اسعار قطع الغيار جراند بونتو بين الحقيقة والخياال

**amru3** · 10-06-2009 08:32 AM

يا جماعة انا مقتنع جدا بالعربية دي و بحترمها بس يا رييت الي يعرف اسعار قطع الغيار للجراند بونتو يحطهلنا .. لاني بصراحة مش بسمع حد بيكلم عن قطع الغيار وبيتقال كلام كتير عن انها غالية جدا زانا بفكر في العربية دي بس اللي مخوفني منها بس قطع الغيار ز يا ريت لو حد عندو معلومات يفيدنا بيها يا وحوش الفيات

**amru3** · 11-06-2009 02:49 PM

فعلا يا جماعة الموضوع دة مبهم و انا حصرف نظر عن العربية عشان واضح ان مفيش حد عارف عن الموضوع بتاع اسعار قطع الغيار ولا حتي رد واحد

**Ahmed.Ali** · 11-06-2009 03:12 PM

انا كمان نفسي اعرف اسعار قطع الغيار

**loodaa** · 11-06-2009 06:22 PM

محدش لسه عمل صيانة ال5000 عشان يسأل عن أسعار قطع الغيار بس ممكن تسأل موظفين أوماترا عن الأسعار اللي انت عايزها

**amrbakly** · 12-06-2009 05:13 AM

انا كنت في اوماترا من فترة بتفرج عليها

قطع غيارها غالية يا شباب

غير الفيات القديم خاااااااااااااااااااااااا اااالص، حاجة محتلفة تماما

يعني مثلا الإكصدام الخلفي علي ما افتكر كان عامل حوالي 1600 جنية مش مرشوش، بس الإكصدام كبير فحت اساسا تقريبا قد رفرفين

الفانوس الخلفي كان عامل حوالي 800 تقريبا ، بس هو كسرة صعب جدا لأنة عالي جدا

يعني دة اللي افتكرة عنها، بس طبعا دية اسعار توكيل ، و كمان الأسعار دية علشان لسة العربية جديدة و كدة و بصراحة متفرقش اي حاجة عن الرينو مثلا و بالتأكيد مستحيل تبقي اغلي من الفولكس

العربية دية ميزتها أنك و أنت راكبها حاسس انك راكب حاجة عالية ، جيتا مثلا ولا جولف و لا حاجة من الحاجات العالية

**SharpArrow** · 12-06-2009 03:01 PM

المشاركة الأصلية كتبت بواسطة amrbakly

انا كنت في اوماترا من فترة بتفرج عليها

قطع غيارها غالية يا شباب

غير الفيات القديم خاااااااااااااااااااااااا اااالص، حاجة محتلفة تماما

يعني مثلا الإكصدام الخلفي علي ما افتكر كان عامل حوالي 1600 جنية مش مرشوش، بس الإكصدام كبير فحت اساسا تقريبا قد رفرفين

الفانوس الخلفي كان عامل حوالي 800 تقريبا ، بس هو كسرة صعب جدا لأنة عالي جدا

يعني دة اللي افتكرة عنها، بس طبعا دية اسعار توكيل ، و كمان الأسعار دية علشان لسة العربية جديدة و كدة و بصراحة متفرقش اي حاجة عن الرينو مثلا و بالتأكيد مستحيل تبقي اغلي من الفولكس

العربية دية ميزتها أنك و أنت راكبها حاسس انك راكب حاجة عالية ، جيتا مثلا ولا جولف و لا حاجة من الحاجات العالية

الاسعار اللى انت بتقول عليها دي بونتو كلاسيك مش جراند بونتو
الاكصدام الأمامي ب 1100 جنيه
مش عارف الخلفي بكام بس اكيد نفس الـ Range و الفانوس الامامي بـ 925 جنيه مش ب 800 يبقى اكيد الجراند اغلى من كده بكتير
عموما اذا عرفت اي اسعار عن الجراند هبلغكو فورا ان شاء الله لان انا اصلا كنت عايز اجيبها جدا بس الظروف المادية مسمحتش.
بس بصراحة مهما كانت غالية كنت هجيبها برضه مكنش هيفرق معايا لاني هجيب عربية تستحق 200000 جنيه مش 90000
و لو انت بتفكر فيها متتردتش و توكل على الله و هاتها و مش هتندم ان شاء الله