-
خرجت ولم تعد
جلست وأستمعت الى أغنية رامى صبرى ( غمضت عينى ) وافتكرت سيارتى الرينو لما كانت معايا وافتكرت قد اية كنت بحبها وهيا كمان .
انا مش قادر أوصف شعورى لما كنت بركبها كانت بتاخدنى فى حضنها وتودينى أى حتة عاوز اروحها وفى اى وقت .
ياريت يا جماعة اللى عندة عربية بيحبها ما يفرطش فيها زى ما انا عملت
حبيبتى انا ها افضل فاكرك طول عمرى مهما ركبت من عربيات
قريب ها أنزل لكل الشباب صورها علشان يعرفو قد اية انا بندم على بيعها
-
ربنا يعوضك باللى احسن منها ياباشا
بس برده القديمه تحلى بقى ,, و احلا حاجه فينا اننا شعب عاطفى ههههه
-
عندك حق والله فعلا القديمة تحلى لدرجة انى بفكر اكلم اللى اشتراها وارجعلة فلوسة واخدها تانى
وفرصة سعيد يا لورد
-
معلش هتنساها مع الوقت صدقنى وربنا يكرمك بأحسن منها ان شاء الله
-
عايز تنساها افتكر الحاجات الوحشة بتاعتها وامسح رقم تلفونها من على الموبيل وكل الماسيج الى هيا بعتتهالك امسحها ولو عرفت تعزل من المنطقة الى هيا ساكنة فيها يبقى احسن ومتعديش من ادام المكان الى هيا ساكنة فيها دلوقتى ولو عرفت تبلغ عنها متلبسها قضية يبقى احسن هههههههه اسف انفعلت شوية
-
انا حاسس بيك لانى داخل ع الموضوع ده وخايف اعيش اللى انت بتعيشه
انا معايا لانسر 2007 (توتى) و128 موديل 1972 (مرسى)
بقالى شهرين متردد فى بيع مرسى انا اتولدت لقيتها وسابها والدى رغم ان هو كمان اشترى لانسر 2008 قبل وفاته الا انه مارضيش يبيعها
ومحتار ومش عارف اعمل ايه بس الواحد داخل فى موضوع محتاج لسيوله
-
افتكر لها الرحمه اكيد انت وريتها ايام صعبه
الجنه مثواها انشا الله
ههههههههههههههههههههههههه هه
-
هههههههههه هية الله يرحمها كان اسنها اية؟
-
والله وانا بندم على ال 127 الى اتعلمت عليها السواقه والله كانت عربيه جميله وصغيره وكنت بحبها وبتودينى اى مكان وصغيره كده ومكنتش بخاف عليها وعمرها ما زعلتنى بس دماغ الحج الوالد بقى والله اول ما اتباعت فعلان كنت بصحى الصبح ابص عليها من البلكونه وحاسس انى كنت فى حلم ومكنتش مصدق بس مع الوقت خلاص نستها وبقت ذكرى دلوقتى بحب عربيتى الادا 110 برده جميله وبروح بيها كل حته وبقيت احبها الاول كنت كارهه على شان هى السبب فى بيع ال 27
مع الايام هتتعود وتحب عربيتك الجديده وهتندم لما تبيع الى معاك دلوقتى وهى دى الحياه وزى ما الاستاذ بيقول احنا شعب عاطفى فعلان
شكرا
-
Content Relevant URLs by
vBSEO 3.6.0 PL2