العربيه اتسرقت وتجربه شديييده الصعوبه !!!

**Abo.Omar** · 10-06-2009 03:38 AM

النهارده يا جماعه مريت بموقف بجد من اصعب مواقف حياتى واسخفها
اللى حصلى انى كنت راكن العربيه فشارع جانى جمب الكليه على طول مش مستخبى ولا حاجه لا دا متشاف جدااا وحيوى وفيه حركه . المهم امتنحنت وخرجت وقولت اروح بقى .. اجى اشوف العربيه ...مفيش عربيه !!!
ايه الهبل دا فين العربيه؟
العربيه بتستخبى منى ولا ايه؟؟؟
دى عربيهيا جدعان مش عجله هاتتسرق ازاى واحنا فى عز الضهر
سألت بتاع السوبر ماركت والسنترال اللى كنت راكن قدامهم قالو ولا شوفنا حاجه بل بالعكس بتاع السوبر ماركت بصلى بصه كلها سخريه وضحك وقال ( حصلت قبل كده بس مع عربيه نقل وكانت واقفه هنا برضه ) قولت الله يطمنك
فضلت رايح جاى فالمنطقه قولت يمكن هنا ولا هناك وانا ماشى مش مصدق نفسى وصوره والدى هى اللى فذهنى على طولهاقوله ايه اول ما ارجع وهايكون تصرفه ايه؟؟
الظريف بقى انى وانا بركن الصبح واحد كبيره طلعت من الدور الاول وقالتلى بعد اذن حضرتك طلعها قدام شويه عشان هانخرج حاجات من البيت فمنجيش جمبها قولت عينيا الاتنين يا حجه ...
لما سألأت بتاع السنترال والسوبر ماركت بقى وقولت مين صاحب البيت دا قالو ان محدش ساكن هنا اصلا مصدقتهمش روحت رنيت على كل اجراس العماره وعلى شباك الست دى فعلا ولا حد طلعلى قولت اوباااااااا العمليه بقت بجد ..
المهم كلمت واحد صحبى وجالى بالعربيه خدته ورحنا القسم عملنا بلاغ فضلنا هناك بتاع ساعه الا ربع كانت الساعه بقت 1 تقريبا وداخلين شارع الكليه الاقى العربيه رجعت !!!!!!!!!!!!!!!!
كان واقف عليها بنتين شفتوا اللى ركنها او اى حاجه قالو لا جينا لاقيناها هنا
راحت فين ورجعت ازاى الله اعلم
بس هى رجعت سليمه الحمد لله وطبعا روحى ردت فيا اول ما شفتها وقولت مش راكنها الا قدام الكليه على طول واللى يقعد عليها يقعد بس اخرج الاقيها
والحمد لله

**RED_OCTOBER_IV** · 10-06-2009 03:56 AM

الحمد لله .... والله طمنتنى لما عرفت إنها رجعت .. بس فعلاً الواحد بقى ماشى بيتلفت حوليه ... ربنا يخرجنا منها على خير

قدر الله وما شاء فعل ... شوف صدقه أو حاجه تطلعها للغلابه ... فلوس فى الجامع

**Abdo_Eldesokey** · 10-06-2009 04:10 AM

إيه فيلم الرعب ده ... يعنى العربية اختفت ورجعت تانى من غير ما تنقص حاجة ؟؟؟

واحد كان عايزها في مشوار والله إيه ؟؟!!

العربية دي كده ملبوسة

**powerofhelll** · 10-06-2009 04:13 AM

طب الحمد لله

**powerofhelll** · 10-06-2009 04:14 AM

البلد لسه بخير
ممكن كان ابوك بيهزر معاك شويه

**Ayman_52** · 10-06-2009 04:17 AM

اوبـــــــااا .... موقف صعب جدا الصراحه

ربنا يسترها معانا يارب

والف حمد الله على سلامه عربيتك

**Ahmed Samy** · 10-06-2009 04:32 AM

ومالقتش قزاز مكسور و لا سلوك الكونتاكت مطلعة بره ؟؟؟

الكابوت سليم ؟؟؟

ماهو مالاقيتش حاجة من دي مكسورة او مفتوحة ...يبقى اللي خدها خدها ازاي .؟؟؟

بونش ؟؟

شكله ملعوب يا حسنين يا ولدي ..و الفخايدة هما اللي سرجو العربية علشان يحرجو جلبي على ولدي

**Eng.Sameh** · 10-06-2009 05:18 AM

أن أن أن

سيدة كبيرة في السن ... تخرج من عمارة لايسكنها أحد
وتقول ..... " بعد اذن حضرتك طلعها قدام شويه عشان هانخرج حاجات من البيت فمنجيش جمبها "

ثم تختفي السيارة .... ولا أحد يعلم عنها شيئا .. ولم يلحظها حتى صاحب السنترال او السوبر ماركت

وبعد ذلك ... تظهر السيارة مرة اخرى في نفس مكانها دون اي اضرار .....

العمارة دي مسكونة يا عم الحج .. والعربية دي ركبها عفريت ... أو عفريتة

**Abo.Omar** · 10-06-2009 08:01 AM

المشاركة الأصلية كتبت بواسطة ahmed samy

ومالقتش قزاز مكسور و لا سلوك الكونتاكت مطلعة بره ؟؟؟

الكابوت سليم ؟؟؟

ماهو مالاقيتش حاجة من دي مكسورة او مفتوحة ...يبقى اللي خدها خدها ازاي .؟؟؟

بونش ؟؟

شكله ملعوب يا حسنين يا ولدي ..و الفخايدة هما اللي سرجو العربية علشان يحرجو جلبي على ولدي

بصراحه اول ما شوفتها انا بصيت عالصاج كله والصالون من جوه يمكن الاقى اى حاجه ومجاش فدماغى الضفيره ساعتها وبعدين هو اللى عرف يدورها من الضفيره ميعرفش يرجع وضعها زى الاول
الباشا كل اللى عمله انه قفل المرايا الشمال بسسس وانا اصلا كنت اسيبها مفتوحه عشان كانت جمب الرصيف

**Hacker5** · 10-06-2009 09:19 AM

الف مبروك انها رجعت و بجد قصة غريبة جدا
ربنا يحفظنا :)

الموضوع: العربيه اتسرقت وتجربه شديييده الصعوبه !!!

LinkBack

أدوات الموضوع

عرض

العربيه اتسرقت وتجربه شديييده الصعوبه !!! - انشر الموضوع فى :

-

-

-

-

-

-

-

-

المواضيع المتشابهه

العربيه اتسرقت :(

العربيه اتسرقت انا هتجنن الطف يارب

العربيه اتسرقت للمره التانيه :s

العربيه اتسرقت

علامات الدايو لانوس اللى على العربيه اتسرقت

الكلمات الدلالية لهذا الموضوع

المفضلات

المفضلات

ضوابط المشاركة