الموضوع: تقييمي لi30 من اوتو ماك اخبار اليوم

انا كنت في معرض اوتو ماك اخبار اليوم ولفيت المعرض جناح جناج وعايز اقولكو ان اكتر جناح كان زحمة جدا هو جناح هيونداي بتاع اونكل غبور

وبالنسبة للعربيات اللي نزلها غبور في المعرض من وجهة نظري ان اكتر عربية كان الناس بتسال عليها ومعجبة بيها جدا هي ال i30 ... بجد العربية كانت عاملة زي الملكة في الجناح الكل بيسال عليها اما بالنسبة للالنترا فا بصراحة جودة التقفيل قلت جدا وبقت زيها زي اي عربية عادية يعني مبقتش مميزة وتقريبا ده عشان خاطر يحبو الناس في ال i30 ده الي جانب ان سعر الالنترا رفع

اولا : اطمن الناس بس ان الاقبال على العربية كان كبير جدا والناس بتسال عليها كتير اوي
ثانيا : غبور شال وحدات رفع الزجاج اللي بتقفل مع السنتر يعني نفس حوار الالنترا
ثالثا : العربية فعلا فخمة جدا جدا جدا جدا نم جوا وفيها كل اللي تتمناه وانا بتكلم عن اول فئة منها اللي من غير اير باح ولا ايه بي اس ولا تعديل الكراسي
رابعا : العربية نم جوا انضف بمراحل من الالنترا يعني لو الواحد عايز يقارن بين الاتنين بس هي مشكلة الفئات الاولى انها في الكرسي بتاعها واطي شوية .. يعني منصحش بيها للجماعة القصيرين بس بجد عايز اقولكو انها بجد حكاية تستاهل ان الواحد يركبها
وبيني وبينكو انا حاسس انها هتنتشر وتبقى عربية الشعب زي الالنترا واللانسر و الكورولا ولحد الان محدش اشتكى منها خالص

وبعد الموضوع لو اي حد راح المعرض مستني التعليقات واللي ليه راي في العربية او عنده معلومة يا ريت يقول

ولكم مني ارق التحيات