الموضوع: العربيه اتسرقت وتجربه شديييده الصعوبه !!!

حد بيهزر معاك هزار غلس
وخلى بالك ممكن يكون حد خدها عمل بيها حاجه ورجعها خلى بالك

المشاركة الأصلية كتبت بواسطة Terrible_DaRsH

عيب اوى لما حد يحب يعمل تست درايف و ميستاذنش :)

مش كده؟؟؟
ما انا ناوى اعاتبه المره الجايه ان شاء الله

المشاركة الأصلية كتبت بواسطة ahmed.omar

النهارده يا جماعه مريت بموقف بجد من اصعب مواقف حياتى واسخفها
اللى حصلى انى كنت راكن العربيه فشارع جانى جمب الكليه على طول مش مستخبى ولا حاجه لا دا متشاف جدااا وحيوى وفيه حركه . المهم امتنحنت وخرجت وقولت اروح بقى .. اجى اشوف العربيه ...مفيش عربيه !!!
ايه الهبل دا فين العربيه؟
العربيه بتستخبى منى ولا ايه؟؟؟
دى عربيهيا جدعان مش عجله هاتتسرق ازاى واحنا فى عز الضهر
سألت بتاع السوبر ماركت والسنترال اللى كنت راكن قدامهم قالو ولا شوفنا حاجه بل بالعكس بتاع السوبر ماركت بصلى بصه كلها سخريه وضحك وقال ( حصلت قبل كده بس مع عربيه نقل وكانت واقفه هنا برضه ) قولت الله يطمنك
فضلت رايح جاى فالمنطقه قولت يمكن هنا ولا هناك وانا ماشى مش مصدق نفسى وصوره والدى هى اللى فذهنى على طولهاقوله ايه اول ما ارجع وهايكون تصرفه ايه؟؟
الظريف بقى انى وانا بركن الصبح واحد كبيره طلعت من الدور الاول وقالتلى بعد اذن حضرتك طلعها قدام شويه عشان هانخرج حاجات من البيت فمنجيش جمبها قولت عينيا الاتنين يا حجه ...
لما سألأت بتاع السنترال والسوبر ماركت بقى وقولت مين صاحب البيت دا قالو ان محدش ساكن هنا اصلا مصدقتهمش روحت رنيت على كل اجراس العماره وعلى شباك الست دى فعلا ولا حد طلعلى قولت اوباااااااا العمليه بقت بجد ..
المهم كلمت واحد صحبى وجالى بالعربيه خدته ورحنا القسم عملنا بلاغ فضلنا هناك بتاع ساعه الا ربع كانت الساعه بقت 1 تقريبا وداخلين شارع الكليه الاقى العربيه رجعت !!!!!!!!!!!!!!!!
كان واقف عليها بنتين شفتوا اللى ركنها او اى حاجه قالو لا جينا لاقيناها هنا
راحت فين ورجعت ازاى الله اعلم
بس هى رجعت سليمه الحمد لله وطبعا روحى ردت فيا اول ما شفتها وقولت مش راكنها الا قدام الكليه على طول واللى يقعد عليها يقعد بس اخرج الاقيها
والحمد لله

[justify]
الاخ العزيز صاحب المشكلة مش عارف ليه حاسس ان كل دا تهيقات ومفيش حاجة من دى حصلت فى الاساس واكبر دليل انك رجعت لقيت العربية فى نفس المكان حتى على سبيل او حد عمل فيك الحركة البايخه دى وخد العربية ورجعها تانى كان الناس اللى انت سالتهم قالولك فى حد رجعها وكمان موضوع الست اللى بتقول انها كلمتك وبعدين صحبك رد فعله كان ايه لما رجعت لقيت العربيه مكنها معلش اعذرنى على الكلام ممكن يكون من ضغط الامتحانات وربنا يوفقك
واخيرا لو عرفت الحل ممكن تتصل بالعميل كرومبو وليك جايزة 12 جنية ونص
[/justify]

شكرا لمرورك يا أ/ ابو حبيبه ونور
انا عارف انه موضوع مش منطقى بس فعلادا اللى حصل امبارح بالظبط
1- مش شايف اى صعوبه انه يركن العربيه تانى يعنى اللى خلاه يفتحها ويمشيها ف 10 دقيق مثلا اكيد هايعرف هوقفها وينزل منها فأقل من دقيقه !!!!! ( ولا مش ممكن؟؟؟ )
2- ذكرت ان الوقاعه كانت فشارع الكليه فبالتالى السوبر ماركت وقت الضهر( وقت ما العربيه رجعت) اكيد هايكون مليان زباين
3-رد فعل صحبى : اول ما شوفنا العربيه هو ركن وانا اول واحد نزلت وروحت كلمت الانستين اللى كانو ساندين عليها والظابط سالنى هى قولت اه قالى حاجه ناقصه دخلت شيكت ع الكاسيت والسماعات والحاجات اللى فالشنطه قولتله لا تمام قال ماشى صاحبى قالى معاك فكه قولت معيش اقل من 20 قالى خلاص ماشى وهو خد المخبر رجعه لانه كان معانا فالعربيه وهاتقول ليه مجاش مع الظابط ؟ معنديش فكره الظابط ركب فايسوزو تقريبا الدابل كبينه والمخبر معانا
4- لو تهيقات امتحانات أ- مكنتش نسيت الاله الحاسبه فالكونسوله بتاعت صاحبى
ب- مكانش صاحبى كلمنى بالليل يسالنى قولت لولدى ولا لا
ج- كنت حالل كويس جداااا فالامتحان دا الحمد لله فميش اى مجال للصدمات والا لو انا كان كده كان من باب
اولى انسى مكان الكليه ولا انسى لجنتى او حتى ما اشوفش قدامى واكون عملت حادثه
اخيرااااا انا مش هاذكر لحضرتك انى حلفت فالمشاركات لانى لو كنت عرفت ان حضرتك هاترد كده مكنتش حلفت ولا مره واللى مش مصدق هو حر ..صح؟؟