بصوا ياجماعة هي أرشادات عادية تتلخص في الحفاظ على العادات الصحية السليمة اللي للأسف مش كثير في بلدنا بيتبعوها ومفروض الحكومة تعمل خطة لرفع الوعي بالسلوكيات الصحية السليمة طالما الفيروس ضرب مصر في العمق ودي شوية أرشادات يجب أتباعها بصفة مستمرة تجنباً للفيروس أنفلونزا الخنازير وأي فيروسات أخرى بس دي مخصوص عشان أنفلونزا الخنازير بالذات :
- غسيل الايدي بالماء و الصابون بصورة مستمرة وخاصة بعد الدخول الي المنزل مباشرة .
- استخدام الكحول كمطهر للايدي باستمرار
- عدم لمس الانف و الفم و العين
- عدم التواجد في الاماكن المزدحمة سيئة التهوية
- عدم الاعتماد علي اجهزة التكييف في الاماكن المغلقة مثل المكاتب و المنازل و الاستعاضة عنها بفتح النوافذ لتجديد الهواء باستمرار
- الامتناع عن العناق و القبلات عند مقابلة الاصدقاء و المعارف و الحد من المصافحة قدر الامكان
- عدم الاشتراك في أواني الأكل والشرب والنظارات، والمناشف، والفوط، والبشكير، والملابس، وغير ذلك (... إلخ) .
- استخدام المناديل الورقية لسيلان الأنف ، وعليك التخلص من المناديل في سلة المهملات فورا و لا يعاد مطلقاً استعمال المناديل الورقية مرتين...
- قم بتغطية وجهك عند السعال والعطس بأية وسيلة خاصة بك سواء بالكوع أو المناديل الورقية
- البعد فورا عن اي شخص تظهر علية اعراض الانفلوانزا
- ينصح المعتمرون باستخدام القناع الواقي والمطهرات وغسل الأيدي واستعمال سجادة الصلاة الخاصة بكل معتمر أثناء الصلاة وأيضاً عند الصلاة في الجوامع والمساجد خاصة صلاة الجمعة والصلاة في الأماكن المفتوحة وعدم الزحام داخل المسجد.
شكرا لكم يا جماعة ..
بس للأسف فيه إحتمال إني أسافر تايوان إنشاء الله آخر الشهر ..
تروح وترجع بالسلامة وربنا يحفظك
اهم حاجة موضوع الكمامة ومنظمة الصحة بتوصي باستخدام نوع اسمه 95 n
حاول تقرأ اكتر في موضوع الوقاية من المرض قبل سفرك
اقتباس:
المشاركة الأصلية كتبت بواسطة CAMARO
بصراحه مكانش وقته خالصhttp://www.nilemotors.net/Nile/images/icons/icon9.gif
ربنا يحفظك يارب و يرجعك بالف سلامة
عموما بدي قلك شي
النهاردة اسعدني حظي بركوب المترو
لقيت حوالي 10% من الناس لابسه كمامات
و هو تصرف سليم جدا بالفعل
يعني حتي لو الشكل غريب بس شكلي مش راح ينفعني في يوم لا ينفع فيه ندم
انا كمان علي فكرة قررت اني البس كمامة بالاماكن العامة لانو الموضوع صار كتير خطير
ربنا يحفظنا جميعا