[justify]
ارجو انى اكون افادتك على قدر معرفتى و استنى رأى مهندس سمير لأن الراجل ده بيفهم قوىيا جماعه عندي كذا سؤال عن الجولف 2 يا ريت حد يجاوبني
اولا عايز اعمل طقم شنبر في موتور 2000 2e اجيبه منين واعمله عند مين
للأسف مش هقدر افيدك فى النقطة دى لأن معايا اوبل
ثانيا الميه عندي بقالها يومين بتنقص ومفيش تسريب ايه السبب
جوان وش السلندر فيه حاجة غلط و طبيعى لو هتعمل طقم شنبر هتغيره فمش فارقة بس خللى عينك على الحرارة بتاعت العربية و عايز تتأكد بص على الزيت عند غطا التاكيهات و المؤشر مطحن و لا لأ و بص على الشكمان فى من ورا دخنة بخار ماية ولا لأ
ثالثا ايه احسن نوع زيت احطه انا جربت شل وامارات مصر شل كان بينقص جامد لكن امارات مصر لا بس انتو فيدوني
فى الوقت الحالى انصحك بوضع شل احادى الدرجة او هافولين او التعاون الأحر لأن المكنة كده كده خفيفة و بتأكل زيت فزيت تقيل احسن و لما تعمل 1/2 العمره دى خليك فى شل الأصفر و ابعد تماماً عن موبيل و شل اللى هو رقم 15w50
رابعا عايز اجي سلوك وجيهات كويسه وايه احسن نوع بوجيهات اجيبه انا عادة بجيب ngk ثلاثه شمعه
سلوك البوجيهات هات الألمانى bbt ماركة محترمة و قوية - البوجيهات الدنسو قبل ان جى كى بس اللى مريحك خليك علية و ان كنت افضل الدنسو
عايز انظف دوره البنزين والرشاشات الstp كويس ولا لأ
تنظيف دورة البنزين او الرشاشات يعتمد على حالة الرشاش نفسه و نصيحة لوجة الله بلاش الأضافات اللى فى التنك لو مش ضامن التنك 100% لأنها هتاخد الرواسب اللى فى التانك و الفلتر و توديهم على الرشاشات و ده اللى حصل عندى - لو حالة الرشاشات كويسه ممكن تنضفها الترا سونيك افضل و النتيجة احسن
[/justify]
المفضلات